fcbch_fcbde hat geschrieben:au wenn dä thread scho älter isch, gib i no min senf drzue ab!
unsere sturm isch jo ganz passabel, nur dr jimmy und dr rossi wärde au nümm jünger und ich würds liebe wenn dr vonlanthen zue basel würd cho, ha es scho damals trurig gfunde dass sich dr fcb nid um ihn bemüht het, er wär bezahlbar und sicher au scharf druf e realistischi chance uf en stammplatz z becho (was aber irgendwie bim gross nid ganz eso eifach isch, siehe goalie position) . Usserdäm bin i nid grad en grosse fän vom huggel, er macht zwar immer mol wieder es guetes spiel aber ich find ihn in dere mannschaft e absolute schwachpunkt, genau wie die rächti sitte mit em stereo oder em degen 2. für s devensive mittelfäld chönt me sich im summer um en didi hamann bemühe, sie vertrag lauft bi liverpool us und er isch en alte kumpel vom kreuzer us bayern zite.
gsammthaft würd ich es sehr begrüsse wenn basel e art rückhol aktion ala dortmund mitte 90ziger würd starte. agfange bim vogel, vonlanthen, chiumento, senderos und wicky.
dr afang hän sie jo jetzt mit em müller gmacht, wär doch zue geil wenn d nati uflauft und dört 7 oder 8 fcb spieler stöhn.
denn chönt es an dr wm (falls............) eso usgseh:
------------------zubi-------------------
zanni------müller-------yakin-------wicky
chiumento---------vogel----------spycher
---------------hakan--------------------
--------frei---------------vonlanthen----
und bim fcb
----------------zubi--------------------
zanni-------müller--------yakin-----wicky
chiumento---------vogel----------chippy
--------------delgado------------------
--------carigoal-------vonlanthen-------
wär in beidne fäll e geili mischig us junge talentierte und ältere scho erfahrene spieler. uf dr goalie position mach ich mir bim fcb keini gedanke, denn dr gross wird eh nie öper anderes isetze als dr zubi... isch halt eifach eso
Du spinnsch doch! ! !
Di Posting chame doch nit ärnscht näh! ! !
Einersiits verzellsch, dass dr Rossi und dr Jimmy nüm die jüngschte sin...andersiits willsch aber dr Hamann hole, wo älter isch als die beide (wo isch do dr Sinn?). Denn witer hesch gschribe vo dere Rückholaktion...du schmeissisch also d Basler-Original us dr Mannschaft...nur damit besseri Spieler do sin (hättsch au dr Cecca usegschmisse???). Hesch s Gfühl es interessiert irgendöbber ob e FCB-Spieler in dr Nati isch? Isch eher negativ, wenn durch d Nati e Spieler imene wichtige Spiel würd fääle! Wenn de scho so scheen d Ufstellig machsch...wo setzisch dr Senderos ahne, uf d Bangg? Sehr guete Transfer dem Fall!
Und dass dr Zubi nit zersetze isch...hmmm...meinsch är spielt au no mit 40ig bim FCB?! Au dä wird nit jünger...(wenn de scho derbii bisch). Ich würd d Mannschaft überhaupt nit ändere...s einzige wo ich würd mache isch s Nr. 7 useschmeisse und e Ersatz uf dr Gooliposition (für d Zuekunft) sueche!
...zum Schluss no e Amerkig...dr Wicky spielt mineswüssends im Mittelfäld (usserdäm spielt dr Kleber hinte links stark)!
Do frogt me sich scho teilwiis, was sich gwüssi Lütt für Gedanke mache...me cha jo alles iikaufe, dass es am Ändi so wie bi Real oder Chelsea ändet...herrliggi Vorstellig...it sucks (fucking Kommerz)! ! !
)
