Groundhopping in Südamerika

[Schubidu]

Habe mich entschlossen, meine Groundhoppingerfahrungen in Südamerika einem grösseren Publikum öffentlich zu machen. Bin momentan für ein paar Monate in Südamerika auf Reisen und versuche immer wieder einmal ein Spiel zu sehen. Bis anhin sah ich die Spiele Boca Juniors vs. Juniors de Barranquilla (Copa Libertadores), River Plate vs. Gimnasia (ARG Clausura) und FC Paysandú vs. Tacuarembó (URU Primera División).

Die Spielberichte sind alle "alt", das heisst ich habe sie für ein "exklusives" Publikum geschrieben und werde sie nun, ohne grosse Änderungen von statten zu nehmen, euch präsentieren.


Also fangen wir mal an mit Boca vs. Barranquilla 26.05.05:

Y bi im Estadio Bombonera dr Match Boca Juniors gege Junior de Colombia Barranquilla ko luege. Volls Huus, ussvrkauft, oeppe 65000 Luet. isch schwer z'saage wie vill s'wiirklig gsi sinn, abr es isch bumsvoll gsi und d'luet koemme halt z.T. au ohni Billet yyne, so wie ich zum Bispiil!

Zerscht emol simmr mindeschtens e halb Stund dusse aagstande bevor mr numme scho in d'Noechi vom Stadion haenn koenne ko. ("Mir" sinn ych und e Schwob) Dr Match haett aigentlig am 7ni soelle aafoh, abr mir sinn no am 20ab mit tuusige andere dusse gstande. Dr Match hett denn tatsaechlig aagfange ohni uns. (Was y aigentlig e Fraechheit find) Scho nach wenige Sekunde hett Boca e Goal gmacht, was d'Luet wo no dusse gstande sinn nadiirligg nervoes gmacht hett. D'Polizeibarrikade sinn denn aifach yygrennt worde und mir sinn aendlig vorem Stadion gstande. Abr ebbe laidr ohni Ticket... Ussvrkauft! grrr.... Denn haenn mr alli moegliche Luett gfrogt obs nit doch no e Moeglichkeit gitt yyne z'koh. (Security, Offizielli, "Tuersteher" etc.) Mir haenn d'Hoffnig scho fascht uffgaeh bis mr denn e Yygang gfunde haenn wo heftig vo dr Polizey beschuetzt gsi isch. Doert sinn mr e bitz hilflos ummegstande und haenn unseri Mitleids-Gsichtr uffzoge. Das hett denn au tatsaechligg klappt und e Bull hett uns gfrogt vo wo mr denn syge nach daem mir au ihn gfrogt haenn wies ussgseht mit Tickets. Ich ha denn gsait "Suiza" und aer hett denn druff aa gfrogt ob y denn Schoggi debii haett (... hejoo klar hanni Schoggi debii, d'Heidi isch mini Fruendin, mi Vater schafft uffere Bangg und ich bi offizielle Rolex-vrtraeter... )
Ich ha denn gsait dass y zwar kai Schoggi debii haett abr defuer Gaeld
Druff aabe hetter gsait mir soelle doch moll mitkoh und hett denn diraeggt vor de Draikruetz irgend sone Typ gfrogt ob ebbis zmache syg. Do haemmr unseri Chance paggt und sinn aifach yyne gloffe. Ich unterstuetz doch kaini korrupte Bulle!! Sobald mr dinne gsi sinn hanni denn nomol lutt "Gracias" gruefe und denn simmr d'Staege uffegsegglet. Oobe aakoh sinn mr ueber e Glaendr klaetteret und TATARATA!!! mir sinn im dritte Rang gsi. Alles voll gstopft mit Luett, abr egal!
Kaini zwai Minute spoetr hett Boca uff 2:0 erhoeht und d'Party hett koenne losgoh!
Ich wird mi nie me getraue s'Joggeli e Haexekessel znenne! Was doert inne abgange isch isch aifach unbeschriiblich und numme fantastisch! Mir sinn grad gegenueber vo dr "Fankurve" gsi und haenn unsers Glueck nit koenne fasse. S GANZE Stadion hett mitgsunge, gumpt etc. Aifach voll geil!!!

Boca hett denn afoh zaubere und in dr zwaite Halbzyt no uff 4:0 erhoeht.

Abnormal, aifach abnormal! Y wuerd jetz aifach emol behaupte dass in daem Stadion s'Haerz vom waeltwyte Fuessball schloht. (*sniff*)

Der Spielbericht vom Match River Plate vs. Gimnasia wurde noch nicht verfasst, was jedoch zu gegebener Zeit nachgeholt wird.

[Schubidu]

nächstes Spiel: Paysandú vs. Tacuarembó 12.06.05

hütt bini widremol aneme Match gsi und zuedäm hanni e wytere Länderpunkt gsammmlet. Bi in Paysandú dr Match vom hiesige FC P gege Tacaruembó ko luege. S'Stadion isch aigentligg no ganz ok, e reins Fuessballstadion wo im 95 baut worde isch, e Rampe mit Beton-Sitzbänk uff jedere Syte, Fassigsvrmöge ca. 20'000. Dr Paysandú FC spiilt in dr höggschte Urugayanische Liga und isch dört im Abstiigskampf vrwicklet, gliich wie au dr hüttig Gegner Tacaruembó. Dämentsprächend nervös und vrhasplet ischs Spiil gsi vo dene zwai vor grob gschätzt 500 (*in Worten fünfhundert*) Zueschauer wo sich alli uff dr "Haupttribüne" vrsammlet hänn, d' "Fans" vo baidne Mannschafte also. Obwohl Fans dr vrmuetlig falschi Ussdruck isch, kei Gschrey, kei Gsang, keini Fahne (abgseh vo zwai abgfuckte Zuunfahne), fascht keini junge Lüt (ussr sy hänn scho Goofe kah...) und ebbe, grundsätzlig fascht kaini Lüt obwohl Tacuarembó nur ca. 150km vo Paysandú entfärnt isch. (Dr Yytritt hett übrigens 2 CHF koschtet).

S'Spiil isch schnäll vrzellt, d'Highlights vo dr erschte Halbzyt sinn e abrheyte Fallrückzieher gsi wo sich no irgend wie zur Latte gsänkt hett und e glains Maitli wo ihres Zmittagässe nomoll inspiziert hett, zum entsetze vo ihrer Muettr und zur Belustigung vo dr halbe Tribüne. In dr zwaite halbzyt hett denn s'Spiil e bitz meh Pfäffer kah, abr immrno prägt vo extrem villne Fählpäss und Unfähigkeit in dr Aanahm vom Ball bi villne Spiiler. In dr 84. Minute hett denn Tacaruembó dr nit unvrdienti 1:0 Siigträffer gschosse (per Kopf nacheme Freystoos).

Fazit: Arschkalts Wättr mit yysetzendem Niiselrääge, e nätts Stadion wo scho nach 10 Joor langsam am usenander keye isch, schwache Fuessball (ca. 2./3. Liga Niveau, wenn y also emol kai Gäld me ha wird y Profi in URU) e Linierichter wo bim Herr Giger Färnunterricht gnosse hett und nach em Match e Polizischt wo mit sym früsch beschlagnahmte Rennvelo in Ussrüschtig haimegfahre isch.

[Schooffseggel]

deent ganz geil!
dangge ass du ys an dine raisebricht losch lo tail haa!
hesch nit no föteli, wo de kenntisch doo iine stelle?
wär dr hammer

[AJBS]

was isst me so in südamerika in de stadie?

[São Paulino]

was isst me so in südamerika in de stadie?

Bei den Spielen von "Bahia" in Salvador gibt's Erdnüsse auf bahianische Art. Kann man nicht beschreiben, muss man gegessen haben.

[AJBS]

Bei den Spielen von "Bahia" in Salvador gibt's Erdnüsse auf bahianische Art. Kann man nicht beschreiben, muss man gegessen haben.

und suscht? die kenne jo chum brotwürst, chäschüechli, biberli, hot dogs, kebaps oder pizzen?

[Schubidu]

und suscht? die kenne jo chum brotwürst, chäschüechli, biberli, hot dogs, kebaps oder pizzen?

gaili Froog muess sage..

Also oft wärde wie gsait ärdnüssli (gröschtet) vrkauft, abr au Schläckzügs (also so siesses... )

Und stell dr vor, sälbscht in Südamerika gitts Hotdogs (heisse do Panchos bzw. Superpanchos wenn sy no e Art gstäbleti Pommes druffschmeisse...) und Burgers in Stadie!
Au beliebt sinn, Chorizos, sone Art Schwinsbrotswurscht in Klöpferform.

@schoofseggel
Bilder folge, sobald y emol richtig Zyt ha (vrmuetlig ändi Monet emol)


@ all
Am Frytig gangi vorusssichtlig e Match in Asunción (Hauptstadt vo Paraguay für Nichtwisser) ko luege, halt euch uffem laufende

[Platini]

schön wideremol öbbis vo der z hööre. hoff dir gohts guet. aber döönt jo nid so schlächt döörte, he ?

geili bricht !

[Schooffseggel]

gaili Froog muess sage..

Also oft wärde wie gsait ärdnüssli (gröschtet) vrkauft, abr au Schläckzügs (also so siesses... )

Und stell dr vor, sälbscht in Südamerika gitts Hotdogs (heisse do Panchos bzw. Superpanchos wenn sy no e Art gstäbleti Pommes druffschmeisse...) und Burgers in Stadie!
Au beliebt sinn, Chorizos, sone Art Schwinsbrotswurscht in Klöpferform.

@schoofseggel
Bilder folge, sobald y emol richtig Zyt ha (vrmuetlig ändi Monet emol)


@ all
Am Frytig gangi vorusssichtlig e Match in Asunción (Hauptstadt vo Paraguay für Nichtwisser) ko luege, halt euch uffem laufende

*jetzschoganzfeschtimvorusfreu*

[Schubidu]

Widremol Zyt für e Update:

ha gescht in Asunción e bitz Zyt ka wills heftigscht pisst hett, und ha denn nadiirligg grad welle speditiv syy und dr Bricht vom Match River - Gimnasia vrfasst und en denn hütt mit Mieh (2 Stroomussfäll.. Zivilisation allez!) abtippt.

Also let's go

Match River Plate vs. Gimnasia 29.05.05
Danng em Chaos in mym Kopf und uff de bonaerensische Stroosse bini zu2019spoot bim Stadion aakoh. Do hett au e geistekranke Taxifahrer wo sich in dr Rushhour durch die 14-spuurigi Avenida Libertador gschlänglet hett, nüt meh gnützt. Ändligg bim u201CMonumentalu201D (dr offiziell Name isch Antonio Vespucio Liberti) aakoh, hämmer (dr Schwoob hett mi nomol dörfe beglaite) denn standesgemäss bim Schwarzmärthändler zwai Billet fü je 10 Pesos (ca. 4 Franke) ergatteret. Untrdesse sich grad su20191:0 für River Plate gfalle, ohrebetäubende Jubel und ich ha scho widr su2019erschte Goal vom Haimteam vrpasst, what the fucku2026
Nachem Yytritt ins Stadion hämmr den bemerkt, dass es doch nit so vill Zueschauer hett wie dr Lärmpegel dusse het loh vrmuete. Y schätz jetzt emol dasses ca. 15-20u2019000 Lüt ka hett, bineme Fassigsvrmöge vo 66 449 (lut worldstadiums.com) nadiirligg e bitz schad. Mit Erstuune hanni miesse feschstelle, dass abr dr Gäschteblock extrem guet gfüllt isch (ca 3000) und du2019Fans vo Gimnasia au zyttewiis tonaagäbend gsi sinn in Sache Stimmig. Und a propos Stimmig: typisch südamerikanisch, mit villne lange, melodiöse Gsäng und sehr vill Bewegig in dr Kurve. Zuedäm hett e Meer vo Zuunfahne rund um du2019Tartanbahn e ganz e geils Bild abgäh.
Bald emol hett Gimnasia dr 1:1-Ussgliich gschosse, wo vo de u201Cmitgreisteu201D (Gimnasia isch au e Team uss Buenos Aires) Fans luthals gfiirt worde isch. Zum Pausetee hett me sich zur abwäggslig kai Hundeflaischburger, sondrn numme gröschteti Ärdnüssli gönt. No zu2019bemerke isch, dass du2019Art vo de Zueschauer sehr unterschiidlich isch zwüsche de Brancheleader Boca Juniors & River Plate. Während bi Boca du2019Arbeiterklass und alles wo drunter isch an Match goht, hetts bi River Plate (zuemindescht in dr u201CGellertkurveu201D) vornämlig Lüt uss dr Mittelklass sowie Familiene. Isch au nit wyter vrwunderlig, schliesslig liggt su2019Monumental (wo übrigens au dr Match Argentinie u2013 Brasilie letscht Wuche gspiilt worde isch) in aim vo de riichschte Barrios vo dr Stadt (Belgrano/Nuñez ).
Zrugg zum Match. Fuessballerisch gseh ischs Niwoo technisch vom fainschte gsi, su2019ainzige wo arg gnärvt hett (und laidr typisch für dr südamerikanisch Fuessbal ischu2026) sinn de Susi-Spiiler gsi wo bi jedere Beriehrig 5m wyt gflooge sinn und denn bim Schiri sinn ko briele. Voll unnnötig!
Du2019Spiilfreud vo de baide Teams hett im Vrlauf vo dr dr 2te Halbzyt aafoh abnäh, wo plötzlig Gimnasia nachere digge Kombination im Aaschluss an e Yywurf (Atoubau2026) su20192:1 markiert hett. Du2019River Plate Spiiler hänn däm nüt meh entgegezsetze ka und dorum hanni insgeheim uff e Yywäggslig vom Edelreservischt Marcelo Salas (jo genau dä) ghofft, abr dr River Trainer hett mr dä Gfalle laidr nit gmacht. Dodemit ischs 2:1 für Gimnasia bliibe und River hett syni Titelchance könne begrabe.
Nachem Match het denn su2019ganze Stadion ca. 20 minute miesse warte bis dr Gäschteblock gleert worde isch und du2019Gimnasia-Fäns mit Büs abtransportiert worde sinn (wo aane au immr...), erscht denn hett me könne dr Haimwäg aaträtte.

Also, hütt zoobe gang y denn no, falls alles klappt, an e Match in de Suburbs vo Asunción, falls y lebändig zrugg kumm gitts denn sichr au emol e Bricht vo dört.
Und Bilder sinn +/- ready, wie gsait, wenn y Zyt ha wird das Zeugs gmacht!


Hasta la victoria siempre


Schubidu



ich grüesse alli Albaner, mini Posse, all mini Homies, mini Familie, Blerim, Isman, Fatih , Ali, mini klaini Schwöschter Nezihe, und alli wo mi kännet
und wünsch mr Tupac mit Changes

[zh scum]

gymnasia isch doch us la plata und das sind doch einige kilometer uf buenos aires!

[Schubidu]

gymnasia isch doch us la plata und das sind doch einige kilometer uf buenos aires!

du hast recht sorry, hab mich vertan. La Plata ist schon ein Stück weit von BsAs weg, aber die Away-Fan zahl ist demnach umso bemerkenswerter




@all, speziell Schoofseggel

Ab sofort sin Bildr und au e paar Videos vo de zwai Mätch in Buenos Aires uff http://www.sleepers.ch/schubidu ersichtlig. Alli wytere Föteli folge denn emol...
Wär ev. Interässe aneme Bild hett, ha se nadiirlig au inere grössere Ufflösig.

[zh scum]

kein ding

stimmt, einige auswärtszahlen in argentinien sind sehr bemerkenswert!

racing-indep sowie rosario-nob sollen sehr lohnenswerte spiele sein, werde ich mir sicherlich mal reinziehen!!

was hast du bisher alles für spiele auf dem kontinent gesehen? falls offtopic, gern per pm!

gruss

[Schooffseggel]

(...)


@all, speziell Schoofseggel

Ab sofort sin Bildr und au e paar Videos vo de zwai Mätch in Buenos Aires uff http://www.sleepers.ch/schubidu ersichtlig. Alli wytere Föteli folge denn emol...
Wär ev. Interässe aneme Bild hett, ha se nadiirlig au inere grössere Ufflösig.

danggerscheen!!!

[Schubidu]

neue Fotos ab sofort auf der Sleepers-Site ersichtlich. Klick

Der Matchbericht aus Paraguay folgt in Kürze

[Schubidu]

zerscht emol: das mitem Matchbricht zue Asunción hanni vrpeilt, villicht wird das irgendwenn emol noochgholt.

Untrdesse isch au scho e guete Momänt vrgange, Mätch hanni abr kaini me gseh bis letscht Wuche. Letschte Donnschtig hanni mr s'Derby in La Paz gönnt. Bolivar vs. The Strongest (die haisse wirkligg eso...)

Föteli gitts bald emol uff sleepers.ch z'gseh, au 2 (kurzi) Videos.

Au jetz vrspüüri kai grossi Luscht e Bricht z'schriibe, für das isches dusse vill z'haiss (Bi momentan in Cochabamba, für die wo's interessiert).

Also, dr Bricht folgt bestimmt, freuet euch druff nur scho ussem Grund dass es PYRO gäh hett am Match (wie uff de Föteli ersichtlig, isch abr nur dr Aafang gsi vo allem).

Cheers & hasta la victoria siempre


Schubidu

Griess göhn an d'Sleepers, d'Battlethread-Unit ussem OT, alli Thun-Gloryhunters und an myy persönliche User vo dr Wuche, dr Sixpack.

[Schubidu]

Föteli Online!!

Bricht folgt

[São Paulino]

Föteli Online!!

Bricht folgt

Föteli angeschaut - geil! Danke für die gute Arbeit.
Bin in einem Monat wieder in Brasilien und werde mir dann ein paar Spiele reinziehen.

[Schubidu]

Föteli angeschaut - geil! Danke für die gute Arbeit.
Bin in einem Monat wieder in Brasilien und werde mir dann ein paar Spiele reinziehen.

Naja, d'Arbet hätt könne besser sy. Myni Kamera vrtrait anschiinend die bolivianisch Höchi nit, uff jede Fall isch dr Zoom kaputt syt y in Potosí (4000m.ü.M.) gsi bi. DAMN!

Was gohsch für Mätch ko luege?

[São Paulino]

Naja, d'Arbet hätt könne besser sy. Myni Kamera vrtrait anschiinend die bolivianisch Höchi nit, uff jede Fall isch dr Zoom kaputt syt y in Potosí (4000m.ü.M.) gsi bi. DAMN!

Was gohsch für Mätch ko luege?

Lies mal die Anleitung durch, Mann! Die Digis funktionieren nicht über 2000 Meter.

Ich habe fest vor, São Paulo F.C. gegen Ponte Preta schauen zu gehen. Da ich die genaue Route ab SP noch nicht festgelegt habe, ist der Rest nicht definitiv. Aber wenn's so weitergeht, wie ich's mir i.M. vorstelle, dann: Brasiliense - Juventude. Dann São Paulo gegen Santos (mit Kléber ) oder São Paulo gegen Brasiliense. Eventuell zwischendurch ein Spiel in Salvador (Bahia oder Vitória).

[Schubidu]

[quote="São Paulino"]Lies mal die Anleitung durch, Mann! Die Digis funktionieren nicht über 2000 Meter.

Ich habe fest vor, São Paulo F.C. gegen Ponte Preta schauen zu gehen. Da ich die genaue Route ab SP noch nicht festgelegt habe, ist der Rest nicht definitiv. Aber wenn's so weitergeht, wie ich's mir i.M. vorstelle, dann: Brasiliense - Juventude. Dann São Paulo gegen Santos (mit Kléber ]

Tönt nit schlächt, würd mi freue ab e paar Brichtli (vorallem San Pablo vs Santos und e Spiil vo Bahia fänd y au no fett)

@Digicambauer:
Arschlöcher! Scheiss Meeresniveau-Volk!

[Bahia]

... und e Spiil vo Bahia fänd y au no fett)

Série B simmers, und das nur knapp über dr Todes-Zone. Momentan also nur halb-fett.

[Éder de Assis]

Habe mich entschlossen, meine Groundhoppingerfahrungen in Südamerika einem grösseren Publikum öffentlich zu machen. Bin momentan für ein paar Monate in Südamerika auf Reisen und versuche immer wieder einmal ein Spiel zu sehen. Bis anhin sah ich die Spiele Boca Juniors vs. Juniors de Barranquilla (Copa Libertadores), River Plate vs. Gimnasia (ARG Clausura) und FC Paysandú vs. Tacuarembó (URU Primera División).

Die Spielberichte sind alle "alt", das heisst ich habe sie für ein "exklusives" Publikum geschrieben und werde sie nun, ohne grosse Änderungen von statten zu nehmen, euch präsentieren.


Also fangen wir mal an mit Boca vs. Barranquilla 26.05.05:






Der Spielbericht vom Match River Plate vs. Gimnasia wurde noch nicht verfasst, was jedoch zu gegebener Zeit nachgeholt wird.

Ruuueeddiiiii,bisch es.
Mer beobachte jede Schritt vo dir.

[Schubidu]

Also, dangg eme aifache Gränzübrtritt (vo Bolivie uff Peru) und dr dodrmit erfolgte Zytvrschiebig hanni e Stund gwunne wo-n-y nadiirligg grad will defür nutze ebbis gscheits z'mache. E BRICHTLI SCHRIBE!

Do also dr Bricht vom Match in La Paz vom 25.08.05 Bolivar vs. The Strongest:


Nachdäm y mi tourimässig im Mercado de las brujas mit Gücksbringer yydeggt ha, bini mitem Taxi zum Stadion "Estadio Nacional Heranando Siles" (lut Stadionwelt.de hänn 45'000 Zueschauer Platz, höggschts Nationalstadion vo dr Wält) gfaare. Bis zue däm Zytpunggt hanni aigentlig gmaint ass dr Match wurdi am halb 6i aafoh, das isch mr au vo divärse Paceños (bis hii zue mym Taxichauffeur...) eso betätigt worde. Bi e bitz enttüscht gsi wills so wenig Lüt im Stadion ka hett e halb Stund vor Aapfiff, bis mr denn emol voneme nätte Polizischt (aaschinend hanni e guete Droot zur Staatsgewalt uffem südamerikanische Kontinänt! Wenigschtens dört....) erklärt worde isch dass dr Match sichr nt vor de 7ne würdi aafoh... Dodemit hanni mr dörfe 2 Stund d'Zyt mit FCB-Liedli-trällere (y will jo schliesslig nit ussr Form groote) und Lüt beobachte z'totschloh. Zuemindescht hetts sehr guets "Catering" im Stadion. (@AJBS: jetz uffpasse!!) Es hett vrschiideni Garkuchene IM Stadion ka wo z.B. Suppe, Humita, Poulet mit Riis, haissi Sandwich, Hot-Dog, Silpancho (e Art e Schnitzel mit Riis und Gmies) Hamburger etc. früsch zuebereitet hänn. Voll fett!! Zuedäm hetts glaine Vrkaufsständ ka wo me sich hett könne mit so nützliche Sache wie Ziggis, Dääfeli, Gutzi, Batterie (!), Glacé und so könne yydecke. So sinn denn die zwai Stund irgendwenn emol (so öppe nach 2 Stund...) vrstriche und s'Stadion hett sich mehr und mehr gfüllt. Do sichs bi däm Match ums grosse Stadtderby handlet, vrgliichbar mit River vs. Boca in ARG, hetts dämentsprächend Lüt ka. Interessant ischs gsi dass es zwar aidütig zwai Kurvene mit ihrne jewilige Farbe ka hett, uff dr Gegegrade (wo ich myy Billet ka ha) sinn abr die "hellblaue" (Bolivar) und die "gääle" (Tiger, dr Spitzname vo de The Strongest) wild durchmischt binenand gsässe. Das hett dr ganz Match duure zuene paar luschtige Szene gfiert...
Bim Yylauf vo de Mannschafte (baidi Mannschafte ainzeln, so hett me sich bim Gegner könne uffs Pfiffe und bi synere Mannschaft uffs aafüüre könne konzentriere. Das sött me bi uns au mache!!) hetts denn jewiils Pyro gäh. Uff dr syte vo Bolivar (vrmuetlig dr beliebtischt Club in Bolivie) e bitz Rauch und e paar Faggle, uff dr syte vo Tiger e huffe Rauch, Bengale, Knaller, Füürwärksrakete etc. Ab däm momänt hanni mi defür entschiide Strongest z'supporte!

S'Spiil isch vo Aafang aa uff hochem NLA-Niveau gsi, dr Ball isch schnäll abgspiilt worde und hüffig isch vrsuecht worde übr d'Syte erfolgriich aazgriffe. Goalchance hetts hüben wie drüben gäh, miteme liichte Chanceplus für "Celeste", also Bolivar. Strongest isches abr gsi wo zerscht troffe hett, nachdäm sy scho e paar Moll am stargge Goalie vo Bolivar gschyteret sinn. Im Aaschluss ans Goal nadiirligg widr Pyro. Mit 1:0 isches denn au in d'Pause gange. Nach dr Pause hett Bolivar vrsuecht vrmehrt Druck uss z'iebe was denn au nachere längere Druckphase vor em gegnerische Gool miteme schöne Träffer belohnt worde isch. Dr ganz Match duure übrigens extrem gueti, lutti Stimmig wo sich au uff d'Gegegrade und d'haupttribüne ussbraitet hett. Vorallem isch dr Gegner via Sprächgsäng fertig gmacht worde, "positivi" Stimmig hetts praktisch nur bi Standartsituatione und/oder Gegeaagriff gäh.
Zrugg zum Match: E wytrhin hochs läuferischs Niveau hett das Spiel prägt, isch scho erstuunlig dass die Spiiler uff 3500müM soo lang könne seggle. In dr Mitti vo dr zwaite Halbzyt hett Strongest nacheme Corner dr 2:1 Siigträffer gschosse (glücklicherwyys vo mir uff Video feschtghalte). Kollektive Freudetaumel (zuemindescht uff dr ainte Syte) und Erniecheterig bi de "hellblaue" wo denn au scho sehr bald sich uff e Haiwäg gmacht hänn. Dr Goalie vo Strongest hett au no ai, zwai Glanzparade brocht so dass d'Erniechterig bi de Fans und Spiiler vo Bolivar numme no grösser worde isch. S'Stadion isch übrigens, bis zue däm Zytpunggt, sehr guet gfüllt gsi, numme d'Haupttribüne hett uff dr Syte e huffe Löcher ka. Y wurd mol 40'000 schätze...
Dr Maa vom Spiil isch für mii aidütig dr Captain vo Tigre gsi, är isch au dr Schütz vom erschte Goal gsi und hett durchsyni Laufberaitschaft, sys guete Auge und, vorallem, syne stargge Abschlüss immr widr z'begaischtere gwüsst. (Falls dr Delgado bald goht, was y nadiirligg nit hoff, hätt me in däm Maa bestimmt e gueti Alternative). D'Wuche druff hanni übrigens am TV e Match gluegt vo Tigre wo dr Captain (Name isch mr entfalle) grad nomol 2mol töpft hett! Auf jetzt Ruedi!



Das wärs widremol gsi mit Trix und Gäx, tschau zämme!