ass mit em fluugzyyg ain isch koo
s visitekäärtli fascht no läär
het iin me in empfang doo gnoo
unterdesse isch viil nimm wie denne
basel het ainiges erraicht
me duet europawyt ys kenne
während ziiri ans bai me saicht
viil spiiler sin in dääre zyt
wäg vo doo an andri ort
e baar ganz noch, e baar au wyt
dasch laider usus in däm sport
doch är isch bliibe, all die joor
het fir ys kämpft mit liib und härz
git alles fir uns, das isch woor
schoont sich nit, fyrchtet kai schmärz
eb lingge flyygel, eb linggs hinde
(wenn daas em trainer besser gfallt)
är duet sich iberall z'rächt finde
und macht vor gar kaim geegner halt
wenn är als uff dr lingge syte
dr ball am fuess, duet voorwäärts starte
duet's alarm bim geegner lytte
und uff d gool muesch nit lang warte
am hytt'ge daag, doo wird är drissig
i hoff, är macht e groosses fescht
nur guet's wintsch i dir drum jetz flissig
scotty - fir mi bisch dr bescht!
