Kantersyyg

[adsge]

Dunggli Wolgge steehn parat,
an däm Sunntig-Nommidaag.
Isch's e Omen, so-ne Zaiche,
wird's is hitte wieder braiche?

Wo no Rääge hett igsetzt,
hett sich mängain scho entsetzt,
macht d' Naddur jetzt geg is Stimmig,
bi dr Nati-A-Platz-ains erklimmig?

Harzig denn au no dr Start,
me kunnt nidd ganz so rächt in fahrt.
me isch bemieht, ganz ohni Zwyyfel,
doch gläbbt bitz Päch an uns're Styyfel.

Halbzytt zwai, jetzt lauft's ganz guet,
d Helfti ains hett g'macht vyyl Muet,
dr Showdown nooht, jetzt läähn di zrugg,
denn es goht jetzt denn ruggzugg.

Dr Zähner fasst sich fescht ans Härz,
will vergässe loh dr Schmärz,
wo-n-en ploggt sytt är isch koh,
will nidd in Rueh me ihn will loh.

Luperain sin syni Gool,
ych mir fascht ain aabehool,
mit Risiko und au vyyl Muet,
är dye Bäll gescht träffe duet.

Wän y au no loobe ka,
isch dr Pape Malik Ba,
ändlig mol wird är belohnt,
är wo sich no nye hett gschont.

So trifft das Omen denn halt Thun,
denn Basel isch gsi gescht immun,
und hett se uss em Stadion gspyylt,
und fimf scheeni Depf erzyylt.


Merci Jungzzzz!

[Basic]

wältklass

[sergipe]

Wie immer exellänt

[AVATAR]

wie immer, absolut TOP


Danke für das schöne "Färsli"

[örjan berg]

@adsge
wenn's en olypmiasieger im texte und dichte gäbt, wurdsch en becho.

[fcbasilea]

Würchläch Wältklass. Gratulation
Super Värsli.

[Fire of Basle]

Scheen isches gsi...! ! !

Diggs Värsli adsge

[Rot-Blau Pat]

ganz schön! Geil!

[B-A-S-E-L]

eifach hammer!

[Schooffseggel]

wow, adsge hesch e härz dir gfasst
und s niveau däm vom match aapasst
e bombevärs hesch wieder gmacht
gnau wie dr match vo gescht, e pracht

bi yberzyggt, mit dinr'e mainig
sin mir ys hytte alli ainig
thun het bi däm goalspeggdaggel
uss gsee wie-n-e begoss'ne daggel

basel, nit thun, hesch 90 nyynz'g minute
wie-n-e champion gsee schutte
mit wucht und tempo, ass eppis lauft
hän si thun dr mumm abkauft

dr petric, geschter ganz enorm,
isch im momänt saggstargg in form
so hattrick ka me sälte gsee
dr erscht, vo unsrem ex-gc

wie du scho gsait hesch, au dr ba
isch uff em fäld e waansinns maa
e kämpertyp mit biss und härz
kennt uff em raase kuum e schmärz

doch mecht i nit vergässe, näb dääne
zwai, e dritte no z erwääne:
au wenn uff dr falsche positioon
(die uffstellig isch fir ihn e hohn!)

so duet dr scotty alles gää
losst sich hinde kai ball abnää
und zuegliich rennt är wie veruggt
wenn's ihn als im kickschue juggt

im lingge couloir yb're raase
danzt de vertaidiger um d naase
um denn bim eggballfäänli noo
e flagge scharf in stroofruum z schloo

doch s ganze team het geschter gwunne
(au bi däm wätter ooni sunne)
het richtig luscht ys gmacht uff mee
danggerscheen, my fcb!

[Cinzia]

eifach genial!

[adsge]

wow, adsge hesch e härz dir gfasst
und s niveau däm vom match aapasst
e bombevärs hesch wieder gmacht
gnau wie dr match vo gescht, e pracht

bi yberzyggt, mit dinr'e mainig
sin mir ys hytte alli ainig
thun het bi däm goalspeggdaggel
uss gsee wie-n-e begoss'ne daggel

basel, nit thun, hesch 90 nyynz'g minute
wie-n-e champion gsee schutte
mit wucht und tempo, ass eppis lauft
hän si thun dr mumm abkauft

dr petric, geschter ganz enorm,
isch im momänt saggstargg in form
so hattrick ka me sälte gsee
dr erscht, vo unsrem ex-gc

wie du scho gsait hesch, au dr ba
isch uff em fäld e waansinns maa
e kämpertyp mit, biss und härz
kennt uff em raase kuum e schmärz

doch mecht i nit vergässe, näbe dääne
zwai, e dritte no z erwääne:
au wenn uff dr falsche positioon
(die uffstellig isch fir ihn e hohn!)

so duet dr scotty alles gää
losst sich hinde kai ball abnää
und zuegliich rennt är wie veruggt
wenn's ihn als im kickschue juggt

im lingge couloir yb're raase
danzt de vertaidiger um d naase
um denn bim ebbgallfäänli noo
e flagge scharf in stroofruum schloo

doch s ganze team het geschter gwunne
(au bi däm wätter ooni sunne)
het richtig luscht ys gmacht uff mee
danggerscheen, my fcb!

E scheen Värsli, chapeau!

[Rot-Blau Pat]

au dä isch dick! Cooli Szene..

[drmichi]

ganz geil...

[Marylou]

ihr sind eifach mini helde, ha mi grad gfreut, dass ihr eurer värsli-brünzler-wuet wieder emol freye lauf gloh händ, es isch doch eifach toll!

wyter so au für euch, merci!

[tanner]

es isch soooo schön wieder heimechoo und so tolli värsli zläse


danke

[bebbi13]

Mega geil!!!!!!!!!!!!