Phrasedrescherey

[adsge]

Gigi i wird s Gfyyhl nidd los,
notabene au bim Gross,
das ihr zwai Betriebsblind sind,
denn es will mr nidd in Grind,
wie me dresche ka so Phrase,
wie ihr zwai in dere Phase,
wo uns 's Wasser stoht ganz obe,
wie kasch du das Team no lobe?
Wär's nidd langsam an dr Zytt,
das es mol e Aschiss gytt,
nidd e ganz e inferniale,
nai vyyl mehr e Präsidiale.
Wieso wartsch mit inveschtiere,
willsch das Rotblau duet krepiere?
Zahlsch Salär wo schwindlig mache,
an so Jungs, i muess grad lache,
wo nidd mol sin Mittelmass,
wo nidd frässe wänn do Gras,
um fyr Basel alles z gäh,
und sich d Butter wägg leehn näh,
vo däm Brot wo langsam schimmlet,
wills do vo Inseggte wimmlet.
Sy loh kenntsch au d' Sticheleye,
gege all dye Farbetreye,
wo sich do verroote fyyhle,
denn erraichsch do nidd mit hyyle.
Mach dä Schritt uff d' Kurve zue,
und denn herrscht au wieder Rueh,
denn im Härz sin all die disste,
all die doch so sehr vermisste,
Rotblau bis in d' Seele abe,
meechte doch scho lang atraabe,
um in ihri Kurve z' goh,
und fyr Basel aane z'stoh.


PS:

Ab de Wirscht wo sie dien wärfe,
sottsch die jetzt grad gar nidd närve,
vyyl mehr dunggt's mi isch's eso,
das me gmerggt hett hie und do,
bisch ganz mager, hesch kai Gwicht,
die wänn z ässe gä dir schlicht!

[coolio]

PS:

Ab de Wirscht wo sie dien wärfe,
sottsch die jetzt grad gar nidd närve,
vyyl mehr dunggt's mi isch's eso,
das me gmerggt hett hie und do,
bisch ganz mager, hesch kai Gwicht,
die wänn z ässe gä dir schlicht!

geile siech!

[the kaiser.]

ain an dr waffle kan i nur saage
wie lang sell me das no ertraage
die frau macht aine uff ultraschtuur
am beschte giengsch emol in kur
denn wyrdsch villicht au du mol mergge
nid ewigs em gross dr rugge z schtärge
krisemanagment gängig vrwändet
und meeglichscht schnäll s problem beändet

doch d gigi dänggt do andersch dryber
die kriegt jo grad e krise yber
dr fcb drmit z vrglyyche
bi ihre bruchts do ächti lyyche
rhetorisch gseh aifach nur painlig
meint die dekadänt frau aigentlig
me miessi s dytsch neudefiniere
nur will sie kritik nid ka akzeptiere
uswärts erscht ai punngt aber nai
das pagge mir den scho dihai
doch uswärts gits wiider uff d kappe
uff basel wettet kain mee e rappe

e krise isch trotzdäm nid z erkenne
au wenn me rüggschtänd hindedry muess renne
majschter und nakata sich nid verschteen
eifach mit eme andre syschtem
doch rhombus aimaaschturm s problem blyybt
dass vorne jede d chance vrsyybt
em zanni wohl au als zwaitligischt
dr gegeschpiiler e trigg uftischt
wo är denn nid ka interveniere
und sälbscht by lieschtel wyyrd d fans fruschtriere

au das isch jo nid nennenswärt
kai krise und au kai brandhärd
s sin d schpiiler schuld und nid dr gross
är miess nid gä dr letschti schtoss
denn wachryttle sig nid aa ihm
so goot me ihre uff e lyym
sie biegt sich z rächt wies numme goot
es isch e grossvrbogne droot

vrboge sin all kritikpinggt
scheenrede genauso wird me glinggt
doch meer vrlore als gwunne schpricht bänd
und z hoffe isch e abrupts änd
doch solang me nid neutral duet erkenne
wo d problem sin und die duet nenne
ka dr freifall ruig wyytergo
ins mittelfäld lo plumse loo
au denn isch es no nid e krise
denn juscht au denn het me bewyyse
kai krise z erkenne nid in not
vom abschtiig sig me jo nid bedroot

[Ivolino]

Merci Atzge isches wiedermol ganz genial...

[Phebus]

so dermasse traumhaft adsge!

[cpm]

adsge du bisch eifach genial!!!

[baasel]

Dir set me ganz eifach e Spalte in dr Baz gä. Um all die spitze Värsli abzdrugge!

[T-Bear]

Wunderschön und wie immer uff e Punggt brocht, adsge. Chapeau!

[moulegou]

Wieder mol dr Hammer