Vom Sueche und Finde

Rhyfisch · Beitrag von **Rhyfisch** » 11.02.2005, 11:08

Lüt, mol e Froog: Wenn ihr mol öppis findet, zB uff dr Stroos, inere TKB im Zug oder so, was machet ihr? Bringeders uffs Fundbüro (zB Portmonnee, Schlüssel)? oder bhalteders grad sälber (zB elektronischi Grät oder Gäld) oder versuechet ihr dr Bsitzer usfindig z mache zum ems denn sälber gä?

Hätt eigentlich e Umfroog sölle gä, aber ha nit gschnellt wieme das ahstellt

e scheene

Rinoceronte · Beitrag von **Rinoceronte** » 11.02.2005, 11:10

Kunnt immer druf a was i find

Hesch öbbis gfunde? Wenns meh Wärt het als 100.- den ghöhrts sicher mi

Flyergirl · Beitrag von **Flyergirl** » 11.02.2005, 11:12

also bi gäldbüddel luegi dri obs e ID het oder so wo name odr adrässe druffe isch und brings hei oder lüd ah. falls es nur gäld wäri wüssti nid was mache, das kunnt worschindlich nüme zum finder zrugg...

rotoloso · Beitrag von **rotoloso** » 11.02.2005, 11:12

Schlüssel, Karte (EC, Kretid, usw), Portmonnaie landet eifach alles im nögschte Postkaschte

Rhyfisch · Beitrag von **Rhyfisch** » 11.02.2005, 11:14

@ Rinoceronte

s handelt sich ebe um e natel..

Mayor · Beitrag von **Mayor** » 11.02.2005, 11:18

Rhyfisch hat geschrieben:Lüt, mol e Froog: Wenn ihr mol öppis findet, zB uff dr Stroos, inere TKB im Zug oder so, was machet ihr? Bringeders uffs Fundbüro (zB Portmonnee, Schlüssel)? oder bhalteders grad sälber (zB elektronischi Grät oder Gäld) oder versuechet ihr dr Bsitzer usfindig z mache zum ems denn sälber gä?

Hätt eigentlich e Umfroog sölle gä, aber ha nit gschnellt wieme das ahstellt
e scheene

Waseliwas hesch denne gfunde? Willsch jetzt d Tendänz aaluege und denne anhand vo däm entscheide...?

Also mir bassierts nid oft, dass ych öbbis find. Aber Grundsätzlich gib ychs zrugg. Vorallem wenn ych grad gseh wärs verlore hett. Do spielts gar kai rolle was es isch. Und wenn ych aifach eso öbbis find denne gib ys eigentlig au zrugg. Je nächdäm wenns öbbis isch wo-n-y weiss, dass es fascht kai Wärt hett und/oder s schwierig/unmöglich isch für de Inhaber das widr zfinde und das scho uffgäh hett, denne kas au bassiere dass ychs bhalt.

Rinoceronte · Beitrag von **Rinoceronte** » 11.02.2005, 11:18

Rhyfisch hat geschrieben: @ Rinoceronte

s handelt sich ebe um e natel..

Jetzt hani doch grad zufellig mins grad letschti verlore

(Wenn und wo heschs gfunde?)

Ingrid · Beitrag von **Ingrid** » 11.02.2005, 11:19

hmm, ischs agschalte?

Han mal 700.- gfunde, han alles probiert, dass ich de finde wo's verlore hed, hanen aber ned gfunde...

Rhyfisch · Beitrag von **Rhyfisch** » 11.02.2005, 11:22

ebe, e natel. im zug vo zirü nach bosl. ha mi däsche am bode gha und woni bi usgstiege hanis gseh underem sitz. ha die andere im abdeil gfrogt obs epperem sig, aber fählazeig. s isch abgstellt.
i brings wohl uffs sbbfundbüro..

Rinoceronte · Beitrag von **Rinoceronte** » 11.02.2005, 11:24

Rhyfisch hat geschrieben:ebe, e natel. im zug vo zirü nach bosl. ha mi däsche am bode gha und woni bi usgstiege hanis gseh underem sitz. ha die andere im abdeil gfrogt obs epperem sig, aber fählazeig. s isch abgstellt.
i brings wohl uffs sbbfundbüro..

Dasch sicher mins!!! Nid ufs Fundbüro!! Gibs mir!!

Russe · Beitrag von **Russe** » 11.02.2005, 11:28

was isch do grad letschti für e schlagziile umegsi??

frau von natelfinder zu sex genötigt??

...si het denn aber dr maa mitgnoh und dä het dr ander hart verschlage oder so.....

rhyfisch....no alles dra?

Rhyfisch · Beitrag von **Rhyfisch** » 11.02.2005, 11:34

*bammel*

Rinoceronte · Beitrag von **Rinoceronte** » 11.02.2005, 11:49

Russe hat geschrieben:was isch do grad letschti für e schlagziile umegsi??

frau von natelfinder zu sex genötigt??

...si het denn aber dr maa mitgnoh und dä het dr ander hart verschlage oder so.....

rhyfisch....no alles dra?

Hoffe mr emol as dr Rhyfisch sich nid bald mues afo Sushi nenne