Djox87 hat geschrieben:es isch störend für mich.. ihr diskutieret immer im kreis.. ihr diskutieret nid übers spiel.. tscheggsch?
zämmegfasst: ah in de letschte zwei johr het das gfählt und isch grotte kick gsi und international nüt erreicht.. uh nei in dere saison hämmer in 12 spiel x goal gschosse und so viel püngt gholt also isch doch de ander besser gsi...... was zur höll isch do am spiel diskutiert? was het de urs fischer mitem fuessballspiel vom 02.12.2017 ztue? genau nüt
nei, es isch eher verwunderlich, wie schnäll me nachem fischer zumene fuessball wie vom 2.12.2017 het könne zruggfinde. lueg, wenns di stört, denn liis es nid, tscheggsch?
Kurtinator hat geschrieben:Du bisch ammigs scho e hartnäggige Siech.
Grundsätzligg hesch rächt, aber du verglichsch jetzt d`Spielsystem vom Wicky und em Fischer und das hett au in mine Auge eher im Trainer-Faade öbbis z`sueche. Ich wundere mi au, dass dr Lausanne Match-Thread immerno obe ummefiguriert, obwohl s Spiel am Samstig gsi isch und keini bsunderi Sache vorgfalle sin. Vrschiebet doch ammigs so Diskussione in de entsprächendi Faade.
Die rästligge User dangge!
als obs imene entsprächende fade nid genau die gliiche forumspolizischte gubti, wie do, wo anderne wänn sage, was me darf schriibe, und was besser nid... s luschtige isch, dass es mehr posts git, was eine darf schriibe und was nid, als öbbis anders. also sin eigentlig die, wo immer schriibe, was me besser nid, oder neume anderscht, oder nid jetzt darf schriibe, die, wo am meischte sinnlos schriibe, well ich froog mi, wär wott läse, dass me das und das nid so oder so oder anderscht darf schriibe... übrigens, grad s piil gege lausanne zeigt dütlig d entwicklig, wo d mannschaft vom fischer zum wicky gnoh het. e user het vomene monschter gredet, wo sich entwicklet. usserdäm entwicklet sich e diskussion halt dört, wo me grad entsprächend am diskutiere isch... wenns für di störend isch, wie für dr djox87, denn hets forum d option vom ignoriere, oder du liisischs eifach nid... aber das forumspolizeigetue isch imho nid förderlig für jeglichi art vo diskussion. grad letschtjoor hets immer gheisse, me darf das und das übere fischer nüm schriibe, und jeglichi kritiker sin richtiggehend agfiggt worde, so, dass fascht keini mehr gschriibe hän... das isch nid gsund für e forum... do sött jede si meinig dörfe frei kundtue, solang si nid rassistisch, beleidigend oder suscht diskriminierend isch. usserdäm findis sehr interessant, wie du zb. dänggsch, dass du für alli redisch...