dr neu drugger funzt nid...wiso nid?

Maischter04 · Beitrag von **Maischter04** » 06.02.2008, 15:57

Ha e neue Drugger kauft (HP Laserjet 1018) und installiert. Jetzt isch folgendes Problem: Dr PC erkennten und är isch au bi de Drugger uffglischtet. dr neuscht Triiber isch au druff nur druggter eifach nid...är macht kei Wangg. (jo är isch iigsteggt

)

Wär kha hälfe odder hett scho s gliiche kha?

Basilou · Beitrag von **Basilou** » 06.02.2008, 15:58

Maischter04 hat geschrieben:(jo är isch iigsteggt )

Stromkabel UND Verbindig zum PC?

Wählsch im Programm au dä Drucker us bzw. hesch en als Standdardrucker definiert?

Maischter04 · Beitrag von **Maischter04** » 06.02.2008, 16:01

Basilou hat geschrieben:Stromkabel UND Verbindig zum PC?

Wählsch im Programm au dä Drucker us bzw. hesch en als Standdardrucker definiert?

ich ha gwüsst wiso ich schriib dasser iigsteggt isch

jo ich hannen als standartdrugger und usswääle due i au numme dä...drumm vrwirts mi jo so :-) isch jo nid mi erschte drugger

Pothead · Beitrag von **Pothead** » 06.02.2008, 16:02

i würd mol e toner driitue, vilicht hilfts

Maischter04 · Beitrag von **Maischter04** » 06.02.2008, 16:03

Pothead hat geschrieben:i würd mol e toner driitue, vilicht hilfts

ach ne....das isch so zimmlig s erschte gsi wonni gmacht ha

Eckfahne · Beitrag von **Eckfahne** » 06.02.2008, 16:29

Wenn de d Warteschlange vom Drucker aluegsch, kömme dini Ufträg überhaupt a?

Maischter04 · Beitrag von **Maischter04** » 06.02.2008, 16:33

Eckfahne hat geschrieben:Wenn de d Warteschlange vom Drucker aluegsch, kömme dini Ufträg überhaupt a?

jo ebbe das isch jo s komische...es isch au im status "wird gedruggt"

Eckfahne · Beitrag von **Eckfahne** » 06.02.2008, 16:34

Drucker us em Drucker-Manager lösche, denn dini Kischte abefahre und wieder uffefahre und nomol installiere lo und luege was passiert.

Maischter04 · Beitrag von **Maischter04** » 06.02.2008, 16:36

Eckfahne hat geschrieben:Drucker us em Drucker-Manager lösche, denn dini Kischte abefahre und wieder uffefahre und nomol installiere lo und luege was passiert.

au scho gmacht...sicher scho 3 mol

Eckfahne · Beitrag von **Eckfahne** » 06.02.2008, 16:44

Komisch, ich ha en igsteckt und isch gange. Windows XP? Scho mol probiert eifach nur d Testsite z'drucke?

Maischter04 · Beitrag von **Maischter04** » 06.02.2008, 16:50

Eckfahne hat geschrieben:Komisch, ich ha en igsteckt und isch gange. Windows XP? Scho mol probiert eifach nur d Testsite z'drucke?

jo ebbe isches komisch...jo ha XP...jo au d teschtsytte goht nid

Eckfahne · Beitrag von **Eckfahne** » 06.02.2008, 16:51

Aktuelle triiber hole uf hp.com und nomol installiere.

Maischter04 · Beitrag von **Maischter04** » 06.02.2008, 16:55

Eckfahne hat geschrieben:Aktuelle triiber hole uf hp.com und nomol installiere.

hanni eigentlich scho gmacht...villicht liggts au am drugger?

fritz the cat · Beitrag von **fritz the cat** » 06.02.2008, 17:11

da isn schalter...

da steht ön / öff drauff...
hast du da mal ordentlich draufgedrückt oder wass?

Rankhof · Beitrag von **Rankhof** » 06.02.2008, 17:30

hast du versucht, über den Drucker (nicht über den PC!) eine Testseite zu drucken? Wenn das nicht geht, ist der Drucker def. am Arsch.

drmichi · Beitrag von **drmichi** » 06.02.2008, 17:35

eventuell usb triber neu installiere? falls win xp sp1 glaubi?

Andere Aschluss scho usprobiert? Isch e 2te PC ume, kasch es dörte jo mol probiere.

Ansunschte gits nur eins:

Alles vo Hand

Maischter04 · Beitrag von **Maischter04** » 06.02.2008, 18:07

Rankhof hat geschrieben:hast du versucht, über den Drucker (nicht über den PC!) eine Testseite zu drucken? Wenn das nicht geht, ist der Drucker def. am Arsch.

dr drugger hett kei option für das....

gruusigeSiech · Beitrag von **gruusigeSiech** » 06.02.2008, 18:23

Möglicherweise ist der Drucker mit einer USB 2.0 Schnittstelle ausgerüstet und dein Compi hat nur eine USB 1.1 Version ...

Maischter04 · Beitrag von **Maischter04** » 06.02.2008, 18:42

gruusigeSiech hat geschrieben:Möglicherweise ist der Drucker mit einer USB 2.0 Schnittstelle ausgerüstet und dein Compi hat nur eine USB 1.1 Version ...

das isch au so...aber an dämm sötts eigentlich nid liige...odder doch

Sharky · Beitrag von **Sharky** » 06.02.2008, 18:47

Maischter04 hat geschrieben:das isch au so...aber an dämm sötts eigentlich nid liige...odder doch

das wird es sein!

Maischter04 · Beitrag von **Maischter04** » 06.02.2008, 18:52

Sharky hat geschrieben:das wird es sein!

und was ka me do mache?

Maischter04 · Beitrag von **Maischter04** » 06.02.2008, 18:58

mues wohl e anders kabel go kaufe...merci

Kawa · Beitrag von **Kawa** » 06.02.2008, 19:10

gruusigeSiech hat geschrieben:Möglicherweise ist der Drucker mit einer USB 2.0 Schnittstelle ausgerüstet und dein Compi hat nur eine USB 1.1 Version ...

2.0 und 1.1 ist absolut kompatibel !

Stanislaw · Beitrag von **Stanislaw** » 06.02.2008, 19:53

so seich weiss me nid.

rotoloso · Beitrag von **rotoloso** » 06.02.2008, 19:59

Maischter04 hat geschrieben:(jo är isch iigsteggt )

Im richtige PC?

Gone to Mac · Beitrag von **Gone to Mac** » 07.02.2008, 07:27

hesch au scho mol gluegt öb dr drucker "online" isch? Im Druckermenu kasch d option aktiviere "drucker offline verwenden" die option muesch deaktiviere sust goz ev nit

einspielen · Beitrag von **einspielen** » 07.02.2008, 07:59

papier dinne?

Rankhof · Beitrag von **Rankhof** » 07.02.2008, 09:15

Maischter04 hat geschrieben:dr drugger hett kei option für das....

sicher?

Oft kann ein Testseitendruck durch längeres Gedrückthalten einer der Funktionstasten ausgelöst werden.

Spucknapf · Beitrag von **Spucknapf** » 07.02.2008, 09:22

Omg scho bi drucker am arsch agglangt?

Ahjo usb 1.1 und 2.0 sin kompatibel und s kabel isch au sgliche...

Fählermäldig willi gseh

Denn versuech mol bim drugger diräkt e tschdsite z drugge, obr online isch luege etc. pp.

biz meh infos pls...

Mr. T · Beitrag von **Mr. T** » 07.02.2008, 14:59

druckerwarteschlange - drucker - drucker anhalten
dörf nid aktiviert sii
schomol andere usb port brobiert?