Staun, staun....

[adsge]

Ab wäm ych letschtens amme stuun,
isch dä Club am See by Thun,
dye schleen zue ganz ohni Glaaber,
s gytt kai wenn und s gytt kai aber.

In Serie nur hoochi Syyg,
fyr dye Quali zer Champiens-Lyyg,
im Kanton jetzt d' Numm're-n-ains,
dasch e Wunder scho-ne glains.

Doch Platz ains in däm Kanton,
isch dene jetzt e z'glaine Lohn,
dye strääbe jetzt noch heech're Weyhe,
und wänn uns vom Thron drabgheye.

Doch au z'Basel, do am Rhy,
mag me nidd denn zwaitte syy,
trotz vyyl Gschnuur und au Quereele,
ka me d' Aspryych nidd verheele.

Do zellt nur dr erschti Platz,
alles and'ri wär fyr d'Katz,
fyr das Kader, fyr d'Region,
zellt nur das denn au als Lohn.

Gännd uns drumm dä gford'ret Titel,
setzed yy all eyri Mittel,
haued wägg dye Antipoode,
mached Basel zem hailig Boode.

Dye hänn e Lauf, doch dä wird ände,
denn mir wärde s Blatt no wände,
do im Pargg dr Showdown nooht,
denn wenn Basel Thun derb schlooht!


Doch z'erscht kunnt no Schaffhuuse dra......

[*BEBBI*4ever!!!]

Ab wäm ych letschtens amme stuun,
isch dä Club am See by Thun,
dye schleen zue ganz ohni Glaaber,
s gytt kai wenn und s gytt kai aber.

In Serie nur hoochi Syyg,
fyr dye Quali zer Champiens-Lyyg,
im Kanton jetzt d' Numm're-n-ains,
dasch e Wunder scho-ne glains.

Doch Platz ains in däm Kanton,
isch dene jetzt e z'glaine Lohn,
dye strääbe jetzt noch heech're Weyhe,
und wänn uns vom Thron drabgheye.

Doch au z'Basel, do am Rhy,
mag me nidd denn zwaitte syy,
trotz vyyl Gschnuur und au Quereele,
ka me d' Aspryych nidd verheele.

Do zellt nur dr erschti Platz,
alles and'ri wär fyr d'Katz,
fyr das Kader, fyr d'Region,
zellt nur das denn au als Lohn.

Gännd uns drumm dä gford'ret Titel,
setzed yy all eyri Mittel,
haued wägg dye Antipoode,
mached Basel zem hailig Boode.

Dye hänn e Lauf, doch dä wird ände,
denn mir wärde s Blatt no wände,
do im Pargg dr Showdown nooht,
denn wenn Basel Thun derb schlooht!


Doch z'erscht kunnt no Schaffhuuse dra......

...adsge, du bisch unsre Maa!!!

Herrlig, wie immer!!! (wie oft hani das jetzt scho gschriibe?!)

[baasel]

eifach immer e Gnuss zum läse!!

[andrea]

und das so frieh am morge!!!Hammer.....

[Hank Hoover]

sehr scheen en grosse applaus!!!

[Marylou]

und das so frieh am morge!!!Hammer.....

äääähm, ich glaub eher spot zobe...

aber isch wirgglich wieder emol 1a!!!

[rotoloso]

*SING*
adsge bisch e geile Siech
adsge bisch e geile Siech
adsge bisch e geile Siech
biiiisch e geile Siech
*SING*