Bestes Temporär-Büro für Teilzeitstellen?

[Sharky]

Ich suche mir einen neuen Nebenverdienst und suche eine 50-60% Stelle.
Welche Temp. Büro sind dafür am besten geeignet?
Arbeiten kann ich praktisch alles, ausser Handwerklich...

[teutone]

kann man so nicht beantworten, kommt hauptsächlich auf den Betreuer an!
Würde einfach mal zu verschiedenen Büros gehen....

[DIFare]

Ich bi durch d EDP an mini Stell cho.

Woni mi agmolde ha dört isches grad mol 1 Wuche gange scho hani mi an zwei Ort chönne vorstelle.

Weiss jetzt nid was die alles hän aber Büro hän si sicher...

EDP Personalberatung GmbH
Freie Strasse 17
4001 Basel
+41 61 269 90 60
info@edp-basel.ch
http://www.edp-basel.ch

[rotoloso]

Temporär und Teilzytt nid s'gliiche?

[redflag166]

Ich bi durch d EDP an mini Stell cho.

Woni mi agmolde ha dört isches grad mol 1 Wuche gange scho hani mi an zwei Ort chönne vorstelle.

Weiss jetzt nid was die alles hän aber Büro hän si sicher...

EDP Personalberatung GmbH
Freie Strasse 17
4001 Basel
+41 61 269 90 60
info@edp-basel.ch
http://www.edp-basel.ch

Ich habe zwar kein Interesse an einer Temporärstelle, mich würde aber trotzdem wundernehmen wie viel man für so eine Vermittlerfirma wie die EDP Personalberatung zahlen muss?!

[Joker59]

Ich habe zwar kein Interesse an einer Temporärstelle, mich würde aber trotzdem wundernehmen wie viel man für so eine Vermittlerfirma wie die EDP Personalberatung zahlen muss?!

das ist sache zwischen arbeitgeber und vermittlungsfirma. für den stellensuchenden sollten an sich keine vermittlungskosten entstehen.

[Russe]

je nach anstellung und vertrag um die 2-3 monatslöhne.....

bei stundenlohn streichen die massig ein - keine seltenheit, dass du 25 ausbezahlt hast, die firma aber nochmals 20 an das tempbüro abdrückt.....

[salegh]

Ich habe zwar kein Interesse an einer Temporärstelle, mich würde aber trotzdem wundernehmen wie viel man für so eine Vermittlerfirma wie die EDP Personalberatung zahlen muss?!

jede arbeitsvermittler wo stutz vo dir verlangt fiir e vermittligg - isch e elende hies***n! de kassiert scho fett mit bim vermittle...!

[Kawa]

Ich habe zwar kein Interesse an einer Temporärstelle, mich würde aber trotzdem wundernehmen wie viel man für so eine Vermittlerfirma wie die EDP Personalberatung zahlen muss?!

Bei Temporärarbeit sind's 30-50% des Stundenlohnes

[Riesespächt]

Bei Temporärarbeit sind's 30-50% des Stundenlohnes

Das findi ebe e chli viel. Die Sieche mache jo nit viel.....e chli Papierkram und fertig...."amdinistrative Uffwand" tssssss, das gits gar nit. Ich hass die Temporärbüros, muess mol eins abfackle.....

Edit: jo und damits no chli Sinn macht; Express Personal in dr Steine hani no ganz ok gfunde....

[Joker59]

Das findi ebe e chli viel. Die Sieche mache jo nit viel.....e chli Papierkram und fertig...."amdinistrative Uffwand" tssssss, das gits gar nit. Ich hass die Temporärbüros, muess mol eins abfackle.....

Edit: jo und damits no chli Sinn macht; Express Personal in dr Steine hani no ganz ok gfunde....

si bsetze jo usschliesslich leerschdehendi byros in dr innerschdadd und läbe vo schbändegälder.

dwärbig schbraye si in form vo taks und das illegal und chundebsüech mache si uffem skateboard

[Gone to Mac]

do hesch mol alli adresse... s beschti fin ich persönlich d adecco und manpower... aber kunnt natürlich au ufd branche a

[Riesespächt]

si bsetze jo usschliesslich leerschdehendi byros in dr innerschdadd und läbe vo schbändegälder.

dwärbig schbraye si in form vo taks und das illegal und chundebsüech mache si uffem skateboard

I sag jo s sin Sauhünd

[John_Clark]

Also, mini momentane Top-Büros:

Kelly Services
Adecco
IPS
Express Personal
Bref AG
Der Leader
Elan Personal

S chunnt aber nid wirklich uf d Firma a, sondern eher uf d Beroter drhinter. Aris Personal zum Bispiel hani friehner e Topbude gfunde. Aber sit mi Beroter dört gange isch, lauft dört nümm viel für mi.

[Kawa]

Also, mini momentane Top-Büros:
...
...

eigentlich alle

[John_Clark]

eigentlich alle

Wenn du 7 Büros vo öpe 180ig in Baselstadt alls "alle" bezeichnesch....

[Kawa]

Hatte keine Ahnung dass es so viel gibt ....

[John_Clark]

Hatte keine Ahnung dass es so viel gibt ....

9/10 vo dene chasch aber au rauche. Und paar sin halt spezialisiert äntwäder uf Bau, Pfläg oder Gastro.

[Jägermeister]

je nach anstellung und vertrag um die 2-3 monatslöhne.....

bei stundenlohn streichen die massig ein - keine seltenheit, dass du 25 ausbezahlt hast, die firma aber nochmals 20 an das tempbüro abdrückt.....

Das heisst dass das Vermittlungsbüro 45 Franken pro Stunde beim Kunden verlangt und Dir nur 25 CHF bezahlt???

[John_Clark]

Das heisst dass das Vermittlungsbüro 45 Franken pro Stunde beim Kunden verlangt und Dir nur 25 CHF bezahlt???

Das chunnt in dr Regel öpe ahne. Isch aber vo Büro zu Büro verschiede. I cha nur sage, dass jetzt z.B. d Kelly und d Adecco dir e rächt "nätte" Batze zahle, wenn sie di in e Pharmafirma vermittle chönne. Und, wenn d Pharmabude denn em Büro 55ig oder so zahlt und du mitti 30ig verdiensch...

S git aber au Budene, wo di ums verrecke wän zum absolute Minimum-Lohn schaffe loh und di sogar als Liegner bezeichne, wenn de seisch, was de vorhär verdient hesch -> in diesem Sinne, Gruss an einen (ehemaligen?) Sponsor des EHC..........

[Jägermeister]

Das chunnt in dr Regel öpe ahne. Isch aber vo Büro zu Büro verschiede. I cha nur sage, dass jetzt z.B. d Kelly und d Adecco dir e rächt "nätte" Batze zahle, wenn sie di in e Pharmafirma vermittle chönne. Und, wenn d Pharmabude denn em Büro 55ig oder so zahlt und du mitti 30ig verdiensch...

S git aber au Budene, wo di ums verrecke wän zum absolute Minimum-Lohn schaffe loh und di sogar als Liegner bezeichne, wenn de seisch, was de vorhär verdient hesch -> in diesem Sinne, Gruss an einen (ehemaligen?) Sponsor des EHC..........

Das kann ich mir beim besten willen nicht vorstellen dass die eine solch grosse Marge haben. Das wird mit der Menge an vermittelten Personen bei der jeweiligen Firma gemacht.

[John_Clark]

Das kann ich mir beim besten willen nicht vorstellen dass die eine solch grosse Marge haben. Das wird mit der Menge an vermittelten Personen bei der jeweiligen Firma gemacht.

Ich kann dir als ehemaliger Vermittler sagen, dass solche Margen existieren. Dieses Beispiel ist vielleicht noch ein wenig gar hoch - aber von den realen Margen nicht weit entfernt.

[Sharky]

Also, mini momentane Top-Büros:

Kelly Services
Adecco
IPS
Express Personal
Bref AG
Der Leader
Elan Personal

S chunnt aber nid wirklich uf d Firma a, sondern eher uf d Beroter drhinter. Aris Personal zum Bispiel hani friehner e Topbude gfunde. Aber sit mi Beroter dört gange isch, lauft dört nümm viel für mi.

Super Do channi jo jetzt emol e chli umme telefoniere und Termin veriebare...

Wenn no öbber grad gueti Beroter mit Name chönnt ageh, das wäri no ganz super.

[Joker59]

Super Do channi jo jetzt emol e chli umme telefoniere und Termin veriebare...

Wenn no öbber grad gueti Beroter mit Name chönnt ageh, das wäri no ganz super.

sinn mehreri berooder immene byro, so bedreud in dr regel dr ainzelni e odr mehreri branche. und nur die.

wirsch dr also dr berooder nid kenne uslääse.

[Kawa]

Das heisst dass das Vermittlungsbüro 45 Franken pro Stunde beim Kunden verlangt und Dir nur 25 CHF bezahlt???

Variiert ein wenig aber kommt so etwa hin.

[Adelino da Sülüa]

gits do au par wo temporär jobs durch geheimtipps hän odr immer nur stellevermittligs büros.

[BaselGunner]

Ich bi jetzt im HR, ha aber mehr als 10 Johr in dr Personalvermittlig gschafft. Zum uf die Diskussion zrugg zko betreffend Marge:

Wenn Du als vermittelti Person e Bruttolohn hesch vo 25 Franke und s'Büro wo Di vermittlet hesch kassiert vom Kund 50 Franke, denn heisst das nid dass d'Marge 25 Franke isch, sondern öppe 10 -15 Franke.

Zu Dim Bruttolohn kömme nämlig no ganz e Mengi Köste wie:
- Versicherig Anteil Arbetgeber
- Pensionkasse Anteil Arbetgeber
- AHV/IV Anteil Arbetgeber
- Ferientagsrückstellige
- unproduktivi Köste

@Riesespecht

Es stimmt scho, es gibt Büros wo massiv viel Marge mache und d'Mitarbeiter au über dr Tisch ziehnd, aber genauso gibts einigi Budene wo e seriöse Job mache. Wieso dass es eso viel Vermittligsbüro's gibt weiss ich au nid, aber es gibt halt au viel Lüt wo sich selber nid guet präsentiere bi eme Vorstelligsgspröch und denn isch es guet wenn me en Erfahrene Beroter zur Seite het wo eim Tipps gibt, oder wo eim sogar durch Beziehige ka es Vorstelligsgspröch vermittle.

Ich cha do nid einfach sage welles gueti und welles schlechti Budene sind, das kunnt extrem uf d'Branche druff a, wenn Ihr mir genau saged welli Branche dass Euch interessiert kann ich Euch gärn sage welli Büros ich persönlich würd favorisiere.

Do aber no en Tipp am Rand. Ich würd für gwüssi Positione eher zu eme kleine regionale Unternehme go, die händ zwar meischt nid die ganz grosse Kunde wie UBS oder CS aber drfür händ si viel die bessere Beziehige.

[Kawa]

Wenn Du als vermittelti Person e Bruttolohn hesch vo 25 Franke und s'Büro wo Di vermittlet hesch kassiert vom Kund 50 Franke, denn heisst das nid dass d'Marge 25 Franke isch, sondern öppe 10 -15 Franke.

Zu Dim Bruttolohn kömme nämlig no ganz e Mengi Köste wie:
- Versicherig Anteil Arbetgeber
- Pensionkasse Anteil Arbetgeber
- AHV/IV Anteil Arbetgeber
- Ferientagsrückstellige
- unproduktivi Köste

Naja, ein wenig fragwürdige Zahlen ...

Bei deiner Marge von 10.- heisst das ja, dass die Verm.bude auf den Bruttolohn noch 60% an Sozialvers.-Arbeitgeberanteil draufzahlt. Das sind aber kaum mehr als 20%
Dazu kommen noch die 8.33% Ferienrückstellungen und ein (scheinbar gewaltig) hoher Anteil an "unproduktivi Köste"

PS : Marge 15.- macht immerhin 27'000.- pro Jahr für die Temporärbude. Zum Vergleich : derjenige der wirklich arbeitet verdient in dem Bps. 45k ...

[König 1893]

PS : Marge 15.- macht immerhin 27'000.- pro Jahr für die Temporärbude. Zum Vergleich : derjenige der wirklich arbeitet verdient in dem Bps. 45k ...

what asshoes!

ha bis jetzt immer denkt, die kriege eifach e kommission fürd vermittlig und domit het sichs...dorum läbe die also an de beste ört in dr stadt

[Kawa]

Naja, gerade als A.... würde ich sie nicht bezeichnen.

Sie wollen halt Geld verdienen (völlig legitim, das will jeder), aber sie sollen nicht immer so tun wie wenn's beinahe fast nix wäre ...