zubi 4: liecht und schatte, ka s' schpiil bis zum hüttige tag zu oft nid läse, sini hampelmaa- und fliegerfängeraktione sin dohär kei zuefall, die gnüegend note dorum, will är au gueti mätch wie z.b. letschte sunntig gliefert het, aber insgesamt eifach zu bockafällig.
chipps 4.5: gueti leischtige in dr offensivi, aber uff sinenre position mit dr defensivarbät doch des öfteren überforderet, entweder mit em schtelligschpiil oder mit dr verhinderig vo flügelmärsch und flangge vo gegeschpiiler, das ganze isch aber nid si fähler, eigentlig au nid dä vom fcb, do dr kleber wägg isch, und dr berner sich verletzt het. e knapps 4.5.
smiljanic 3.5: schtargg in de zk, aber ungnüegend bi dr antizipation vo schpiilsituatione und dr verschtändigung mit em partner.
müller 4.5: schwache schtart, klari schteigerig, aber kei harmonie mit zanni und smiljanic, die maches ihm aber au nid eifach.
zanni 2.5: sorry, aber zumindescht als rv ganz klar überforderet. er het keis gfühl für s' tackling, ka am gegeschpiiler sini aktione nid läse, technisch zu limitiert und kei gfühl für e pass. entschpricht nid de afordrige, wo dr fcb an sich sälber schtellt.
quennoz 4.5: sehr konschtant, aschtändigi zk und antizipation, e schpiilerisch limitierte, aber zueverlässige und zkstargge inneverteidiger.
ba -5: trotz gwüsse schwächene am schluss, ohni ihn würd s' mf in sich zämmefalle, schnäll, bissig und beweglich, schpiilerisch nid dr bescht, aber usreichend, und sehr präsänt in dr mitti. zuedäm mues är d' defensivarbät für 4 usübe, do sini mf kollege nid annäherns so öbbis ähnligs wie defensivarbet verrichte.
baykal 3: ohni impuls, z' langam und mit zwenig körperliche präsänz für das eh scho zu offensiv usgrichteti mf, e unnötige transfer, do mir mit em müller, smiljanic, yakin und ergic zig alternative hän fürs dm, au wenn dr fcb bi sinere verpflichtig dr ba nonid do gsi isch. trotzdäm e fähler vom fcb, denn wenn me wirklig vom baykal überzüügt gsi wär, hääi me dr ba erscht gar nid gholt aka hallo transferpolitik.
rossi/degen 4: liecht und schatte, mängisch sehr wirblig, offensivschtargg und dr gegner vernaschend, denn wieder fremdkörper, defensivschwach und ohni präsänz bi gegeagriff. dr rossi sch entschuligt , denn är isch glernte schtürmer, bim degen isch es wohl (no) fehlendi schpiilintelligänz.
delgado -5: sehr torgföhrlig, au einigi gueti päss, aber v.a. im europacup zwenig präsänt, e kraftpaket wird är nie, aber es git wie vo mir au scho gseit schpiiler wie dr rosicky, d' allesandro und dr aimar, wo im promiboxe gege ihn dr krüzer zieh würde, uns sich trotzdäm hän könne profiliere. dr knopf in de internationale schppiil isch in belgrad ufgange, dass dr delgado gliich verhalte schpiilt wie in breme wärde me glaub nümm erläbe, denn dört isch är ohni jeglichi courage ufträtte.
ergic 3.5: none wite wäg, aber sini fuessballerische alaage hetr nid verlore, aber als polyvalänte schpiiler zumindescht chance uff witeri teilisätz.
eduardo 3: zwar e gute fuessballer, wo d' bäll ka abepflügge und si vorne hebe, au mit viilne assists. ich würd em au e 4 gä, wenn är näbe sich eknipser hätti, abewr mit em petric zämme länggt das nid, wär är torgförlig , wär är nid als bänggliwärmer nach basel ko.
petric 3.5: inkonstanz in person, s' git täg, wo är kei ball ka ahnä, wenigschtens e bitz torgföhliger als dr eduardo, aber e schpiiler wo i jedem 2. match e usfall isch, bringt dr fcb nid wiiter.
sterjovski 3.5: die note gib ich ihm als stürmer, är het zwar dr riecher, isch aber technisch zu limitert und zu unkonschtant. als mfschpiiler kei 3 wärt.
berner/dzomic hän z'wenig gschpiilt für e benotig, gimenez/kleber sin gschicht. und dann gabs ja noch den golfer ...
Das hat den Fred doch etwas gerettet. Wird bei der Benotung Barcelona als Masstab genommen? 
