lägg mir, die viile forums-väärs
e baar sin braav, e baar perväärs
doch alli sin, soviil isch klaar
halt schlicht und aifach wunderbaar
wenn me daas e so duet lääse
beschlyycht aim grad sofort das jääse
gfyyl, wo numme basler kenne
kasch s nit beschrybe, nit benenne
e gfyyl vo sääligkait und gligg
de waisch - und das isch wirgligg digg
hoolt s forum all die väärsli fiire
denn stoot d frau fasnacht voor dr diire
duet iire mantel um ys hille
und d stadt drey daag mit lääbe fille
mit muusig, witz und au magie
herrscht si drey daag do am rhy
(mit väärsli zaige mir do in
ass mir halt ächti basler sin
im zh-forum, s isch zem hyyle
hätte si no nit ai zyyle
)