's herbschtelet

[adsge]

's herbschtelet und d' Blätter falle,
fyr aimoll duet's au mir hyyr gfalle,
denn mi Baum, dä rot und blau,
verlyert sy Laub jetzt ändlig au.
Ha scho Angscht gha um mi Baum,
ha au draimt mäng beese Traum,
das me will däm Baum däm stolze,
grad ans Lääbig und en holze,
will er, stet's im glyyche Gwand,
nimm erfrait hett d Lytt im Land.
Doch dr Gärtner, au Rotblau,
hett sich bsunne, isch dä schlau,
das au anders mol kennt d Leesig syy,
und hett z' hilf gnoh denn d' Chemie.
Jetzte ka mi uff e Friehlig fraie,
und uff all die Tryyb die Naie,
wo denn wärde an em spryesse,
ka e vellig neye Baum so gnyesse!

[Latteknaller]

vyyyl, zvyyyyyl yyyyy's

nai, digg gsy, wie immer, alte. und ändlig zumene freydige thema.

[Stiffmeister]

S letzt mol ha ich dir no gschriebe das dini Värs immer wie Niedergschlagener wirke.

Und jetzt, es isch unglaublich mis Härz lacht und dini Reim stöhn wieder imme viel schönere Liecht.

[adsge]

Nidd das ich jetzt wurd frohlogge,
main i jetzte so wie trogge,
doch es isch e mol e Zaiche,
das verlosst uns so ne Waiche.
Vyllicht isch das jo dr Start,
und es kunnt no knippelhart,
au dr Gross seht pletzlig yy,
das er nimmi gheert dohyy.
Ruumt sy Plätzli, sait lyys tschüss,
und mir geehn ab denne d Schüss,
im Seriefyyr drno,
Otteli, kasch koh.......

[Domingo]

do drvo ich gar nid z'träume maag
dr Gross no Wäg, s'wär dr perfeggti Daag!

[Schooffseggel]

kuum mäldet sich dr summer zrugg
goot duur uns're baum e rugg
jetz waart i no, bis alles gfroore -
isch und kalti oore
dää griegt mit dr fliegeschliffi
wenn är bewiist, si groossi riffi
bevoor är sich do ganz miesst schämme
dr huet nimmt und sait "sali zämme"

damit mer denn bim erschti schnee
dr hitzfäld kenne z basel gsee!

[Goofy]

kuum mäldet sich dr summer zrugg
goot duur uns're baum e rugg
jetz waart i no, bis alles gfroore -
isch und kalti oore
dää griegt mit dr fliegeschliffi
wenn är bewiist, si groossi riffi
bevoor är sich do ganz miesst schämme
dr huet nimmt und sait "sali zämme"

damit mer denn bim erschti schnee
dr hitzfäld kenne z basel gsee!

Es isch halt e Baum kai normale
Heiss und Trocke bereite ihm Quale
Drum losst ärs Laub au falle
Also mir duets scho schampar gfalle
Leider isch dr Gärtner nonig do
Dä due erscht im Hornig ko

[adsge]

Im ne Otemzuug dye Flyegeschliffi,
z nenne denne mit re Riffi,
verhebbt nidd wirgglig, mini Mainig,
doch mi'm räscht do simmer ainig.

[Schooffseggel]

Im ne Otemzuug dye Flyegeschliffi,
z nenne denne mit re Riffi,
verhebbt nidd wirgglig, mini Mainig,
doch mi'm räscht do simmer ainig.

im prinzip gib i dir rächt
(aber s raimt sich sunscht so schlächt)
doch wuurd uss freie stigg är goo
und kennt au fääler iigestoo
wo är jetze gmacht het doo
denn kennt me glaub das wort lo stoo

[adsge]

im prinzip gib i dir rächt
(aber s raimt sich sunscht so schlächt)
doch wuurd uss freie stigg är goo
und kennt au fääler iigestoo
wo är jetze gmacht het doo
denn kennt me glaub das wort lo stoo

Bi dr Glatze isch s no schwer,
Werter z finde wo däm Herr,
und sim Gschnuur au g'rächt wurd wärde,
so wie dä sich duet gebärde.
Wurd ich s'glych wie är als mache,
und sy Oberlääderdrache,
wurd's nimm raime, s wär kai Värs,
nur leer's Gschwafel, jo das wär's.

[Schooffseggel]

Bi dr Glatze isch s no schwer,
Werter z finde wo däm Herr,
und sim Gschnuur au g'rächt wurd wärde,
so wie dä sich duet gebärde.
Wurd ich s'glych wie är als mache,
und sy Oberlääderdrache,
wurd's nimm raime, s wär kai Värs,
nur leer's Gschwafel, jo das wär's.

do dermit wääre mir schlicht
zrugg bi dr froog vo de gedicht
wär jetz lieber dichte sott
oder schuttet, sapperlott

i mecht die sach do nimm uffrolle
doch au nit jetz dehaime schmolle
will dä thread do nit vermiise
sondern nur doo druff verwiise http://www.fcbforum.ch/showthread.php?t=18132&highlight=club+dichter
denn dä thread dert gfallt mir so
dä leen mir lieber dert lo stoo!

[Schooffseggel]

zem gross mecht i no sooviil saage
ass glaub wirgligg kain darf klaage
was är ys scho an emotione brocht
het, ass dr tämpel kocht
maischterfyyre, champions league
uefa-cup, ch-cup siig

do wird i eewig danggbaar syy
doch laider isch die zyt verbyy
wo är ys eppis brocht het doo
drum wär's jetz zyt fir ihn, zem goo!

[adsge]

zem gross mecht i no sooviil saage
ass glaub wirgligg kain darf klaage
was är ys scho an emotione brocht
het, ass dr tämpel kocht
maischterfyyre, champions league
uefa-cup, ch-cup siig

do wird i eewig danggbaar syy
doch laider isch die zyt verbyy
wo är ys eppis brocht het doo
drum wär's jetz zyt fir ihn, zem goo!

Ohni Zwyyfel, muess erkenne,
wär sich Fan vom Club duet nenne,
das dye Glatze, s'isch eso,
sytt an Rhy är do isch ko,
vyyl fyr uns do hett beweggt,
glaub dass das e jede cheggt.
Doch wie d' saisch, es isch jetzt Zytt,
dass är gooht (und nidd im Stritt),
sondern das er, das wär's bescht,
und nid morn, nai lieber gescht,
igseeht, Lytt das isch es gsy,
i verloss die Stadt am Rhy.

[Schooffseggel]

Ohni Zwyyfel, muess erkenne,
wär sich Fan vom Club duet nenne,
das dye Glatze, s'isch eso,
sytt an Rhy är do isch ko,
vyyl fyr uns do hett beweggt,
glaub dass das e jede cheggt.
Doch wie d' saisch, es isch jetzt Zytt,
dass är gooht (und nidd im Stritt),
sondern das er, das wär's bescht,
und nid morn, nai lieber gescht,
igseeht, Lytt das isch es gsy,
i verloss die Stadt am Rhy.

i glaub, mit däm isch alles brichtet
was me zue däm thema dichtet

jetz muess i no rasch s sujet wäggsle
und schnäll zwai zyyle aanedräggsle
i mecht in väärsform s gfyyl drum spyyre
wie's isch, dr 1000igscht byydraag z fyyre

[adsge]

I gratulyer dr zu däm Runde,
au zu vorgerückter Stunde,
mach so wytter, wärte Seggel,
wo am Schooff hänggt, Gopferdeggel,
s'isch fyr mi e wohri Pracht,
mit dir z lief're mir e Schlacht,
wo dr Raim im Zentrum stooht,
hoff das d Luscht di nidd verlooht.
Inspiriersch mi als nidd z' knapp,
laach nidd sälte mi au schlapp.
I naig mi Haupt und lipf mi Huet,
denn di Kunscht mir guet als duet.

[Schooffseggel]

I gratulyer dr zu däm Runde,
au zu vorgerückter Stunde,
mach so wytter, wärte Seggel,
wo am Schooff hänggt, Gopferdeggel,
s'isch fyr mi e wohri Pracht,
mit dir z lief're mir e Schlacht,
wo dr Raim im Zentrum stooht,
hoff das d Luscht di nidd verlooht.
Inspiriersch mi als nidd z' knapp,
laach nidd sälte mi au schlapp.
I naig mi Haupt und lipf mi Huet,
denn di Kunscht mir guet als duet.

loss dir dangge fir die zyyle
do duesch bim lääse g'eehrt di fyyle
doch duet das komplimänt e soo
wie's gschriibe hesch au dir zuestoo

doch bevor mir zfescht ys loobe
wintsch i no e scheene oobe
i muess jetz dringend ab ins näscht
am fymfi drissig git's mr dr räscht!!!

[adsge]

Fimfi drissig, what a Fuck,
i start speeter als in Daag.
Mir länggt amme voll und ganz,
wenn mi Wegger macht sy Tanz,
no de sybbne, denn mit Macht,
aber trotzdäm no: Guet Nacht!

[delkrederes]

respect