Chönte die si, wo an FCB glaube und e Gegner wo sit Wuche unkonstant spielt, nit masslos überschätze und als krass übermächtig aluege...Tagesform wird entscheidend si und dass dr FCB mol zwei Spiel konstant anebringt...Raul_22 hat geschrieben:nimmt mi scho schwer wunder weli 59% bi dr offizielle fcb.ch umfrog gstumme hän, dass dr fcb witerchunnt..
Zur Erinnerig:
Breme dehei het me 2-1 gschlage und s Goal nach eme individuelle Fehler und unglückliche Umständ(an 2 Bei vrbi, Zentimeter genau durecho)becho, drfür hätt me au 2 meh chöne mache...
Uswärts het me bis zur 60.Minute mind. glich viel Spielateil und die bessere Chance ka...i erinnere an Däge, wo dr Querpass nit spielt...
Strasbourg dehei isch e Schock gsi, aber absolut untypischi Heimleischtig, woni in dere Form eigentli bis dört, im neue Stadion no nie gseh han...Dört het eifach nix gstimmt, chas aber gäh..
Tromsö isch e defensiv miserabli Leischtig gsi, mit ere international bemerkenswärte Ufholjagd, wo zeigt het das die Mannschaft läbt und was für e Offensivkraft me het...
Uswärts Roter Stärn, nach durchschnittlicher Leischtig gwunne...das schaffe, au wenns e Geischterspiel gsi isch, nit viel!
Uswärts bi Rom e Halbzyt mitgspielt, gueti Chance ka, kai Glück in dr Offense(Metallträffer Delgado...)!Zweiti Halbzyt ins Mässer gloffe, das dürfti nüm passiere, i hoff me het drus glernt...
Wenn me also emol international gschickt spielt und s Füür mitbringt, cha do v.a deheim einiges drinliege, Monaco chönt überrascht wärde...Uswärts miesst denn e rifi Leischtig ane, wo dr FCB scho mehrmols zeigt het(au Ferencvaros oder d CL Spiel sige erwähnt, Manchester, Liverpool...)und v.a e defensiv stabili!Und au do gits Grund für Optimismus, e Majstorovic will mit em FCB öbis erreiche und zeigt das au scho in Asätz, i hoff das springt uf die ander näbedra übere...und denn isch, wenn me an sich glaubt und das chunt für mi sitens vom Club so übere, alles drin...Die mannschaft hets Potential zum witercho, au wenns gwüssi Dauerpessimischte(und chömet nit mit Realismus, e 0-4 isch NIT realistisch, usser s lauft alles schief wo cha schief laufe und das isch reine Pessimismus!), do inne anders gsehn!
.. 
).
