S Jammerlied vo dr Summerpause

[Schooffseggel]

so langsam reggt's mi uff, s isch woor
s gliich bleed gschiss kunnt joor fir joor
in dr summer- und dr winterpause
bringt närve und mi puls zem sause

kuum isch e halbi saison umme
sin d fuessballfans wieder die dumme
all daag dien neii grycht ummegoo
dää spiiler goot und dää will koo
me pok'ret um e nei verdraag
wo no me gäld yybringe maag
me goot derby fascht yber lyyche
s ehrgfyyl kasch an a.... dir stryyche
au graabe ganz viil journalischte
erfolgsgeil in dr boulevard-kischte
dien immer neii grychtli straie
(dr chefredaggter duet's halt fraie)
me macht derby vor nyt me halt
well daas em lääser schiins so gfallt
isch es denn scho ganz vermässe
z frooge "hän die d ehr vergässe?"
sin d farbe vom verain egaal?
steen d fans und stadt ganz frei zer wahl?
s gseet fascht so uss, tschüss haili wält
was hytte zellt isch nuur no s gäld!
vor allem find i's ganz absuurd
s wird z weenig dänggt und viil z viil gschnuurt
es griegt doch jeede spiilergloon
fir's schutte, nit fir's muul dr loon.
denn oft vergisst me doo derbyy
d hauptsach söll dr fuessball syy
drum han jetz e grossi bitt
an d spiiler und betreuerslyt
egal vo wo dir meeged syy
eb basel oder köln am rhy
eb ziiri, bärn oder st.galle
mached uns fans doch jetz e gfalle
heered uff bleed umme schneere
mir kenne's nämmlig nimme heere
gänd jetz bitte aifach rue
und wändet eych em fuessball zue
renned, kämpfed, als wie mee
das isch es, wo mir fans wänn gsee!

[Alkboy]

so langsam reggt's mi uff, s isch woor
s gliich bleed gschiss kunnt joor fir joor
in dr summer- und dr winterpause
bringt närve und mi puls zem sause

kuum isch e halbi saison umme
sin d fuessballfans wieder die dumme
all daag dien neii grycht ummegoo
dää spiiler goot und dää will koo
me pok'ret um e nei verdraag
wo no me gäld yybringe maag
me goot derby fascht yber lyyche
s ehrgfyyl kasch an a.... dir stryyche
au graabe ganz viil journalischte
erfolgsgeil in dr boulevard-kischte
dien immer neii grychtli straie
(dr chefredaggter duet's halt fraie)
me macht derby vor nyt me halt
well daas em lääser schiins so gfallt
isch es denn scho ganz vermässe
z frooge "hän die d ehr vergässe?"
sin d farbe vom verain egaal?
steen d fans und stadt ganz frei zer wahl?
s gseet fascht so uss, tschüss haili wält
was hytte zellt isch nuur no s gäld!
vor allem find i's ganz absuurd
s wird z weenig dänggt und viil z viil gschnuurt
es griegt doch jeede spiilergloon
fir's schutte, nit fir's muul dr loon.
denn oft vergisst me doo derbyy
d hauptsach söll dr fuessball syy
drum han jetz e grossi bitt
an d spiiler und betreuerslyt
egal vo wo dir meeged syy
eb basel oder köln am rhy
eb ziiri, bärn oder st.galle
mached uns fans doch jetz e gfalle
heered uff bleed umme schneere
mir kenne's nämmlig nimme heere
gänd jetz bitte aifach rue
und wändet eych em fuessball zue
renned, kämpfed, als wie mee
das isch es, wo mir fans wänn gsee!

Scheen gschriebe und absolut zueträffend!
Komplimänt an Verfasser.

[Teigaff]

sehr träffend und scheen formuliert. chapeau!

[clio13]

genial!!! isch 100% prozänt richtig!!

[Varela]

ganz gelungen!