Platini uff der Boscht Rieche 2: E Drama in 3 Aggt

[Platini]

Rieche, 5 vor 4i post meridiem. Der Platini lauft nüt aanend in d Bischt Rieche 2 (Rauracher) zum sini Seminararbet iigschriibe furtzschigge. Was em in de näggschte 20 Minute widerfaart prägt si Bild vom gääle Riis noochhaltig.

Aggt 1:

Platini (lauft in d Boscht): 'noobe Mitenand
Volgg (e-n-alte Herr, e übergwichtige Schwoob und e Bauarbeiter am Kopiergrät): 'Oobe

E typischi Boscht Szenerie. Schalter 1 und 2 (vo immerhin 3) sin zue. Die Aagschtelltinne probiere was gisch was hesch beschäftigt usszgsee. D Versiech schittere kläägligg.

D Düür goot uff, e alte Maa kunnt iine. Är foot mitem Platini afo quatsche.

Alte Maa: Ka me do usse am Automat au e Kontousszuug ussdrugge ?
Platini: Kei Aanig, i meinti me könn e Usszuug vo de letschte 5 Transaggzioone ha oder so. Ob me e normale kriegt wüssti nid.
Fette Schwoob: Nee, des geht ned.
Alte Maa: Jä nunddedie, goot nid ? Henu, isch scho vill nid gange im Lääbe, he ? (Luegt der Platini mit de Auge vomene Maa wo mit 9 Zeeche scho in der Gruebe schtoot aa) Weisch, sunscht gangi immer uff d Hauptboscht, aber dört ka me jo niene parggiere, verdelli, he ?! (Platini in Gedangge: "Alte, wenn DU öppis nümm sottsch mache denn faare!")
Platini: 'schoso.

Aggt 2:

D Düür goot e witers Mol uff. E-n-(ur)alti Frau mit Gehhilf wird vonere (au) alte Frau iinebrocht.

(ur)alti Frau: Ouuuu...soooo vill Lüüüüüt dooooooo.
Platini (in Gedangge): "Die wo am meischte Zit hänn, häns am bressantischte. Scheispagg die Alte..."
Alte Maa: Die Jugend losst sich nümme bedränge... die weere sich au, jetze. Hän jo rächt.
(ur)alti Frau: Joooo, das isch scho-n-esoo. S wird nid besser.

Unterdesse het der alti Herr wo scho am Aafang dinne gsi isch sini 11'000.- (är hets so ummegschraue dasses au ich und der Bauarbeiter mitkriegt hän. Mer hän ys denn au entschprächend aagluegt. Brüder im Geiste...) iizaalt und macht em fette Schwoob blatz. D Frau am Schalter (die einzig wo bis jetz wirgligg gschafft het) hänggt der PC uff. Iirer Kollegin kunnt in Sinn der zweit Schalter uffzmache. Der alt Maa und die (ur)alti Frau schtöön an däm aa, obwool ich eigentligg zerscht gsi wär. Wo si bedient wärde frooge si:

Beidi: Wänn si füüre ?
Platini: Nänei...'scho guet. Mache si numme.

Der alt Maa frogt ob er do inne e Kontousszuug kriegt. D Frau seit em dass das numme die vo der Postfinance könne mache, är miess sich bi dene mälde. Är zottlet ab und schtoot bi mim Schalter aa. D Frau an mim Schalter hänggt der PC zum zweite Mol uff. Der Schwoob ka sini iizaalige nid mache und zieht, nachdäm er sini Postcard em Automat wider abgrunge het unverrichteter Dinge wider ab.

Ändligg, mii grosse-n-Uffdritt.

3. Aggt:

Platini (unterdesse am Schalter, zue der Frau): Daag wool, i würd gärn dä Brief iischriibe.

D Frau nimmt der Brief, luegten aa.

Frau: Do hänn si aber z'vill franggiert. Das koschtet numme 5.50 (i ha mit 6.- franggiert. I ka mer s leischte.)
Platini: I weiss scho, macht nüt. Wäge dene -.50 machi jetz kei gschiss.
Frau (gyggst mi aa): I KÖNNTS NE AU NID UUSEGÄÄ...DAS GOOT NID.
Platini (liicht irritiert): I sag jo s isch in Oornig.
Frau: Denn isch jo guet. Aadiiieeaaaaooouuuuh jetz isch dä PC schowider abgschtüürzt. Heitenei.

I lauf dervoo. Der alt Maa het sich in der Reie wider bis hinter mii vordrängelet. Der Bauarbeiter het sich vom Kopierer in d Reie verschoobe. I lauf uss der Boscht und hör numme no...

alte Maa: Kani jetz do mi Kontousszuug ha ?
Frau (hysterisch): Neeeeeeeeeeeeiiiiiiiii. Mir sin nid d Postfinance, jetz loose si doch zue.

D Düüre goot hinter mer zue und i schtand wider mit beidne Bei im normale Lääbe. Schön.

Und d moral vo der Gschicht ? Kontousszüüg gits nur bi der Postfinance und es git Lüt wo au bim Nüt mache e verdammt schlächti Figur mache.

[Gryff]

e highlight!

[Nur So...]

grosses Kino

[Sad Mo S.]

platini: werde theater-schreiber: ich bin dein 1. besucher

[Gryff]

platini: werde theater-schreiber: ich bin dein 1. besucher

hurra denn gitts no meh brüscht zum luege im theater!

[Heavy]

genau uf dere Poschtstell hani mol Gschäftlig ztue gha...
Kunnt e Dütschi ine und bringt 160000 SFr. in bar zum Izahle.

[Domingo]

meinsch, isch guet bini chrangg?

Absturz an Absturz han mr scho ewigs nüm gha, aber evtl luegts jo au am DAU!

aber das amene 1. vom Monat nur 1. Schalter offe isch, isch scho frogwürdig (va um diä Zyt)
wobi Riehe 2 welli isch das? diä bim Denner, oder?

nei, i schaff nid in Riehe

[könig]

kunnsch mol in d ahornboscht...

dött gohts denn no anderscht ab.





ps. nice avatar

[Kawa]

meinsch, isch guet bini chrangg?

Absturz an Absturz han mr scho ewigs nüm gha, aber evtl luegts jo au am DAU!

aber das amene 1. vom Monat nur 1. Schalter offe isch, isch scho frogwürdig (va um diä Zyt)
wobi Riehe 2 welli isch das? diä bim Denner, oder?

nei, i schaff nid in Riehe

Post ist Post, Beamte sind Beamte

[Schlafstadt]

Hehe nice, bi dr Post am Karl Barth Platz erläbsch au amigs öbis oder bim UBS Bankomat.

Bi döt mol am warte gsi während so ä Riechi Baslere uff em Bänkli umelümmlet.
Naja dä vor mir isch wäg und uff eimol meint die uff em Bänkli si muess jetzt au führe und seit sie wär zerscht do gsi.
Naja ha ihre de gseit "Stöhnd sie doch so a das mes au merkt das sie an Automat miend".

Nochdäm het sie mi mit allne mögliche verfluecht wos git und das sie mir ä schlechts Lebe wünscht.

[tommasino]

weltklasse

[maldini]

Hehe nice, bi dr Post am Karl Barth Platz erläbsch au amigs öbis

sags nit....

[Stanislaw]

zu umständlich, zuviel text!

[nogomet]

zu umständlich, zuviel text!

vor allem fehlt eine sexszene.

[Schooffseggel]

gaaaaaaaaaaaaanz geil junge!

you made my day

[Pippo Inzaghi]

Tötet alle Pöstler!

[darken]

geili sach, e richtige usteller nocheme beschissene daag

[Corpsegrinder]

Tötet alle Pöstler!

Knallet lieber mol die Alte ab!

[Stanislaw]

Ehre den Altvordern!

[ebichu]

herrlig

[einspielen]

ganz ganz geil

[Chris Climax]

Tötet alle Pöstler!

Und die Bähnler gleich mit !

[Lou C. Fire]

[quote="Chris Climax"]Und die Bähnler gleich mit ! ]

und die Bahnbullen!

[Pippo Inzaghi]

und die Bahnbullen!

Und die Kioskbetreiber

[Diggi_Eier]

*5 Sterne draufposte*

[Ayrton]

die sexszene finde ich noch zu fahrig

[Eckfahne]

Platini wie er leibt und lebt... herrlig!

[Spirit of St. Jakob]

Ich will mich ja nicht aufdrängen, aber heute Nachmittag habe ich auch einen erlebt:

Zuhause merkte ich, dass ich das Gemüse für das Nachtessen vergessen hatte. Naja, die Migros in der Lehenmatt ist ja nicht weit weg, also ging ich unverrichteter Dinge los. Vor der Migros an der Lehenmattstrasse sah ich ein Polizei-Fahrzeug parkiert... sofern man das parkiert nennen konnte... der Wagen brauchte beinahe zwei Parkplätze und das Heck schaute mindestens einen halben Meter über die Parkplatzlinie auf die Strasse. Hatten wohl einen dringenden Einsatz, dachte ich. In der Migros dann die grosse Überraschung: Zwei besonders hübsche Politanten mit einem Hintern, in welchem meiner noch dreimal Platz gehabt hätte, kauften ihr Zvieri ein und zogen anschliessend frisch fröhlich zu ihrem grandios parkierten, mehr breit als längs in der übergrossen Lücke stehenden Fahrzeug... Verdammte Scheisse, wenn ich meinen Wagen so hinstelle (sofern ich das überhaupt schaffe, hatte das schon beim ersten Versuch in der Fahrschule besser im Griff), bekomme ich eine Busse! Wo bleibt da die Vorbildsfunktion?

Sorry, das musste ich jetzt einfach loswerden...

[tonton]

Sorry, das musste ich jetzt einfach loswerden...

Beweisfotos wo?

[Spirit of St. Jakob]

Beweisfotos wo?

Hätte eigentlich zurücklaufen und eine Kamera holen sollen... Und die Abzüge mit einem schönen Brief an den Oberschnauz! Tja, im Nachhinein ist man immer kluger...