weshalb fcb-fan ?

[rotoloso]

Als Basler kunnt für mi sowieso nütt anders in Froog, das isch eso und fertig.

[Ernesto]

(...) grad vo nichtbasler wärs intressant z' erfahre, wieso.

Eine Summierung verschiedenster Faktoren u2013 die sich zu einem Ganzen zusammengefügt haben:

1. Als Kinder/Jugendliche in den 80ern und frühen 90ern regelmässiger Besucher von NLA/NLB-Fussballspielen in der Innerscheiz u2013 aber als Nichtluzerner natürlich immer im Auswärtsblock. Dabei vom Support (oder wie man das an den Spielen gegen den FCL auch immer nennen magu2026) der Basler beeindruckt und vom rotblauen Virus angehustet worden.
2. Während der beruflichen Weiterbildung mit Stadionbauten und speziell dem Joggeli, damals dem einzigen Neubauprojekt in der Schweiz, befasst u2013 infolgedessen auch diverse Baustellenbesuche.
3. Und zum Schluss noch eine Weile lang in Basel liiert gewesen, die Liebe zu Basel ist geblieben, die andere lassen wir nun mal aussen voru2026

[BS-Supporter]

Bei mir wars mit ca. 8 Jahren, als mich Papi das erste mal an ein Spiel des FCB
mitnahm. Ich weiss noch genau, der Gegner war Bulle und das Resultat endete mit 1:0 für den FCB. Torschütze war ein gewisser Phillipe Hertig. Wenn ich daran zurückdenke und mir vorstelle was ich in dieser Zeitspanne bis heute alles mit dem FCB durchgemacht und miterlebt habe wird mir fast ein bischen komisch

Seit diesem ersten besagten Spiel war für mich klar, es gibt nur einen Verein, der FCB. Nachdem ich mich anfangs mehr mit den Spielern selbst befasste (Autogrammkarten, "mami mami ich ha dr Zuffi im Coop gseh") begann ich mich auch langsam für die Stimmung im Stadion und die Muttenzerkurve zu interessieren. Bald war klar, diese einzigartige Leidenschaft, diese einzigartige Unterschützung welche diese Fans dem FCB entgegenbringen, da musste ich einfach dabei sein. Unvergesslich beispielsweise als beim Spiel gegen Delemont vor ca. 12 Jahren der Schiri einen Penalty gegen "uns" Pfiff und das ganze Stadion den Schiri mit "Schwarzi Sau" beschimpfte, als von der Tribüne Flaschen und weitere Gegenstände auf den Platz flogen. Anderes Beispiel: das letzte Spiel im alten Joggeli, wo Schiri Rutz (glaub der wars) völlig einseitig Pfiff und 30'000 Basler am durchdrehen waren...man war das schön. Heute würde man von Skandalen, Ausschreitungen und Basler Hooooooligans usw. berichten...damals spracht man noch von "gewaltigen Emotionen".

Unvergesslich natürlich auch die Aufstiegsspiele gegen GC und Luzern, vor Zig-tausenden fanatischen FCB-Fans, wo wir aber meistens verloren. Dafür dann einige Zeit später im Spiel gegen den FCZ (1:1) vor 40'000 Zuschauern den Aufstieg praktisch sicherstellten.

Ich werde ein Leben lang ein Fan dieses Vereines sein, da bin ich 100% sicher. Klar, ein Tor gegen Xamax ist heute nicht mehr das gleich wie noch vor einigen Jahren. Klar flippt man da heute nicht mehr gar so aus wie damals. Trotzdem, ich geniesse den Erfolg des FCB im Moment, bin mir aber bewusst, es werden wieder andere Zeiten kommen, irgendwann. Irgendwann werde ich auch ab einem Tor gegen Delemont vielleicht wieder ausflippen.

Eines ist sicher, ich werde auch dann noch dabei sein...und verdammt nochmal, da bin ich überzeugt, werde ich nicht der einzige sein.

[zuckermeitschi]

Eines ist sicher, ich werde auch dann noch dabei sein...und verdammt nochmal, da bin ich überzeugt, werde ich nicht der einzige sein.

das denke ich auch nicht
alle die dem fcb in schlechten zeiten den rücken zudrehen, braucht man auch in guten zeiten nicht...

[Onkel]

i bi vor e bitz mehr als 24 Johr in Basel uf d Wält ko, ha niene anderscht gwohnt und i dänk mr i wird au do stärbe, öpis andres kani mr fascht nit vorstelle. I stell mr vorallem vor das wenn me e richtige Basler isch, sich garnit gäge s Fcbvirus wehre cha.

so chunts halt denn das me emol ane Match goht. Bi mir isches vor 15 Johr gsi, wo e Koleg amene Sunntig zu mir cho isch und gfunde het:,,Hey chum mir göhn ane Fcb Match''. Also sin mr gange und hän kei Ahnig kha vom Joggeli, drum simmer für 14fr. uf dr Holztribüne glandet abr uns isch das denn zlangwilig worde und so sin mr ufe Bahndamm näb dr Mk züglet.
Mir hän sälber gmachti Fahne und alles mögliche drbi kha, wo mr denn elter worde sin, sin mr schlussändlich in dr Mk glandet
I weiss nit abr für mi gits eifach nüt wo das Fieber und die Liebi ersetze cha. I ha mit so vielne andere so viel Kraft, Schweiss und Emotione in Fcb gsetzt, i chönt mr e Läbe ohni dr Fcb und alles drum und dra nüm vorstelle

[shiftleft]

Ich sag numme ains.

Mis Härz loht rots Bluet use und blaus Bluet ine und das sit 37 Joohr.

Wie dr Rony scho gschribe het, wär im Fraueli uff d'Wält cho isch draiht fir immer dr Bebbi Schtämpfl. Und wenn me als Binggis im alte Joggeli d'Mätsch gäge GC und Konsorte gseh het ....

[Éder de Assis]

Vo Carouge sind sie doch nach Basel gfloge worde, oder nid? *diegraueZelleasträng*
Aber e grandiosi Party isch es allewyl gsi, au wenn i am nächste Morge mit kleine Äugli uf Bärn in d'Gwärbschuel ha miesse

Sorry, ich wühlte in meiner Sporttasche, als sie kamen.

[John_Clark]

FCB Liebe wurde von Eltern/Grossvater weitergegeben, zudem an Schweizeraustrasse/Mu aufgewachsen.

@Rony, war auch im Donnerbaum, 74 er. Früher wagten sich ausser mir nicht viele als FCB Fan zu outen.

Ehm, ich war auch im Donnerbaum, halt ein bisschen später als ihr ('89 - '94). Dort wurd ich aber auch nicht zum FCB-Fan, eher im Gegenteil, Galatasaray war damals das Team der Stunde. Sich zum FCB zu bekennen, das wäre das absolute Coming-Out gewesen.

[tutti]

Wieso ein Thurgauer...
Bin im Baselbiet geboren und habe die ersten 6 Jahre meines Lebens dort verpracht.Bin dann immer wieder einmal zu meinen Grosseltern ins Baselbiet in die Ferien gegangen und dann hat mich anfangs der 80ziger Jahre der Virus "FCB" gepackt und nicht mehr los gelassen (ist halt schon der schönste Virus den man sich einfangen kann... )!
Man hatte es nicht immer leicht in einem Land zu leben zwischen Blau/Weiss (Zürich) und Grün/Weiss (St.Gallen),vor allem zu NLB-Zeiten... Wurde damals mehrmals versucht mich umzupolen...
Aber einmal FCB,immer FCB ! ! !
Es gibt nichts schöneres im schweizer Fussball !

[zul alpha 3]

ich bin in der mk mit dem fcb zusammen auferstanden ...
... und dort werden wir auch wieder zusammen untergehen ...

*1990 - ????

[Firemoon]

In Birsfelden aufgewachsen und zu meinem 5. Geburtstag das erste Mal im Joggeli. Das war das Geburtstagsgeschenk meines Göttis und ist mittlerweile 33 Jahre her ... Die Tickets habe ich noch irgendwo rumliegen.

Immer zu Fuss der Birs entlang ins Stadion marschiert, das war jedes Mal eine Art Pilgerfahrt

Später dann, in der Nati-B Zeit Stammgast unterhalb des Bierstandes am Rand der alten MK. Langes Warten auf den Wiederaufstieg, Ärger über Modus und Transfers in Bier ertränken.

CL Saison habe ich mich geärgert, dass so viele Leute Tickets gekriegt haben, die mit dem FCB wenig bis nix am Hut hatten und viele wahre Fans draussen bleiben mussten.

Mein persönliches Highlight war der Wiederaufstieg, die grösste Enttäuschung war das verlorene Meisterschaftsrennen in der CL Saison gegen Gay-C. Wir waren 1000Mal besser ... Mir geht jetzt noch die Galle hoch wenn ich dran denke.

FCB forever

[bigmac1971]

i bi s erschtemol 1970 im Stadion gsi! Das heisst im Buch vo minere Muetter!
Und woni denn s Liecht vo dr Wält erblickt ha, hän mi d Eltere au wieder mit ins Joggeli gschleppt. Und so isch es ko wie s het miesse!
I bi süchtig nach dere Stimmig und nach däm Club!
Egal in wellere Liga dass si spiele.

[*BEBBI*4ever!!!]

Also s wichtigschte zerscht:

I bi absolute Lokalpatriot, bi z Basel gebore, do uffgwaggse und ha no nie neume andersch gwohnt,
und i ha aigentlig au nid vor dodra eppis z ändere

Basel isch für mi di schönschti Stadt, mi Heimat, do kenni mi us,
do bini dehai, do fühli mi wohl.

Und als Bebbi kunnsch am FCB aifach nid verbi!

Mi Mamme isch mit mir scho an d Mätch wo si mit mr schwanger isch gsi,
mi Name hani biko wägem "SuperMac" Markus Tanner,
in d Schuel bini mit dr Tochter vom Detlev Lauscher ('sch yybrigens no e Härzigs gsi )...
Als glaine Goof het mi dr Bappe scho immer mit and Mätch gno,
i ha die harte Nati B Zyte duuregmacht und bi ainewäg an jede Match gange.
Zerscht immer Bahndamm Mitti (mitem Bappe), spöter denn mit de Kollege ab ind MK.
Nie vergässe wird i d Uffstiegsfyyr anno 1994 uffm Barfi, die Freudeträne woni dört vergosse ha...
und nadyrlig dr erschti Maischtertitel woni ha dörfe "richtig" miterläbe
(bim Titelgwünn im 1980 hani no in d Windle gschisse, also nid allzuviil mitbiko )

Mi ganze Stolz sin mini Erinnerigsstugg ussem alte Joggeli!
I ha domols e Stugg vom Bahndamm und e Fläggli Rase haime gno...
und dr Rase waggst immer no vor sich aane bi mir uffem Balkon!

Ich werde ein Leben lang ein Fan dieses Vereines sein, da bin ich 100% sicher. Klar, ein Tor gegen Xamax ist heute nicht mehr das gleich wie noch vor einigen Jahren. Klar flippt man da heute nicht mehr gar so aus wie damals. Trotzdem, ich geniesse den Erfolg des FCB im Moment, bin mir aber bewusst, es werden wieder andere Zeiten kommen, irgendwann. Irgendwann werde ich auch ab einem Tor gegen Delemont vielleicht wieder ausflippen.

Eines ist sicher, ich werde auch dann noch dabei sein...und verdammt nochmal, da bin ich überzeugt, werde ich nicht der einzige sein.

Nai, das wirsch bestimmt nid!

Du sprichsch mr ussem Härze, aimol BASEL, immer BASEL!

In däm Sinn:
Ob GC, Xamax odr Delémont,
FC BASEL, mir sin immer do!!!

[Lupina]

Das isch doch kei Frog.Ich bi e Baslerin.Z´Basel gebore und wohnhaft und do khört dr FCB eifach drzue.Mis Härz schlot rot blau und das wird au immer so sie.Ob Sunne oder Räge Super League oder Challenge League FCB i bi immer für di do.Ich bi stolz e Baslere z`si.

[bebbi13]

Ich bin von Schaffhausen und seit11 Jahren Fcb Fan!!!!!! Mein Brueder nahm
mich vor 11 Jahren mit und seit diesem augenblick bin ich an fast jedem Spiel
dabei!

Einmal Fcb immer Fcb der Fcb-Virus eben

[Lucky3]

Als Bebbi kunnsch am FCB aifach nid verbi!

FC BASEL, immer FC BASEL!

[BS-Supporter]

Geiler Thread! Gänsehaut allez!

[Schooffseggel]

syt i mi ka erinnere, isch es fir mi gar nie e froog gsi, eb i fcb fan bi oder nit. obwool sunscht vo dr familie niemer wirgligg fuessballinteressiert isch. i waiss nit worum, aber scho als glaine binggis isch es fir mi sälbverständlig gsi, fcb-fan z syy (au wenn i mir am aafang aigentlig no gar nyt richtigs ha kenne drunter voorstelle!).
won i vier oder fimf joor alt gsi bi, het mi dr babbe zem erschte mool mit ins alte joggeli uff d sitzblätz gno. vom spiil waiss nimme viil, usser ass basel gege servette 1:1 gspiilt het und bim basler goal ain in dr raihe vornedraa vor fraid sini bierfläsche ( ) ussgschittet het.
drnoo bin i laider nur sälte an d mätch, well i noonig elai ins stadion ha derfe und vo dr familie numme sälte epper mitkoo isch.
d schützematte han i mir nit kenne laischte und so han i langi zyt ooni fcb-live erlääbnis miesse verbringe. d verbundehait mit em verain isch aber ainewääg immer do gsi.
bim letschte letschte spiil uff dr schützematte (s ainzige, won i in däre zyt gsee ha) het's mi denn ändgyltig paggt und sytdäm bin i wenn irgendwie meeglig an jeedem match im joggeli.
ainigi zyt speeter het mi e kolleeg an usswärtsmatch im hardturm yyglaade (dert wo im drämmli e bengale zyndet worde isch). und syt däm daag bin i au usswärts wenn immer meeglig derby.

i waiss es nit, was es isch, wo mi so mit em fcb verbindet.
ha mir die froog scho baar mol gstellt.
isch es d masse? d stimmig? d stadt basel? dr glepfer im joggeli?
i waiss es nit. woorschiinlig isch's e mischig uss allem zämme.
uff jeede fall kan i mir e lääbe ooni fcb nur sehr, sehr schwer - um nit z saage, gar nit - vorstelle!

[the kaiser.]

i waiss es nit, was es isch, wo mi so mit em fcb verbindet.
ha mir die froog scho baar mol gstellt.
isch es d masse? d stimmig? d stadt basel? dr glepfer im joggeli?
i waiss es nit. woorschiinlig isch's e mischig uss allem zämme.
uff jeede fall kan i mir e lääbe ooni fcb nur sehr, sehr schwer - um nit z saage, gar nit - vorstelle!

für my isch ein grosse teil vom mythos "dr fcb" (das gschprochäne), do het dr radio basilisk doch e grössere yfluss alsi dänggt ha, wie bin ich 1987/88 vor däm radio ghoggt und ha müesse erläbe, wie dr fcb kei bei vors andere bekoh het, und me fühlt sich drby eifach so machtlos. und s' glyche nomol 10 joor schpöter: "maurizio gaudino, wie erklären sie sich den 0:2 rückstand. ja, lausanne gewinnt die zweikämpfe, wir haben angst, ich weiss nicht weshalb, aber wir haben angst". und denn dänngsch: kreuzer, gaudino, knup, nyarko etc. mir hän doch so gueti schpiiler, worum gwünne mir nid. wies useko isch weiss jo jede, trauma kriens.
glych wie bim zürcherpagg 03, wo die hauptstadtbuure eifach nid hän welle drgege hebe, s' ganz joggeli wartet uff frohi kund, aber sie kund nid, im gegeteil. s' radio het eifach sone unberächebarkeit. so situatione frisiere d' verbundeheit mehr in d' höchi als mä dänggt, v.a. wenn me s' gfühl het, dass d' mannschaft alles gä het.

[Nasty]

i bi vor e bitz mehr als 24 Johr in Basel uf d Wält ko, ha niene anderscht gwohnt und i dänk mr i wird au do stärbe, öpis andres kani mr fascht nit vorstelle. I stell mr vorallem vor das wenn me e richtige Basler isch, sich garnit gäge s Fcbvirus wehre cha.

so chunts halt denn das me emol ane Match goht. Bi mir isches vor 15 Johr gsi, wo e Koleg amene Sunntig zu mir cho isch und gfunde het:,,Hey chum mir göhn ane Fcb Match''. Also sin mr gange und hän kei Ahnig kha vom Joggeli, drum simmer für 14fr. uf dr Holztribüne glandet abr uns isch das denn zlangwilig worde und so sin mr ufe Bahndamm näb dr Mk züglet.
Mir hän sälber gmachti Fahne und alles mögliche drbi kha, wo mr denn elter worde sin, sin mr schlussändlich in dr Mk glandet
I weiss nit abr für mi gits eifach nüt wo das Fieber und die Liebi ersetze cha. I ha mit so vielne andere so viel Kraft, Schweiss und Emotione in Fcb gsetzt, i chönt mr e Läbe ohni dr Fcb und alles drum und dra nüm vorstelle

Schins sin das no zite gsi onkel, i sag numme "Fahne abe"

[Onkel]

Schins sin das no zite gsi onkel, i sag numme "Fahne abe"

ou man, s erschte Mol im Joggeli und denn nume 1:1 gäge Wil abr drotzdäm dasch dr Afang vom Änd gsi

[Schooffseggel]

für my isch ein grosse teil vom mythos "dr fcb" (das gschprochäne), do het dr radio basilisk doch e grössere yfluss alsi dänggt ha, wie bin ich 1987/88 vor däm radio ghoggt und ha müesse erläbe, wie dr fcb kei bei vors andere bekoh het, und me fühlt sich drby eifach so machtlos. und s' glyche nomol 10 joor schpöter: "maurizio gaudino, wie erklären sie sich den 0:2 rückstand. ja, lausanne gewinnt die zweikämpfe, wir haben angst, ich weiss nicht weshalb, aber wir haben angst". und denn dänngsch: kreuzer, gaudino, knup, nyarko etc. mir hän doch so gueti schpiiler, worum gwünne mir nid. wies useko isch weiss jo jede, trauma kriens.
glych wie bim zürcherpagg 03, wo die hauptstadtbuure eifach nid hän welle drgege hebe, s' ganz joggeli wartet uff frohi kund, aber sie kund nid, im gegeteil. s' radio het eifach sone unberächebarkeit. so situatione frisiere d' verbundeheit mehr in d' höchi als mä dänggt, v.a. wenn me s' gfühl het, dass d' mannschaft alles gä het.

unvergässe dr cup-halbfinal gege schaffhuuse anno vierenyynzig.
i bi dert fascht gstoorbe vor em radio und s isch mir bis hyt e räätsel, wie unsere familie-radio dä oobe iberläbt het!
i bi glaub in mym ganze lääbe nie me so emotionaal am radio loose gsi wie denn!

[Europäer]

das kann man nur noch mit dem Cupspiel FCB-Servette toppen...

Servette zur Pause 3:0 vorne und Gerd Strack bombt den FCB zum Ausgleich....nur schade dass Schiri Röthlisberger (gekauft???) einen Elfer (Thomas Süss soll es gewesen sein...) gegen uns pfiff...

Unglaubliches Spiel, durfte leider nicht ans Spiel u musste am Radio mitfiebern...

[stuessy]

FCB-Fan kasch nit wärde - FCB-Fan muess me sy

S Ü D K U R V É É É É É É

[The Moose]

Ich bin FCB-Fan, weil es geil war in der Primarschule mit dem FCB-Shirt zumzurennen und ständig von den Kollegen gedisst zu werden. Von Kollegen notabene, welche heute eine JK im D4 haben...

[Female-Supporter]

Ich bin FCB-Fan, weil es geil war in der Primarschule mit dem FCB-Shirt zumzurennen und ständig von den Kollegen gedisst zu werden. Von Kollegen notabene, welche heute eine JK im D4 haben...

Sooo gemein !!
Näme willi höre