Schnitzelbängg 2008

[WraTHChild]

meeeeeeeeeeeeeh *sabber*

[DanceForMe]

In dr Bar Rouge oobe frogt mi e Kätzli nääbedraa,
wo n'i e Martini bschtell, ob en gschyttlet oder gryhert mecht ha.
I sag: "Dä Verglych mit em James Bond isch guet, do git's nyt z'ryttle,
und i wär sehr gryhert, wenn's mer ain wurde schyttle."

Hey Mann tschöss - Fasnacht - isch voll Bullshit Mann, isch voll Scheisse
Hey was isch Mann - wenn so Vollarsch maint, muess mir Orangsche aschmeisse?
Aber waisch Mann - Goschdym - isch voll fett cool Mann, jetz muesch loose
Isch so voll geil Mann - wie Özgür sini Trainerhoose.

Hehe...

[*BEBBI*4ever!!!]

I find das Joor s Niveau höcher als au scho, zwor wenig durchwägs geili Bängg,
aber im Schnitt het fascht jede sini zwai, drey guete Värs

Wär mr no uffgfalle isch sin d Gwäägi (odr so), waiss zwor kai Värs meh,
aber hani positiv in Erinnerig

Beurteilig uffgrund vo ca. 4 Std. TeleBasel Schnitzelbängg-Yybertragig,
wyteri 4 Std. dueni mr in de näggschte Dääg no aa...

[dr poet]

Dipflischysser:

Dr Unterschied vom FCB
zum FC Thun dä ka me seh
Basel isch Spitze dasch kai Witz
die vo Thun sinn numme spitz

Bim neye Letzigrund dr greschti Gwinn
sinn d Sitz wo alli uss Basel sinn
fir Zircher Ärsch, do muesch di frooge
darfsch lutt Gsetz e Sitz so blooge

Ob Obama oder d Hillary
wichtig isch dr Bush goot gly
ai Froog wird bim Neye interessant
Praktikantin oder Praktikant

Giftnuudle:

d Schlümpf sinn das Joor fuffzig woorde ganz genau
dr Ooberschlumpf isch root und blau und kaibe schlau
nanaai, mer mache jetz drwääge gaar kai Gschyss
nur alli Andre sinn ganz dumm und halt blau wyss

d Eskimos die schwitze, s isch ne gaar nimm wool
s Yys schmilzt ne undrem Fuudi wägg an iirem Pool
bi Andre kasch das wiiderum ass Chance gsee
isch s nimm so rutschig gwinnt velicht dr EHC

Bisch nid ganz hundert oder hesch e glaine Tigg
bisch Ainzelgänger oder bisch velicht au z digg
spyylsch gäärn mit Waffe, au wenn si glaade wäär
häärzlig willkomme, im Schwyzer Milidäär

Im bell’ Italia dien si jetz im Drägg versingge
jä, liebi Dschingge das muess jo fuurchbaar stingge
wenn s Schissdrägg reede au wurd zelle, wärs doch soo
dr Christoph Mörgeli wurd ganz dieff drinn inne stoo

Wyybuure:


Dä Aff do im Zolli, dä schnuuft und är sitzt.
Är sitzt und är schnuuft und är schnuuft und är sitzt.
Dä Aff wuurd, do stuunsch denn, fyr die Laischtig do
Als UBS - Chef grad e Bonus bikoo.

D Wiisseschaft zaigt yys, es isch schandbar bitter:
D Goofe die wärde jetz immer wie digger.
Doch s Färnsee het reagiert gaar adequaad
Und letscht Joor scho gwächslet uf s Braitbildformaat.

Do no e lange vo de Wyybuure: (hammer )

S BAZ-Inseraat suecht e Frau uf der Stell
Und frogt biz nervees grad als erschts d Annabelle
Die schänggt em kai Blick, luegt in Spiegel und maint:
“Hörzu mein Naturfreund du stiehlst meine Zeit.”

S BAZ-Inseraat findet das gaar nid toll
Und stopft sich mit Bunte Praline gaar voll
Do sait em e Ratgeber ganz in Hochglanz
“Cash du mir baar Facts gä, denn zieen ich d Bilanz.”

E Weltwoche speeter, do sin mir doch froh
Het d Brigitte vom Ratgeber Glücksposcht bikoo
Graad heute in 20Minute, daasch glii
Käämt s BAZ-Inseraat uf e Kicker verbii

So schigg wien e Playboy vo Welt, stoot är do
In der Hand e Bund Roose, hei isch d Brigitte froh
Är soll doch e Focus uf ihr Buschi ha
Sie gieng mit em Landfreund in s näggscht Cinema

Und d Moraal vo der Gschicht: Mechtsch an d Brigitte dra
Denn muesch halt e gressere Baslerstab ha

[dr poet]

Die Groobschlächtige:

Fascht wäär y z spoot ko u2013 s isch e Schand
wägg all dämm Drägg am Trottoir Rand
S hett Räpplibäärge, Segg und Schaale
vom Claaragraabe bis in d Spaale
Dä Slaalom durch die Abfall Staapel
Si, dasch fascht wie Ferien in Neapel

Letscht Wuche, das muess ich Eich verzelle
han y am Morge vergässe, dr Fäärnsee abzstelle
Won y zoobe haim kumm isch my Daggel am Kotze
d Meersau am Pfyffe und dr Noochber am Motze
alli Pflanze verreggt und my Goldfisch versoffe
Jä, s isch wider emoll Mike Shiva gloffe

My Frau und ych sinn go entschlagge
ins Victoria Jungfrau z Interlagge
Sy schleppt sich uss em Dampfbaad uuse
e Ranze, kai Heesli und d Hoor zem Gruuse
Do frogt e Gascht, iin intressiers:
u201ESag, sinn sy nit d Frau Britney Spears?u201C

[guybrush]

Findet oder hat jemand ein Video mit einem Schnitzelbangg, der mit "zewaii" beginnt?

Danke

Uff baz.ch d'Striggede

[Schwellemer]

zäme,

ka mir öpper saage, welle käller das isch und wo sich dä befindet?


Quelle: http://bilder2.fasnacht.ch/gallery/bangg08/abj


Beschte Dangg!

[d123]

gits no irgendwo en stream/ link wo mr dschnitzelbängg nomol chan loose

[AJBS]

gits no irgendwo en stream/ link wo mr dschnitzelbängg nomol chan loose

telebasel im archiv dr schnaabelprys

[guybrush]

zäme,

ka mir öpper saage, welle käller das isch und wo sich dä befindet?


Quelle: http://bilder2.fasnacht.ch/gallery/bangg08/abj


Beschte Dangg!

Dr Latärne no: Gundeli Clique

[Schwellemer]

Dr Latärne no: Gundeli Clique

Han ich zerscht au dänggt, aber dr Gundeli-Käller gseht ebbe anderscht uss (meint yy).

[Maischter04]

zäme,

ka mir öpper saage, welle käller das isch und wo sich dä befindet?


Quelle: http://bilder2.fasnacht.ch/gallery/bangg08/abj


Beschte Dangg!

Das kennt im Hotel Basel unde sy

[Muggel]

Dr Latärne no: Gundeli Clique

Gundeli hän aber schiins dr Käller nid in dr Stadt inne, sondern ebe im Gundeli.
Also wär dä an dr Fasnacht au nid offe

[Schwellemer]

Das kennt im Hotel Basel unde sy

Do hesch wohrschiins rächt...
Messi!

[BaselStar]

für mi s highlight vo däm johr: Doggter FMH

eifach wältklass!

UHhh die sind scho letzt johr hammer gsi!!!!

Hät öbber Video vo dene?

[Jespe]

Ka mir ächtsch öber saage wär dr schnitzelbangg gsunge het wo am schluss kunt: will züri isch im winter scheisse und im sommerau

i ha überall gsuecht im internet abr bi nid wirglig fündig worde.

dangge vyl mol!

[El Capullo]

Ka mir ächtsch öber saage wär dr schnitzelbangg gsunge het wo am schluss kunt: will züri isch im winter scheisse und im sommerau

i ha überall gsuecht im internet abr bi nid wirglig fündig worde.

dangge vyl mol!

Isch vrmuetlig e Wilde gsy (dä Värs kunnt mr aber au bekannt vor; bisch sicher isch es vo DÄM Joorgang und nit öbbe vo letschtem Joor?); ha sämtligi offizielle Verbänd - Comité; Bängg fir Basel; Bebbi; VSG + BSG duuregluegt vom 2012 und bi nit fündig worde!

[Joker59]

Tam Tam

[El Capullo]

Tam Tam

jo aber dämfall nit vom 2012, wie's bewyyst:

QUOTE Tam Tam 2012

Gueten Oobe zämme, sin iir alli do?
zem Schnitzelbängg go singe, sin mir do iine koo
wie jedes Joor – iir kenned s scho – isch s bi uns Brogramm
mr singe zämme nonem Värs Tam Taram Tam Tam
Tam Taram Tam Tam Tam Tam Tam Taram Tam Tam

Es glätteret ain uf d Glaara-Kirche und git deert nimmi Rue
dausig Lyt sin mega gspannt und luege gfesslet zue
y bi verzwiiflet - was sell y mache, froogt dä armi Maa
die ainzig Schansse fir e Piero, z Baasel e Uffdritt z ha

Im diefe Wald im Appizäll sait e Haas zem andere
äntlig isch s verbotte do - das fuudiblutt go wandere
mini Kind hänn Alpdraim, wache uff - das duet im Härze wee
und schreye luut, Mamme, Mamme, y ha dr Minu gsee

D Joggelihalle muesch ganz ney baue - nit ebbe renoviere
wotsch d Laischtige vo unserem Rotschi wirgglig honoriere
bim FCB isch es au e soo - doch daas het no Zyt
und d Leesig fir dr EHC - do längt scho Dynamit

Im Nooche Oschte isch me fascht ai Härz und ai Seel
si dyschle dausig Paläschtinänser geege ain vo Israel
das Syschtem isch genial fir d Schwiiz - rächne si kurz noo
vom Schwoobeland sind 60 Affe zrugg in Zolli koo

Kerperwälte - nid ganz aifach - wie sell me daas beschriibe?
s git Ainzelni - und au zwai zämme, wo s mitenander …
gruust sii daas? Sind sii dr Mainig, das ganzi isch doch gschteert
geen si uff Itaalie - bunga bunga haisst das deert

Dr Titaanwurz bruucht siibzää Joor, denn bliet er ai Daag uff
bi minere Frau isch daas änlig - maischtens isch die muff
im Gaarte schmeggt s no altem Flaisch und stoosch bim Zaale a
e Tipp: bim Goop in dr Metzgerei kasch s glyyche gratis ha

D Carla Bruni isch am Gebääre, s Kind isch fascht scho do
dr Alt luegt zue, doch bletzlig sait er, Chérie, ych muess jetzt go
ha laider e Sitzig wäg däm Euro - mit dr Merggel goot das Stunde
kuum het s Buschi dä Namme gheert, isch es wiider verschwunde

Dr Leerer ergläärt mit dr Seggsboggs in dr vierte Brimmeli
de Kinder, wo begaischteret sind, daas do und au s Pimmeli
nur dr Hansli basst nit uff, glangwiilt het er dänggt
dä Saich het mir mi Getti scho uff e viert Geburtsdaag gschänggt

Im Bewärbigsgschpröch sait dr Kapitän Pit van Kan-nit-Stüren
die Mittlere Bruche war zu tief - ich kam nicht undendüren
das kaa bassiere - sait sy Scheff und het yym e Schansse gää
jetzt faart er Drämmli z Minchestai uff dr Linie zää

Die Bombe z Kooblänz - Gott sei Dangg isch die nit eggsbloodiert
zem Entscheerfe - mr luege zue - wird d Stadt ewagguiert
do froogt ys ain vom ZDF, warum wir zwei hier stehn
soone Ryysefleechi ooni Schwoobe - aifach wunderscheen

Drey Highlight git s fir ys Baasler - drey woori Fuessballdraim
s Usswärtsspiil in Manchester und denn dä Matsch dehaim
au s Video GC - FCZ kasch zää Mool dääglig gniesse
was git s scheeners, als wenn Ziircher uff Ziircher Faggle schiesse?

E Schissirolle, e alte Karton und Zäpfe vo schlächtem Wy
e roschtigi Schäär, e Liim, wo stinggt, e Schnuer hilft au drbii
falte, glääbe - s macht riisig Spass - und koschtet fascht kai Gäld
fertig isch dr neyi Flieger fir die bescht Armee uff dr Wält

In London ka e UBS-Bängger alli iiberlischte
zwai Milliarde - aifach wägg - jetzt hoggt er in dr Kischte
dr Wältregghord im Stutz versängge het ain in unserem Land
dä kauft so Fluugi fir vier Milliarde und lauft no frey ummenand

D SVP wott Sproochtescht ha mit Niwoo Bee zwoo
bisch gscheit, bisch bleed - verstoosch oder nit? - hesch A1, muesch goo
vo Gänf bis Kuur sottsch alli teschte - erscht daas erfillt dr Zwägg
so het die halbi SVP dr Schwiizer Bass ewägg

D Supperliig isch interessant dangg Gsamaggs und au Sitte
drzue no d Froog: wird YB wiider Zwaite oder Dritte?
isch d Maischterfiir scho im Abbril? Und jetzt dr greeschti Hit
dr Hakan, wo e Interwiu uff italiänisch git

So, das wär s fir hitte gsi vo unserem Schnitzelbangg
hoffedlig hän iir Fraid dra gha, mr saage härzlig Dangg
wyyterhii e scheene Oobe und e tolls Brogramm
mached s guet bis zem näggschte Mool – Eyri zwai Tam Tam

UNQUOTE Tam Tam2012

[Joker59]

dr bank isch sicher 5 - 7 johr alt

[El Capullo]

dr bank isch sicher 5 - 7 johr alt

nenee, dä MUESS vo däm odr letschtem Joorgang sy - und d'Tam Tam-Historie han y jetz grad bis 1999 duuregluegt und au nüt gfunde, y tipp eher uff ebbis à la Ständerlampe o.ä.

[Joker59]

will er so genial isch, bringe si dä bank immer emol widr

[fixi]

Dä Värs hani schomol ghört. Muess vo letzt Joor syy. Wenn nit denn dä vo 2010, älter ka er nit syy.

[Delgado]

Isch vrmuetlig e Wilde gsy (dä Värs kunnt mr aber au bekannt vor; bisch sicher isch es vo DÄM Joorgang und nit öbbe vo letschtem Joor?); ha sämtligi offizielle Verbänd - Comité; Bängg fir Basel; Bebbi; VSG + BSG duuregluegt vom 2012 und bi nit fündig worde!

I bi sicher, dass dä NID vo däm Joorgang ist, dä isch nämmlig scho öppe 4-5 Joor alt.

Sie bringe dä aber JEDES Joor, so lang bis de Zürcher uswändig könne. Dorum isch er au das joor im Programm gsi.

I weiss leider nümme, vo wäm dr Bangg isch.

[El Capullo]

btw. ain vo myyne Allzyt-Liebling isch dr WM2006-Värs vo de Groobschlächtige:


WM PROLOOG

(gsunge zer Melodyy „Aber bitte mit Sahne“)

Dä Summer geen d Schwyzer an d Wältmaischterschafft
Ahaha – o-jee
Dr Zubi hett extra no d Gsäässmusggle gschtrafft
Ahaha – o-jee

Mir hoggen im Puublikumm und wänn s richtig gniesse
Wenn Franzoosen und Schpannier dien dribblen und schiesse
Hoffe, Portugall, Ängland und Brasilie sinn oobe
(Tam-tam-tam)
Aber bitte nit d Schwoobe !

Am Aafang hänn alli e riisige Latz
Ahaha – o-jee
Denn jede wett gwinne, sunscht isch alles fiir d Katz
Ahaha – o-jee

D Yteliääner, die blöffe – es isch scho fascht schändlig
Und trotzdämm muesch saage isch es sicher verständlig
Wenn Argentyynie und Holland jetzt scho d Maischterfyyr broobe
(Tam-tam-tam)
Aber bitte nit d Schwoobe !

Und isch das Turnier denn so richtig im Fluss
Ahaha – o-jee
Denn kunnt au e mänge Ussesyter zem Schuss
Ahaha – o-jee

Wenn d Tuneesier gwinne, denn isch uns das rächt
Und au d Ecuadoriaaner wääre sicher nit schlä-ächt
Oder unseretwääge elf Japaaner uss Kobe
(Tam-tam-tam)
Aber bitte nit d Schwoobe !

So richtig dramaatisch wird s erscht im Finaal
Ahaha – o-jee
Au Glaibaasler bruuche do Näärve wie Staal
Ahaha – o-jee

Uff em Raase goots zue wie z Majorgga am Strand
Do wird gfaitet und gfault – jä und irgend e La-and
Griegt in der Iberzyt noon e Penalty zue gschoobe
(Tam-tam-tam)
Aber bitte nit d Schwoobe !

[Goofy]

sind das nid Bajass und Omega (die beide Pfadi?)

s Edith sait: Si sins definitiv: Do kasch luege: http://www.vsg-basel.ch/vsg01/index.php/bajass-a-omega

[El Capullo]

sind das nid Bajass und Omega (die beide Pfadi?)

s Edith sait: Si sins definitiv: Do kasch luege: http://www.vsg-basel.ch/vsg01/index.php/bajass-a-omega

Bewyys resp. Ziiri-Värs wo???

[Laufi]

Ziri brucht e neue Name und zwar ein mit Rasse
Sommerau - hän mir uns dänggt würd prima zur Stadt basse
E Namenswäggsel isch ächt böimig und no richtig schlau
Denn Ziri isch im Winter scheisse - und im Sommer au

Zeedel 2006

[Delgado]

Bewyys resp. Ziiri-Värs wo???

Uf jedem zettel uf dr website.

[Captain Sky]

Bewyys resp. Ziiri-Värs wo???

Auf dem Zeedel 2011 (zu wissen, dass B+O dies jedes Jahr singen, gehört übrigens zum "Schnitzelbangg-Grundwissen", wie auch "die Gsalzene in Bundesroot" etc.).