Gemotze in de MK - Abe vom Stuehl!

[salegh]

"Hey Mann schmeissed leeri Bächer nid an Bode sondern gönd si go furtkeie"...

au scho ghört... alte...
bi uns dehne... aber dat is normal, mein freund, dat is so was von normal...

scheiss wetter!

[Beckenpower]

Blablabla, sorry, aber dä Kommentar ka ich mir nid verklemme! Verdammt, sind denn alles Weicheier worde in dr Kurve? Am Afang wo dStüehl ineko sind, het sich kei Schwein drum kümmeret, wenn öbber uf dene blaue Stöhrefriede gstande isch... Und jetzt? Au in dr Kurve macht isch dr Kommerz breit... Do het sich schienbar einiges do und sich nid nur zum Guete gänderet... Bins voll gnärvt ab dämm Scheiss!!!

Sorry aber dasch genau typisch für dä Typ MKler woni beschriebe ha:

• Alles wo gäge mini Asicht Spricht isch Blabla
• Bezeichned andersch dänkendi als Weicheier
• Anderschdänkend = Kommerz

S'hett nütt mit Weicheierei z'tue. Am Afrang hett niemerts öppis gsäit? Sone Blödsinn, uffgreggt hett meh sich scho damals, meh hett nur vielicht nit so protestiert, will meh gsäit hett "jänu, für die paar Spiel". Jetzt ischs aber e Duurzuestand worde, drum isches au würklig müehsam worde.

Und sehr intressant isch, dass de nit druff igosch, dass es in däre Kurve jede Match e paar Agschissni gitt wo wägge däm nütt gsehn! I nimm nit aa dass du schomol dezue ghört hesch?

[Bajass]

Also mi rege die mehr uff wo immer mit ihrne Fahne schwängge und die DH's uffehebe und me denn nüd gseht....

[Beckenpower]

Mein Gott was für e lächerliche Thread.

Naja leider bewiist dä Thread vor allem eins:
Egomanie, jetzt oder nie!

Öb Stueh stoh jetzt problematisch isch oder nit dodrüber gön d'Meinige usenand, was aber Fact isch, isch dass es jede Match es paar Gschisseni gitt wo nütt gsehn! Aber ebbe, isch jo egal, sälber Schuld, chönne jo ins C,...

[Gevatter Rhein]

Sone Scheiss. Wenn d'Stüel dinne sind hets in dr MK GARANTIERT gnueg Platz damit Alli öbbis gsehnd. Au wenns 'voll' isch.

Goht doch eher um Eitelkeite "bäbäbä das isch mi Platz do ich gang keini 50cm übere do lalli nochär lieber im Internet ume dasi nüt gse haig".

Mir persönlich isches scheissegal öb uf oder näbe de Stüel. Störe düend si uf jede Fall (USE mit de Stüel!!!). Wenn dä vornedra ufestigt stigi uffe wenn nid denn nid. Aber ebe me ka Alles dramatisiere - bis zum Trauma.


Kindergarte. Thema dure für mi.

[Beckenpower]

Sone Scheiss. Wenn d'Stüel dinne sind hets in dr MK GARANTIERT gnueg Platz damit Alli öbbis gsehnd. Au wenns 'voll' isch.

Goht doch eher um Eitelkeite "bäbäbä das isch mi Platz do ich gang keini 50cm übere do lalli nochär lieber im Internet ume dasi nüt gse haig".

Genau so isches!!!
Aber ebbe wiedermol, hauptsach ich gsehs, dr ander cha jo wäg wenns em nit passt...unseri Kurve dr Zwölfti Maa???

Mir persönlich isches scheissegal öb uf oder näbe de Stüel. Störe düend si uf jede Fall (USE mit de Stüel!!!).

Do bini einer Meinig mit dir!

[Rheinkultur]

Naja leider bewiist dä Thread vor allem eins:
Egomanie, jetzt oder nie!

Öb Stueh stoh jetzt problematisch isch oder nit dodrüber gön d'Meinige usenand, was aber Fact isch, isch dass es jede Match es paar Gschisseni gitt wo nütt gsehn! Aber ebbe, isch jo egal, sälber Schuld, chönne jo ins C,...

S het wohl an jedem match mehr als gnueg platz in dr kurve. Me cha halt nit immer in mob stoh und denn no blöd motze.

Isch jo e übli röcklikurve worde.

Ajo, denne wos nit passt sölle ins c...

[Gevatter Rhein]

hauptsach ich gsehs, dr ander cha jo wäg wenns em nit passt...

1. Jede suecht in dr Kurve si Platz sälbständig und freiwillig us

2. Wemme dört isch wo's vill Lüt het isch d'Chance au grösser das öbber im Wäg stoht, dass e Bier z'fliege kunnt, e Fahne im Wäg isch oder sunscht öbbis. Scho rein rächnerisch - wemme bedänkt dass jedi Person e potenzielle "Gfohrehärd" isch

3. Wämmer jetz gsellschaftligi Problem vo dr hütige Ellbogegsellschaft diskutiere?

[-Vize-]

...
Und sehr intressant isch, dass de nit druff igosch, dass es in däre Kurve jede Match e paar Agschissni gitt wo wägge däm nütt gsehn! I nimm nit aa dass du schomol dezue ghört hesch?

Ne du, wenn ich nüd gseh ha wäge dämm vorne dra, denn bi ich eifach au uf e Stuehl gstande... Ganz eifach oder?! Also dänk dra, wie dr Gevatter R. so schön gseit het: Pass bitte uf, dass au niemerd e Bächer an Bode wirft...
--> hesch gwüsst, in China isch e Sack Riis umgfalle!

[Beckenpower]

[quote="Gevatter Rhein"]1. Jede suecht in dr Kurve si Platz sälbständig und freiwillig us

2. Wemme dört isch wo's vill Lüt het isch d'Chance au grösser das öbber im Wäg stoht, dass e Bier z'fliege kunnt, e Fahne im Wäg isch oder sunscht öbbis. Scho rein rächnerisch - wemme bedänkt dass jedi Person e potenzielle "Gfohrehärd" isch

3. Wämmer jetz gsellschaftligi Problem vo dr hütige Ellbogegsellschaft diskutiere?


]
Genau!!!

Logisch weiss meh dass in dr MK Gfohr do isch, dass Bier fliegt, e Fahne im Wäg isch, Pyro zündet wird, uff d'Stüehl gstande wird usw. Das heisst aber nit unbedingt, dass die Sache au guetgheisse wärde sölle und meh nit über dr Sinn und Unsinn devoo diskutiere cha.
S'Problem isch halt dass mr vor Spielbeginn nit weiss wie wiit d'Uffd'Stüehlstoh-Wälle chunnt, sondern mr das erscht bemerkt wenn dr Match afoot, sprich wenns ziemlig schwierig isch no en andere einigermasse rächte Platz z'finde.

PS: Mich betrifft d'Stuehlsteherey übrigens so guet wie gar nümm, will ich e Lösig gfunde ha, wie ich das einigermasse umgoh cha. Aber das änderet für mi nütt an dr Usgangslag.

[Beckenpower]

[quote="-Vize-"]Ne du, wenn ich nüd gseh ha wäge dämm vorne dra, denn bi ich eifach au uf e Stuehl gstande... Ganz eifach oder?! ]
Naja, s'isch ebbe nit ganz so eifach, will irgendwo brichts denn ammel. Und nit sälte gitts sonigi wo d'Stüehl vor ihne ruume und die wo den ammel agebgruumt wärde sind denn ziemlich bschisse.

[einspielen]

Mein Gott was für e lächerliche Thread.

Oder isch öbberem s'Pfiffli abkeit wiler het müese uf eine vo dene giftige Stüel ufestoh (wenn dä vornedra au ufem Stuel isch) ?

Es git ächt Lüt wo keini Problem händ und zimmlig verzwiflet uf der Suechi sind nach Sache, wo si könne zum Problem ufejuble.

Nägscht Saison kunnt denn dr erschti "Hey Mann schmeissed leeri Bächer nid an Bode sondern gönd si go furtkeie"-Dubelithread


KINDERGARTE!

RICHTIG!!! mit abstand dr bescht biitrag in dem sinnlose thread!!!

[fcb is my life]

aber die andere wo sich nit drgege wehre sind genauso mitschuldig!

Es git abr au Lüüt, wo das ufs Stüehl stoh etc. gar nit stöhrt.. also so wie mi zum Bispiel.. mir esch das so zimlich egal.. hauptsache ich cha mini Mannschaft unterstütze und de Match einigermasse mitverfolge

[Mindl]

[quote="fcb is my life"]Es git abr au Lüüt, wo das ufs Stüehl stoh etc. gar nit stöhrt.. also so wie mi zum Bispiel.. mir esch das so zimlich egal.. hauptsache ich cha mini Mannschaft unterstütze und de Match einigermasse mitverfolge ]

s gitt au sötigi wo dank em uffs stuehl stoh meh gsehnd


zuedem: selet doch all die us dä kurve vereise wo nur e ticket det kauft händ wills am billigste isch...


@opa tod: jede söti au no e eigene äschebächer mitnäh undso...

[Bajass]

Mi rege halt die fahneschwänggende und Doppelhalternde Duubel am maischte uf....denn seht me nie dr Match in dr MK...

[Beckenpower]

zuedem: selet doch all die us dä kurve vereise wo nur e ticket det kauft händ wills am billigste isch...

Alli in ei Topf wärfe ole!

[salegh]

Mi rege halt die fahneschwänggende und Doppelhalternde Duubel am maischte uf....denn seht me nie dr Match in dr MK...

WORD! selle sie mol 90minute obe b'halte, hösch!

[Eckfahne]

WORD! selle sie mol 90minute obe b'halte, hösch!

sags nid...

[Läggerlifreak]

hmm Fakt isch doch , dass du meistens in dinere Gruppe an dim Platz stosch.... und meistens het's meh lyt als Stieh dert...

drzue chunt , dass es lyt git (2x2 m) wo uffe stèhn und denn lyt wo viellicht hindedra knappi 150 sinn grad gar nix meh gsehn ebb sie jetzt uff dr Stuehl stehn oder nit...

Ich blieb drbi stand sicher nie uff sone ding uffe und wenn eine vornedra das macht , denn fliegt er (usnahme wirglig glaini lyt wo sunst kai chance hätte)

[Läggerlifreak]

selle sie mol 90minute obe b'halte, hösch!

my arme-n-Arm...

[willow]

hmm Fakt isch doch , dass du meistens in dinere Gruppe an dim Platz stosch.... und meistens het's meh lyt als Stieh dert...

drzue chunt , dass es lyt git (2x2 m) wo uffe stèhn und denn lyt wo viellicht hindedra knappi 150 sinn grad gar nix meh gsehn ebb sie jetzt uff dr Stuehl stehn oder nit...

Ich blieb drbi stand sicher nie uff sone ding uffe und wenn eine vornedra das macht , denn fliegt er (usnahme wirglig glaini lyt wo sunst kai chance hätte)

üh bisch jo ganz e harte vuwäge "denn fliegt er" .. will di eimol seh mi ab somene stuehl schupfe .. zudäm isch meistens dä wo grad diräkt vor dir ufem stuehl stoht au nur e "opfer" vu eim wo däm wiedr vorne dra stoht .. das problem foht meiste ganz unte ah (wäge de zuunfahne) und bisde mol dört abe chunnsch zums däm sage und wiedr zrugg stöhn si wiedr uf de stiehl (au scho vorcho) .. am beschte diä scheiss stiehl abmontiere und ersetze durch sönigi wiä in hamburg odr z'italie

[Läggerlifreak]

üh bisch jo ganz e harte vuwäge "denn fliegt er" .. will di eimol seh mi ab somene stuehl schupfe .. zudäm isch meistens dä wo grad diräkt vor dir ufem stuehl stoht au nur e "opfer" vu eim wo däm wiedr vorne dra stoht .. das problem foht meiste ganz unte ah (wäge de zuunfahne) und bisde mol dört abe chunnsch zums däm sage und wiedr zrugg stöhn si wiedr uf de stiehl (au scho vorcho) .. am beschte diä scheiss stiehl abmontiere und ersetze durch sönigi wiä in hamburg odr z'italie

sait niemer nai aber unterem strich isch das halt irgendwie nit mèglich.... Also alternativi Lösige sueche ... und wägem abegheie .... d'Schwerkraft hilft meist guet mit und sunst isch me jo sälte-n-elay wo schupft ^^

[schnuderi]

Zu dem Thema muss ich nun auch mal was loswerden.

Gestern in der MK, wir standen ziemlich weit vorne, sind plötzlich ein paar Typen auf die Stühle gestanden (wo ist der Sinn??). Dies hatte natürlich eine Kettenreaktion zufolge und von allen Seiten gab es Reaktionen, dass die Herren das "auf die Stühle stehen" doch unterlassen sollen. Aber statt sich vom Stuhl runter zu bewegen gab es ein paar Aufmüpfige, die den anderen drohten "He weisch du überhaupt wer ER isch?" und beinahe eine Schlägerei provozierten.

Den Gipfel fand ich einfach, dass solche "Teenager" einem gut 10-12 Jahre älteren mit so Floskeln kamen wie "Weisst du überhaupt mit wem du sprichst?". Das kann ich einfach nicht ernst nehmen!

-------------

Ach ja, sollten Reaktionen auf meinen Beitrag kommen wie "Was willst du 'Neuling' denn hier im Forum" etc. => Lasst sie doch stecken.

[Gevatter Rhein]

Gerettet!

In einer dramatischen Aktion konnte der gestern in China umgefallene Sack Reis geborgen werden.

Hier im Bild sehen wir Dr. Sambal Oelek, wie er nach dem sofortigen intensiven Untersuch des Opfers dieses glücklich der Weltöffentlichkeit präsentieren kann : Nix passiert!

Danke an die Rettungskräfte, die dank beherztem Eingreifen das Leben von hunderttausenden Körnern gerettet haben.

[Basic]

immer wurde von den silbernen seite nach oben halten gesprochen, ich wurde aber einmal mehr geschnitten und hatte gar kein blatt mit einer silbernen seite

scheiss fans, scheissabend.

[Bajass]

WORD! selle sie mol 90minute obe b'halte, hösch!

Nai waisch...aifach gar nümm schwängge und die duuble wo uf de stiehl stönn sölle au e mol absitze....worum duet me denn die stiehl nid bruuche wenn's scho het!

[schnuderi]

man muss ja nicht mal sitzen, es reicht ja wenn man einfach nur VOR dem Stuhl stehen bleibt.

[salegh]

Nai waisch...aifach gar nümm schwängge und die duuble wo uf de stiehl stönn sölle au e mol absitze....worum duet me denn die stiehl nid bruuche wenn's scho het!

stimmbänder het au jede gwagg im stadion... werde aber sellte, numme bi gross aläss, vo allne brucht...
au e schand...

höschnomol!

[Gevatter Rhein]

Ha ghört jetz sig in Taiwan au no e Sack umkeit. Gopferdammisiech nomol so öbbis aber au!

[salegh]

Ha ghört jetz sig in Taiwan au no e Sack umkeit. Gopferdammisiech nomol so öbbis aber au!

nei aber ni dr sack(leck) 2345-653634 schrägg strich 13...?

scheiss das wer mi gras gsy... isch numme mit ries agschriebe gsy... damisiech...!