Wie "vermöbeln"?

[ketzer]

Wo kaufet ihr die meischte vo eurne Möbel? Ich kauf wenni öpis bruuch, s'meischte indr IKEA!

Was isch guet, was isch schlächt?

Erfahrungsberichte erwünscht


Edith: Sorry, Micasa und Möbel Pfister hani vergässe

[mimpfeli]

Mir hänn ziemlig alles vom Ikea, gmischt mit e paar ganz alte antike Möbel.

- Bett und Kaschte jedoch nitt.....do gitt's grad öbbis 'richtigs'!

Wenn me älter wird, kauft me sicher Möbel vo 'länger hebe', aber in junge Johre längts.....

[FCB-Fetisch]

interio findi super! gute qualität, preis ok, und ganze stylische sachen!

[Razer]

Wenn öpper no Zuebehör für e BAR het, (Lampe, Barhocker, etc) söll er sich doch grad bi mir mälde. Vorusgsetzt es wird nüm brucht, daher verschänkt oder günschtig verkauft.

[gego]

...heee wo isch s MiCasa???? sehr guets pries leischti verhältnis...

[Fussballheld]

IKEA isch ok für so Deko-Scheiss, aber nid für Möbel, mini meinig.

Interio isch ok, Möbel Pfister het au ganz edli Teil, isch aber übertüürt

[willow]

ikea halti nid viel drvo .. nur für so chlizügs usw. bruchbar .. sunscht het Micasa ganz guets zügs odr im TopTip teilwiis ..

[maradoo]

mit mine 88mio los alles bimene schriner mache...

[Rinoceronte]

Wo kaufet ihr die meischte vo eurne Möbel? Ich kauf wenni öpis bruuch, s'meischte indr IKEA!

Was isch guet, was isch schlächt?

Erfahrungsberichte erwünscht

Ha! Ich wohn im Wiifass und das isch guet so!

[Müüsli]

Hmmm vom Ikea, Conforama, dene Fly isch au guet und au dr TopTip findi nid schlächt. Han e alles vo überall zämegwürflet, was mer halt grad eso passt.....

[bricktop]

Ikea han i nur e CD-Regal kauft, dasch oke. Aber e Bett oder e grössere Schrank oder so, never.

Und vor langer Ziit han i im Fly e Sofa kauft. Das mach i au nie meh. Dä Schissdräck isch absolut nit belastbar gseh, horizontal und vertikal und überhaupt.

Möbel Pfister isch halt tüür, Interio find i gueti Mitti.

[Häx]

[quote="maradoo"]mit mine 88mio los alles bimene schriner mache... ]

gueti Idee.. i wüsst e Guete..

[access]

Ikea hani nur dr kaschte, will die sinn sau düür suscht!

aber suscht, ikea isch billig, aber scheisse zum uffbaue und schlächti quali (find ich!)

TopTip isch sehr guet, dr fly au und suscht interio und möbel pfischter...

[mimpfeli]

- Top Tip NIE MEH, d'Hälfti hett gfählt und schlussändlig isch es nach e paar Mönet Schrott gsi

- Fly dasselbe in Grün

- Conforama au nie nie nie meh!


Also ich ha bisher wirgligg nur gueti Erfahrige im Ikea gmacht, guet, wie erwähnt, kauf kei Bett und au kei Kaschte dört. Aber für Kommode oder Schuehschäftli etc find ich se tiptop!

[IP-Lotto]

Conforama? Ist das nicht dort, wo man heute noch Sofas mit 80er-Jahre-Vögele-Hemden-Design-Bezügen kaufen kann?

[mimpfeli]

Conforama? Ist das nicht dort, wo man heute noch Sofas mit 80er-Jahre-Vögele-Hemden-Design-Bezügen kaufen kann?

Exakt...*brrrrr*

Und Glas-Couchtischli mit irgendwelche Figure als Stützi.....*kotz*

[hoebbsi]

ligne roset....

[Müüsli]

Ikea han i nur e CD-Regal kauft, dasch oke. Aber e Bett oder e grössere Schrank oder so, never.

Und vor langer Ziit han i im Fly e Sofa kauft. Das mach i au nie meh. Dä Schissdräck isch absolut nit belastbar gseh, horizontal und vertikal und überhaupt.

Möbel Pfister isch halt tüür, Interio find i gueti Mitti.

Naja i ha e Sofa im Conforama kauft, sehr schön stabil und alles......
I ha im Fley e dreitürige Schrank kauft, günstig, sehr schön und genauso stabil
im Ikea hani keini grosse Möbel kauft, me chleiners zügs....

[Müüsli]

I mein mit Möbel kasch überall Päch ha....d Kollegin het au im Ikea öpis kauft und d Hälfti het gfehlt, glaubs e sone Bartischli gsi......und vo däm här....

vom Toptip hani e schöne Glastisch und de hebt immer no....

Me muess irgendwie sälber d Erfahrig drmit mache, das isch wie bi de Autos.....

[mimpfeli]

ligne roset....

Sollte ich die 88 Milliönchen gewinnen, kann ich mir das vielleicht auch leisten.....

...ansonsten.... ....schön, aber......

[bumbui]

Vo jedem Gschäft öbis:

- Top Tip -> Fernsehmöbel, Stereoanlage Möbel
- Otto's -> Polstergruppe, Wohnwand
- Ikea -> CD Regale
- Lipo -> Schlafzimmer
- Conforama -> Computertisch mit selber gemachter Arbeitsfläche
- und geschenkter Komode, Lampen, Salontisch mit selbergemachter Vitrine
- für Pins vom FC Basel
- Innovazion Möbel -> Studio (Kinderzimmer)
- HIOB -> CD Ständer, Bilderrahmen, Lavaboy, Lampen
- Keys -> Eckbank mit Tisch
- Geschenkt bekommen -> Sideboard, Kleiderschrank, Garderobe mit
- Schuhschrank, Bettsofa, Computermöbel gebraucht als Fernsehmöbel,

[baslerstab]

Und Glas-Couchtischli mit irgendwelche Figure als Stützi.....*kotz*

*grrrrrrrrrrrrrrrrrrrrrr*

[Delgado]

Also die Türe Möbel (Sofa-Garnitur, Grosser Schrank, Esstisch + Stühle, Garterobe/Schuhschrank) hämmer im Dütsche (Möbelmarkt Dogern) kauft: Top Qualität zu verglichbar zahlbare Prise.

Bett: Interio
DVD-Regale: Ikea
komplette Büroeinrichtung: Micasa
TV-Möbel: Pfister
Sofa-Tisch: Möbel Roth
Küchentisch und Arbeitsplatz: TipTop

[Heaven Underground]

Ich han viel vom IKEA. Han aber vieles umbaut anderi Fiess, griff etc. So wärde die Möbel erscht rächt scheen und goht emol ebbis ind d Brüch so isch nid viel Gäld futsch.

[basilea2002]

wo sind:

- FLY
- Top Tip
- Migros
- Lipo

[Nimmen_ins_Muul]

Karton Allez

[The Moose]

Alles ausser IKEA ist scheisse!

[Lou C. Fire]

IKEA kauf ich mir nicht mal für n Keller!

[hoebbsi]

Sollte ich die 88 Milliönchen gewinnen, kann ich mir das vielleicht auch leisten.....

...ansonsten.... ....schön, aber......

ich lege sehr viel wert auf wohnen, andere halt auf ihr auto oder ihre ferien.....

[baselll]

Ich ha fascht mini ganzi Wohnig usem Fly... Super möbel, eifach zum zämmebaue, günschtig und bi mim ikaufsvolume hani e stund lang s fly büssli dörfe gratis ummefahre mit mine möbel.