beschti Fonduekäsmischig im Gundeli?

[El Capullo]

jo y waiss au dass Winterpause isch... aber das nimmt my jetz wirgligg wunder will y will hütt Oobe e Fondue ässe mit dr Fründin. Oder anderscht gfroggt: gitts im M-Gundelitor aigentlig au e Frischkäsabdailig (analog M-Claramärt)? Deert hän sie nämmlig e super moitié/moitié Mischig wo gegenüber eme Ainzelhandel-Käslaade aber nur d'Hälfti zahlsch!

[El Capullo]

uffe drmit, am fümfi mache d'Lääde zue vrglemmi!

[neffin]

gits, und zwar nach em brot regal, en guete wünschi

[Schwellemer]

ich bi eigentlig sehr zfriide mit de mischige wo de dr griibeni kääs im bütel (ich mein nit dä fixfertig-mischt) kaufsch (Coop hett grad aktion, und die vom migros tuets au).

und syt wenn hesch e fründin???

[El Capullo]

und syt wenn hesch e fründin???

die hesch Du Löölii samt Dyynere Schwelline au scho gseh an und vor de Mätsch (z.B. emol am Claraplatz) ...hihi passend zem Thread s'erschte Mol sogar glaub an unserem Dave-Fondueässe an dr Tanggi

[El Capullo]

gits, und zwar nach em brot regal, en guete wünschi

bisch sicher?? (ych will imfall kai Fischfondue oder Bouillabaisse... )

[neffin]

bisch sicher?? (ych will imfall kai Fischfondue oder Bouillabaisse... )

weiss nit ob d'migros gundelitor di mischig au het.
du weisch jo scho das es im clara migros di moitié/moitié mischig git. anstatt do ine schriebe gang si doch döt go hole

[El Capullo]

weiss nit ob d'migros gundelitor di mischig au het.
du weisch jo scho das es im clara migros di moitié/moitié mischig git. anstatt do ine schriebe gang si doch döt go hole

tja...ych bi halt e Modeglaibasler (sprich wohn im Gundeli )

[Goofy]

[quote="El Capullo"]tja...ych bi halt e Modeglaibasler (sprich wohn im Gundeli ]

Du meinsch "Support your local Migros" oder so?

[El Capullo]

[quote="Goofy"]Du meinsch "Support your local Migros" oder so? ]

eher "run for your gündülü-cheese"

[azoui]

Also ich trau dene Fondue Mischigge in de Läde nidd eso. Für mi als Käseggeverantwortliche wär das die Glägeheit, minni halb schimmlige Räschte los z'wärde.

Mach dr doch die Mischig sälber in däm dr Käs am Stügg kaufsch und sälber rybe duesch

[Leeloo]

[quote="El Capullo"]die hesch Du Löölii samt Dyynere Schwelline au scho gseh an und vor de Mätsch (z.B. emol am Claraplatz) ]

ich ha gmeint die hesch mol abserviert! (sorry, nit bös si! )
übrigens chani au bestätige, dass die fonduemischig wo dr schwelli empfohle het sehr guet isch... hämer grad geschter gha!
mir wynsche dir uf jedefall en guete bi dim fondueplausch und e griessli an capulline!
schweeloo

[Querdängger]

uffe drmit, am fümfi mache d'Lääde zue vrglemmi!

Gang zum Alex Wirth schräg gegenüber em Denner am Burgfälderplatz.
Dä het nämlig zu Benthaus Zyte au emol bim FCB gschuttet. Isch aber in der
Regel uff em Bänggli ghockt oder het in dr Resärve gspielt. Ganz ehrlig, dä het guete Käs...

[Schwellemer]

Gang zum Alex Wirth schräg gegenüber em Denner am Burgfälderplatz.

hehe.. do bini grad hütt morge gsi, aber nit go käs hole ,sonder go die leere tut-anch-ueli fläsche gege volli yytusche...

[El Capullo]

[quote="Leeloo"]ich ha gmeint die hesch mol abserviert! (sorry, nit bös si! ]

öh nai... y waiss dass das Grücht emol ummegange isch (Diderii? Gooner? Dave?) whatever, los capullos griesse zrugg!

@Schwelli: SEHR e feyns Bierli, hani letsch Johr emol im "Train Bleu" mit der Capulline drungge

...à propos: sie hän gopferdeggel im M-Gundelitor dr Kääsegge dicht gmacht, jetz bini halt in ussnahmswyys in vrhasste Coop go kaufe, deert hän sie au frisch griebeni moitié/moitié Mischige (und erscht no dr besser Epesses als in dr Migros )

[neffin]

[quote="El Capullo"]öh nai... y waiss dass das Grücht emol ummegange isch (Diderii? Gooner? Dave?) whatever, los capullos griesse zrugg! ]
gofferdeggel nonemol! Wo hol ich jetzt mi frischkäs im gündeli?

[El Capullo]

gofferdeggel nonemol! Wo hol ich jetzt mi frischkäs im gündeli?

ebe, Coop Tellplatz halt!

[gruusigeSiech]

[quote="El Capullo"]...à propos: sie hän gopferdeggel im M-Gundelitor dr Kääsegge dicht gmacht, jetz bini halt in ussnahmswyys in vrhasste Coop go kaufe, deert hän sie au frisch griebeni moitié/moitié Mischige (und erscht no dr besser Epesses als in dr Migros ]
Ich war erst vorgestern dort und da gabs die Käsetheke noch ...

[Querdängger]

hehe.. do bini grad hütt morge gsi, aber nit go käs hole ,sonder go die leere tut-anch-ueli fläsche gege volli yytusche...

jawohl, so ischs...

[Pernambuco]

[quote="El Capullo"]ebe, Coop Tellplatz halt! ]

als basler goht me sowieso in COOP go ikaufe und nit in dä zircher lade namens migros

[gruusigeSiech]

[quote="Pernambuco"]als basler goht me sowieso in COOP go ikaufe und nit in dä zircher lade namens migros ]
Aber die Käseauswahl im Coop Tellplatz ist halt mehr als bescheiden.
Dann besser zum Wirth an der Colmarerstrasse oder in den Géant St-Louis.
Die wahren Kenner gehen natürlich zu Maître Antony nach Vieux-Ferrette.

[Pernambuco]

Aber die Käseauswahl im Coop Tellplatz ist halt mehr als bescheiden.
Dann besser zum Wirth an der Colmarerstrasse oder in den Géant St-Louis.
Die wahren Kenner gehen natürlich zu Maître Antony nach Vieux-Ferrette.

ja klar, ich besorge mir mein fondue auch immer beim wirth, soviel ich weiss hat er auch einen stand am marktplatz!

Hier noch ein Rezept für die, die nächstens ins Militär müssen:

Zutaten (für eine Kompanie / gut 100 Personen)


17 kg Greyerzer Käse
5 kg Emmentaler Käse
11 Liter Schweizer Weisswein
3 dl Zitronensaft,
20 Knoblauchzehen,
15 kg Brot, ca.
400 g Kartoffelmehl,
Pfeffer, Muskat, Paprika

Vorbereitungsarbeiten

Käse reiben oder raffeln. Das Brot in gleichmässige, nicht zu grosse, mundgerechte Würfel schneiden. Zitronensaft auspressen und Kerne entfernen.

In jedes Rechaud ca. 1 dl Brennspiritus einfüllen und kurz zur Probe anzünden.

Zubereitung

Weisswein, Zitronensaft und gehackten Knoblauch zusammen im Kessel Feuer aufwärmen. Den geriebenen Käse beigeben und unter stetem Rühren mit einer grossen Kelle aufkochen lassen. Das mit einem halben Liter Weisswein gut angerührte Kartoffelmehl der Käsemasse unter schnellem Umrühren beigeben. Dann das Fondue während 3-5 min unter starkem Rühren richtig aufkochen lassen, bis es eine gleichmässige cremige Bindung zeigt.

Mit Pfeffer, Muskat und Paprika würzen. Das Fondue in die vorgewärmten Caquelons - je 3 bis 4 Kellen pro 6 Mann - abfüllen und auf die brennenden Rechauds zu Tisch tragen.

Tipp

Zum Fondue wird üblicherweise Schwarztee serviert. Der geneigte Leser vermisst vielleicht noch den Coup du milieu, resp. den passenden Kirsch. Die Soldaten tun dies aber meistens auch...

[neffin]

El Capullo, hesch du dis fondue jetzt eigendlich ka geschter zobe? Is guet gsi?

[Goofy]

hehe.. do bini grad hütt morge gsi, aber nit go käs hole ,sonder go die leere tut-anch-ueli fläsche gege volli yytusche...

Hän die dört no, sott wohl unseri au emol umtusche?

[Leeloo]

20 Knoblauchzehen,

nur!?! für mich ghört e viertel vo däm für 2 Persone dri!

[Schwellemer]

Hän die dört no, sott wohl unseri au emol umtusche?

nadyyrlig hets dört no, sünscht würdi kuum mini leere dört gege volli itusche!

[El Capullo]

El Capullo, hesch du dis fondue jetzt eigendlich ka geschter zobe? Is guet gsi?

jo es isch nit schlächt gsy, aber d'Fonduemischig vom Migros isch aidüttig besser (rezänter) und (@Pernambucco) egal öb Basler oder nit, ych gang NUR in Migros go yykaufe, will sie näbscht eme günschtigere Bryys au die qualitativ hochstehendere Läbensmittel hän, v.a. Brot und Milchproduggt sowie Frischflaisch.

[hoebbsi]

[quote="El Capullo"]jo y waiss au dass Winterpause isch... aber das nimmt my jetz wirgligg wunder will y will hütt Oobe e Fondue ässe mit dr Fründin. Oder anderscht gfroggt: gitts im M-Gundelitor aigentlig au e Frischkäsabdailig (analog M-Claramärt)? Deert hän sie nämmlig e super moitié/moitié Mischig wo gegenüber eme Ainzelhandel-Käslaade aber nur d'Hälfti zahlsch! ]


dieser fred ist mein anwärter auf das thema des jahres !!

[Schranz]

viertelkreis

hesch dr rene eigentlich sit ledschtem samschtig wider mol gseh? mi kolleg het em e glücksbringer gschänkt nimmt mi wunder wies gfägt het...

[baslerstab]

will sie näbscht eme günschtigere Bryys au die qualitativ hochstehendere Läbensmittel hän, v.a. Brot und Milchproduggt sowie Frischflaisch.

also do im kirschgaarte hets numme so alti hiehner......