dirtyG hat geschrieben:was für ein abend....
ich bin traurig, sehr traurig! was soll man dazu sagen. wir haben uns daran gewöhnt die beste mannschaft zu haben -ehrlich gesagt hätte thun sich nicht qualifiziert , wäre der schmerz halb so gross- naja jetzt sind wir es momentan nicht mehr.
was haben all die jahre mit uns angestellt? es gab zeiten da war ein sieg auf der maladiere(nach 20 jahren) das grösste für mich, oder das erste richtige(ohne uic) europacup spiel gegen folgore ss in san marino das absolute highlight...
wir sind gegen werder bremen ausgeschieden, ich bin traurig ok, aber werder war klarer favorit...ok das hilft auch nicht...
WIR SIND EINFACH ZU ERFOLGSVERWÖHNT, auch ich...
jetzt muss die fcb-gemeine zusammenhalten, JETZT ERST RECHT!!!
obwohl fast eine welt zusammengebrochen ist ICH STEH FEST UND GANZ HINTER MEINEM unseren FC BASEL 1893
ps: bitte om im uefa-cup
Ich würd das nid emol als erfolgsverwöhnt aluege
.. wenns das wär, denn würde mir doch jetzt eifach Thun-Fan wärde..
s'schlimme isch... s'spezielle... dass mir unsere FCB ebe so sehr im Härze trage.. manchi, die chönne jetzt eifach mit Thun mitfiebere und villicht sogar nach Bärn reise, an das tolle Event CL... und do chunnt ebe das füre, wo uns Balser mänkmol so speziell arrogant macht... mir sin nid Fuessball Fan, mir sin FCB "FC Basel" Fan... rot isch unseri Liebi und Blau unseri Treui zu däm Verein... dr Fall Hakan oder Jimmy, cha höchschtens unsers Vertraue in Spieler, Mensche, idol erschüttere, dass mir nid in dr CL sin, (und Thun ebe scho) verletzt unsere Stolz... aber nie, wird unseri Liebi oder Treui zum FCB drbi in Frog gstellt...
es isch hart, sehr hart, aber Spieler chömme und gönn.... dr eint schiesst, spielt sich mehr in unseri Härze als anderi.. aber egal, ob sie im Guete oder im Böse dr FCB verlöhn... (gange wärde oder ihri Karriere beände) sie chömme und gönn, was blibt isch dr FCB Basel mit de Farbe Rot und Blau und nur däm gilt unsers grosse Engagement unseri Liebi und Treui...
Und in all däm Negative, wo mir Basler hütt hän miese erläbe... (e Judas, wo mir gliebt und gfiert hän, wo dr Club in eme so e Momänt verlosst!) mien mir doch eifach s'Positive gseh... d'Mannschaft het alles probiert und kämpft het, me het gseh, wie weh au ihne das ganze do het.. die Fans, wo in Breme gsi sin und stellverträdent für uns alli gschraue hän und eimol mehr Europa zeigt hän, welle Stolz mir Basler für unsere FCB empfinde....
und es zeigt, dass me gwüssi Spieler bim FCB (wo halt nid nur Goal schiesse oder schöni Dribblings zeige) eifach zu wenig riemt... ich dänk an e Chipperfield, e Barberis, au e Lup, wo er no bi uns gsi isch... sie hätte jo so viel mehr ufmerksamkeit verdient! ... Nämme mir uns das wo hütt passiert isch z'Härze und luege nid nur uf Goal und Trickli und bringe au de Spieler, wo viel unschienbarer immer für e FCB kämpfe unsere Respäkt entgege...
aber öpis isch klar, eimol Basel immer Basel... mir sin dr Zwölfti-Maa und löhn unseri Mannschaft nid im Stich
