Hilfe im Word gesucht

Stammbaum · Beitrag von **Stammbaum** » 18.01.2007, 11:28

hallo zämme,
ich bachel ha geschter znacht e word doc. gschriebe und nid richtig gspeicheret. komisch findi das wenn ich sword offe ha mis gsuechte doc. azeigt und wenn ichs aklick kunt d fählermäldig dass är s documänt und pfad nid kennt.
danke für euri hilf....

dr poet · Beitrag von **dr poet** » 18.01.2007, 11:39

ich würd sage: jetze hesch gschisse.. muesches nomol neu schriibe...

Stammbaum · Beitrag von **Stammbaum** » 18.01.2007, 11:43

wenn ich s word ufmach denn kunnt aber bi de letschte dokumänt, isch voll schreg!!!

Eckfahne · Beitrag von **Eckfahne** » 18.01.2007, 11:51

Denne hesch äntwder s Dokumänt versehentlich glöscht oder in e andere Ordner verschobe resp. dr Pfad g'ändered. Mi Vorschlag:

Start --> Suchen --> Dateien und Ordner und schribsch als zu suechend "*.doc* ohni d Gänsefiessli, dene wärde dir sämtlichi Files im doc-Format uf dr ganzeKischte gsuecht, eventuell findsch es denn wieder.

Soriak · Beitrag von **Soriak** » 18.01.2007, 11:52

Hast du's womoeglich in einem anderen Word format gespeichert? (z.B. template)
Das wuerde beim oeffnen Dialog nicht erscheinen, weil es standardmaessig nur die .doc files anzeigt.

Stammbaum · Beitrag von **Stammbaum** » 18.01.2007, 11:57

Eckfahne hat geschrieben:Denne hesch äntwder s Dokumänt versehentlich glöscht oder in e andere Ordner verschobe resp. dr Pfad g'ändered. Mi Vorschlag:

Start --> Suchen --> Dateien und Ordner und schribsch als zu suechend "*.doc* ohni d Gänsefiessli, dene wärde dir sämtlichi Files im doc-Format uf dr ganzeKischte gsuecht, eventuell findsch es denn wieder.

@eckfahne: ich ha ebe e uf greunden.ch e vorlag abeglade und diräkt dört ine gschriebe, has aber nid gspeichert bi speichern unter......

Eckfahne · Beitrag von **Eckfahne** » 18.01.2007, 12:24

Hesch es eifach gschlosse oder wie?

Suffbrueder · Beitrag von **Suffbrueder** » 18.01.2007, 12:30

denn würds en doch aber frooge, öbers spichere will?

vilicht zeigts d eigespeicherig (sprich speicherig ins memory) a wos bim schliesse vom dokumänt wider löscht?

Stammbaum · Beitrag von **Stammbaum** » 18.01.2007, 12:34

ich ha eifach immer uf die disk klickt wärend em schriebe!!! wie mach ich denn sone temp datei uf?

Kawa · Beitrag von **Kawa** » 18.01.2007, 12:52

Eckfahne hat geschrieben:Start --> Suchen --> Dateien und Ordner und schribsch als zu suechend "*.doc*

Resultat bei mir : 117'251 Files

Tipp : über Suchoptionen einschränken, zBps. Datum etc.

Eckfahne · Beitrag von **Eckfahne** » 18.01.2007, 12:57

Kawa hat geschrieben:Resultat bei mir : 117'251 Files
Tipp : über Suchoptionen einschränken, zBps. Datum etc.

Sälber Schuld, ich find nid mol mehr als 150 Stück...

Kawa · Beitrag von **Kawa** » 18.01.2007, 13:16

Eckfahne hat geschrieben:Sälber Schuld, ich find nid mol mehr als 150 Stück...

Wer nix tut kann auch nix finden

Im Ernst, bei mir war's auf Arbeitsplatz eingestellt und suchte folglich ALLE Netzwerkdrives durch, ich schreibe sicher auch nicht so viel ....

Basel_one love · Beitrag von **Basel_one love** » 18.01.2007, 13:21

Stammbaum hat geschrieben:@eckfahne: ich ha ebe e uf greunden.ch e vorlag abeglade und diräkt dört ine gschriebe, has aber nid gspeichert bi speichern unter......

tja, hoffe mir doch schwer das öppis glernt hesch.. next time sofort vo afang a speichern unter machen