Militär - UT

[raveheart]

und wie höch isch d warschinlichkeit dass ganz vo dem club wägchunsch (zivi usw...) ?

wie meinsch das? hesch rekrutierig scho gha? also an dr rekrutierig hani s gfühl me chunt relativ easy wäg wenn me sich bitz vorbereitet mit paar strategie oder argumänt. zivilschutz (schutzdienst) muesch evtl mache, aber das sin e paar tägli pro jor, das isch eh easy. hauptsach militär-ut!

[smith]

wie meinsch das? hesch rekrutierig scho gha? also an dr rekrutierig hani s gfühl me chunt relativ easy wäg wenn me sich bitz vorbereitet mit paar strategie oder argumänt. zivilschutz (schutzdienst) muesch evtl mache, aber das sin e paar tägli pro jor, das isch eh easy. hauptsach militär-ut!

nei ha rekrutierig no nid gha. was heisst das, es paar täg?

[Mindl]

jawoll!

bi sit 2 tag au untauglich, rekrutierig gha

mittlerwile sin jo 40% ut, vo dem her chunsch recht eifach wäg. und es git mehr wo militär und zivilschutzuntauglich sin als nume militär. 1. bruche si im zivilschutz wie in dr armee immer weniger lüt, und 2. hän si lieber dopplet untauglichi, wil die denn au e bitz mehr zahle. wobi ebe, wenn studänt bisch und bis 25 sicher eh nüt gschids verdiensch, denn sind nume 20 fränggli im jor

träum wieter...
darfsch 150 pro joor zahle au wenn 0 franke ihkomme hesch... (150 = minimalbetrag, wenn mr kei diensttäg het.)
und i würdi no rächt uffpasse mit däm: nüt rächts verdiensch, wenn dihai usszieh willsch und eigeni bude willsch, hesch mit stipendie + näbejop schnäll mol 2000-2500 im monet ihkomme, vo däm den 3% abdrugge, wirsch den rächt märge...
you'll see aber i wird glaub au mol ut währde *g*

[raveheart]

je nachdäm wie oft du iteilt wirdsch und wie oft si di bruche. 10 tag isch glaub öpe realistisch, chunt chli uf gmeind a. ab 20 tag muesch nüt me zahle, aber so oft wirdsch sovil i weiss eh nit iteilt. bi 10 tag wäres öpe no d hälfti wo muesch zahle. abr ebe, zahle muesch solang nit gschid verdiensch eh nit vil

[raveheart]

[quote="Mindl"]träum wieter...
darfsch 150 pro joor zahle au wenn 0 franke ihkomme hesch... (150 = minimalbetrag, wenn mr kei diensttäg het.)
und i würdi no rächt uffpasse mit däm: nüt rächts verdiensch, wenn dihai usszieh willsch und eigeni bude willsch, hesch mit stipendie + näbejop schnäll mol 2000-2500 im monet ihkomme, vo däm den 3% abdrugge, wirsch den rächt märge...
you'll see ]

oh, die 20 hätte 200 sölle bedüte!
i seh das glaub scho realistisch
und imfall au bi 2000 ikomme muesch glaub nume 200 zahle (minimalbitrag), will s ikomme pro johr vo öpe 30'000 muesch glaub nit verstüre oder? do kenni mi zwar zweni us, aber abwievil pro jor mues me verstüre? fürs militär muesch jo 3% vom stürbare ikomme, wenns drunder isch wie gseit nume 200

[Mindl]

nei ha rekrutierig no nid gha. was heisst das, es paar täg?

ich würdi luege das zivildienst chasch mache
zivilschutz = beschissener als militär (ok du hesch kei RS, dr scheiss isch halt eifach das momentan 21 wuche dini kumpel nur am week end gsehsch...drfür hesch nochhär wk wo gar nüt mache muesch, im zivilschutz muesch irgend welche saich mache)

zivildienst: wenn glück häsch dörfsch irgendwelchi jugend betreuig mache, wenn päch hesch im altehaim schafe...


minere meinig noch: zivildienst > militär > zivilschutz

[Mindl]

[quote="raveheart"]oh, die 20 hätte 200 sölle bedüte!
i seh das glaub scho realistisch ]


dasch äbe dä trugschluss: s wirds effektiv ihkomme gnoh bim militär und du wirsch au merge das 200 franke irgendwo fähle währdet.
zuedem muess mr dä militärdienstersatz nid bis 30 sundern bis 40ig zahle will mr offiziell bis 40 militär cha mache und dorum lut militär theoretisch au no in dienst cha goh heisst du zahlsch eigentlich immerno wenn eigentlich scho gar kei dienst meh miestisch leiste...
tja dr kindergarte vo dä schwiez weis halt wie är sich finanziert...

[raveheart]

dasch äbe dä trugschluss: s wirds effektiv ihkomme gnoh bim militär und du wirsch au merge das 200 franke irgendwo fähle währdet.
zuedem muess mr dä militärdienstersatz nid bis 30 sundern bis 40ig zahle will mr offiziell bis 40 militär cha mache und dorum lut militär theoretisch au no in dienst cha goh heisst du zahlsch eigentlich immerno wenn eigentlich scho gar kei dienst meh miestisch leiste...
tja dr kindergarte vo dä schwiez weis halt wie är sich finanziert...

wie neu sin dini date? minimalbitrag isch nämli 200 und nit 150 wie vo dir gseit, und zahle hani ebe au gmeint isch mit dr armee XXI uf 30 abe gsetzt worde. in wk muesch jo au nüm solang wie friener

[Mindl]

wie neu sin dini date? minimalbitrag isch nämli 200 und nit 150 wie vo dir gseit, und zahle hani ebe au gmeint isch mit dr armee XXI uf 30 abe gsetzt worde. in wk muesch jo au nüm solang wie friener

bis jetzt han i jedes joor 150 franke zahlt wo i nid gange bi... die 200 miestet scho das joor neu sie...

bi armee XXI ischs ziel, dass jede si dienst bis 30 gmacht ha ha (heisst jede tag wk), mr het aber d möglichkeit dr dienst bis 38 zmache = du muesch bis 38 zahle, wills d möglichkeit gäbti bis den di dienst zleiste...
friener het mr sogar dr ersatz miese zahle bis mr pensioniert worde isch (no frienere sogar s ganze läbe lang...)

[Lou C. Fire]

Vyl Spass!

Mit däne Lohnpürozänt wo du in Zuekunft abgisch hättsch e paar scheeni Sache chenne kaufe!

mit däne Unsumme, woni während em WK in de Beize versoffe und verfrässe ha, hät i mr no viel meh kenne kaufe....

[Lou C. Fire]

bis jetzt han i jedes joor 150 franke zahlt wo i nid gange bi... die 200 miestet scho das joor neu sie...

jo Studipagg halt!
Wenn de richtig Moos verdiensch, gohts schnäll emol ins digge Tuech, sin bis zu nerer gwüsse Aazahl gleischtete Dienschtdääg 2% vom Sürbare Iikomme.
d.h.: verdiensch CHF 100'000.- leggsch grad zwei Mill ane

Aber ebbe dr WK als solches wird jo im Nomalfall au nid ganz billig...

[Captain Sky]

drfür hesch nochhär wk wo gar nüt mache muesch, im zivilschutz muesch irgend welche saich mache

Naja, ich gehe lieber 5 Tage in irgendein Bergkaff und mach da etwas Sinnvolles (Wanderwegbauen, Roden oder so), als dass ich 3 Wochen lang rumsitze...

[Captain Sky]

bi armee XXI ischs ziel, dass jede si dienst bis 30 gmacht ha ha (heisst jede tag wk), mr het aber d möglichkeit dr dienst bis 38 zmache = du muesch bis 38 zahle, wills d möglichkeit gäbti bis den di dienst zleiste...
friener het mr sogar dr ersatz miese zahle bis mr pensioniert worde isch (no frienere sogar s ganze läbe lang...)

Mir hat man bei meiner Kaderausbildung im Zivilschutz gesagt, man müsse bis 30 zahlen...

[tsakras]

wie sehn das aigentlich Familievätere?
allzue sehr stresse mi wk's jetzt nid wirklich und irgendwie ha mr igredet, dass in e paar johr, wen ich's viellicht mol zunere familie bring, ich no froh drum bi im johr e paar täg könne z'vereise?!?!

[raveheart]

Mir hat man bei meiner Kaderausbildung im Zivilschutz gesagt, man müsse bis 30 zahlen...

dere meinig bin ich au, bis 30

@mindl
vilicht muesch du 150 als minimum zahle, wil das zu dinre zit no so gsi isch, und jetzt drum für di nit gänderet het. also 200 als minimalbitrag bini sicher, das hani schwarz uf gäl becho

[raveheart]

Nach erfolgter Ausmusterung besteht die Pflicht, bis Ende Wehrpflichtalter (seit 2004 ist es das 30. Altersjahr) jährlich eine Ersatzabgabe von maximal 3 Prozent des steuerbaren Einkommens an den Bund zu bezahlen. Möglichweise wirst du in den Zivilschutz (wenn du weniger als 50 Tage Militärdienst geleistet hast) eingeteilt. Andere Konsequenzen sind selten: Berufliche Nachteile gibt es kaum, weil die Vorteile - geringere Fehlzeiten - auch für die Arbeitgeber überwiegen.

http://www.zivildienst.ch

[Lou C. Fire]

wie sehn das aigentlich Familievätere?
allzue sehr stresse mi wk's jetzt nid wirklich und irgendwie ha mr igredet, dass in e paar johr, wen ich's viellicht mol zunere familie bring, ich no froh drum bi im johr e paar täg könne z'vereise?!?!

je älter Du wirst, um so mehr scheissen Dich die WK's an!

[tsakras]

@ Lou C.
das isch mr scho klar...wobi die alte säck(nit unsere vom forum), wo ich kenneglernt ha das aigentlich no easy gno hän. mi froog isch eher druff zielt gsi, ob me mit familie im hintergrund (frau,kind,hund) nit viellicht sogar froh isch das ganze aimol im johr für 3 wuche z'verloh?!?!?

[Mindl]

Naja, ich gehe lieber 5 Tage in irgendein Bergkaff und mach da etwas Sinnvolles (Wanderwegbauen, Roden oder so), als dass ich 3 Wochen lang rumsitze...

wanderwegbau hab ich im militär auch gemacht

und stimmt scho 90% vo däm wo mr im militär mache cha isch unnütze seich, wo reini gäld verschwendig isch. bi minere ihteilig isch es äbe nid eso, het halt au chli mit glück ztue...

zuedem: die negste 2 joor mues ich sehr wohrschienlich mi dienst sowieso verschiebe und den bitsli warte und i bi fertig...

[Appendix_2]

Die stark übergewichtigsten Rekruten kommen aus dem Kanton Basel Stadt.

Die fittesten Rekruten kommen aus dem Tessin


https://www.blick.ch/politik/bis-zu-10- ... 37633.html