S'isch doch aigentlig himmeltruurig. Vo unserer U-17 Europameischter-Mannschaft 2002 kömme hütt folgendi Spieler einigermasse imene 1.Fanionteam zem Ysatz: Barnetta, Senderos, Ziegler und Maksimovic. Das isch doch aifach e Armuetszügnis für dr Schwyzer Fuessball. Wo isch dr Räschte blyybe ? Drfür wird für Unsummene zämmekauft, was es so z'kaufe git, was halt die europäische Spitzeteams nit wänn.
Do stimmt aifach öppis nit. Immer wird vo aigener Juniore-Förderig glallt. Gseh duet me aber sehr wenig drvo, wenn sy im entscheidende Alter sinn und denn isches plötzlig z'spoot und sy verschwinde in dr Versänkig.
FCB:
FC Basel verliert gege Thun, Aarau und Schaffhuuse und scho ghörsch-se wyyder nörgele, die Super-Fans. Dr FCB wird jo am Schluss trotzdäm Meischter, so schwach präsentiert sich dää Schwyzer Fuessball. Y möcht dää Spyyler gseh, wo immer no 100% git, wenn är s'Ziel au mit 70% schafft !
Mir bruuche wyyder e stargge FCZ, e ebebürtige Hass-Gegner "GC", e YB, wo uns forderet, e Gänfer Club, wo spielerische Glanzpünggt kaa setze, e FCL als Hürde in dr Innerschwyz, denn kunnt au wyyder dr 100%-Ysatz, automatisch, ohni Fleischkappe, ohne Vorstand-Schelte, ohni Drohig vonere Prämie-Reduktion.
Habe fertig
ich verstehe die logik hier nicht! FC Basel verliert gegen FC Thun und an allem sind nur die Gegner schuld weil die so furchtbar schlecht sind....