GC-FCB live in ere Beiz?!

[*BEBBI*4ever!!!]

I würd dr Match am Samschtig gärn inere Beiz luege statt deheime uffem Sofa,
am beschte neume in dr Innerstadt, Steine odr so
Weiss ächt öpper e gueti Beiz?
Zeigt s PiWi dr Match?! (uff dr Homepage stoht nüt, hani scho gluegt)

P.S. An alli "Me-Luegt-Dr-Match-Im-Weichturm-Und-Nid-Am-TV"-Kommentärler:
Mi Velo isch kaputt!

[pinHEad]

P.S. An alli "Me-Luegt-Dr-Match-Im-Weichturm-Und-Nid-Am-TV"-Kommentärler:
Mi Velo isch kaputt!

Machs wie-n-ich. Fahr mit-e-re Kollegin mit em Auto.

[pinHEad]

Paddy Reillys Pub???

[*BEBBI*4ever!!!]

Machs wie-n-ich. Fahr mit-e-re Kollegin mit em Auto.

Ha leider weder Kollegin no Kolleg wo mitem Auti uff Ziiri fahrt, usserdäm kai Stutz füre Zug/Billet und zuedäm kai Zyt zum uff Ziiri z go, also muessi mi mit de ZF DRS Bilder begniege

Aber ebe, WOOOOO?!

[*BEBBI*4ever!!!]

Paddy Reillys Pub???

Binis grad uff dr Homepage gsi, stoht aber au nüt... zeige die dr Match?!

[housestyle]

Ich würd doch eifach mol alli abklappere und luege welli das e Färnseh händ. Denn froogsch aaständig und meischtens schtelle sies i, wenn sie nid gad speziell öppis anders übertrage...

Hett in Zirü au klappt

[*BEBBI*4ever!!!]

[quote="housestyle"]Ich würd doch eifach mol alli abklappere und luege welli das e Färnseh händ. Denn froogsch aaständig und meischtens schtelle sies i, wenn sie nid gad speziell öppis anders übertrage...

Hett in Zirü au klappt ]

Wuuooooos?! Du hesch in Zirü dörfe e FCB (?) Match luege?!
Isch dängg e HeimwehBaslerBeiz gsi

[housestyle]

ISCH SICHR E KEINI "HeimwehBaslerBeiz" gsi... Ghört em Vitze-Präsident vom FCZ!!! Hani vom Barkeeper erfahre...

JO SORRY, HA MIS BIER DENN SCHO BSTELLT GHA UND AASTÄNDIGERWIIS AU ZAHLT!!! Aber ha gar kei guets Gfühl gha, do dr FCZ go unterstütze

aber drfür ischs FCB-FCZ gsi und d`Gnuegtueig gnueg gross wo ich bim 3:2 in dere Bar ghoggt bi

[*BEBBI*4ever!!!]

ISCH SICHR E KEINI "HeimwehBaslerBeiz" gsi... Ghört em Vitze-Präsident vom FCZ!!! Hani vom Barkeeper erfahre...

...aber drfür ischs FCB-FCZ gsi und d`Gnuegtueig gnueg gross wo ich bim 3:2 in dere Bar ghoggt bi

Waaaaaas,nomol langsam zum mitschriibe:

Du hoggsch in dr Beiz vom FCZ VizePräsi in Z!Rü, dr Match FCB-FCZ kunnt am TV und du muesch go FROOGE ob si ächtsch so lieb wäre und dr Fäärnseh aastelle?!?!

So öppis ka dr au nur z Ziiri passiere

[housestyle]

dr Färnseh isch scho gloffe, aber so Rad-Scheisse (aber nüd gege dr Extra-Velozug nach Zirü )

aber isch scho so, dr Barkeeper hett nid mol gwüsst, was für es Spiil das lauft (ok, är sälber isch Thun fan ) aber gliich... Typisch Zirü!

[*BEBBI*4ever!!!]

dr Färnseh isch scho gloffe, aber so Rad-Scheisse (aber nüd gege dr Extra-Velozug nach Zirü)

aber isch scho so, dr Barkeeper hett nid mol gwüsst, was für es Spiil das lauft (ok, är sälber isch Thun fan) aber gliich... Typisch Zirü!

1. Velo-Extrazug nach Zirü isch geil,
irgend e "Tour de Bümpliz" luege statt eme FCB-FCZ Match NID!

2. Als Thun-Fan miesst ihn dä Match no MEH intressiere als e Ziircher, denn Thun het Titelchance gha, dr FCZ NID!

3. Aber "wiä dä Bööööööööögg brännt hätt" hän die sicher live im Beize-TV verfolgt?! Naja, jede setzt sini Prioritäte halt anders...

[Eckfahne]

I würd dr Match am Samschtig gärn inere Beiz luege statt deheime uffem Sofa,
am beschte neume in dr Innerstadt, Steine odr so
Weiss ächt öpper e gueti Beiz?
Zeigt s PiWi dr Match?! (uff dr Homepage stoht nüt, hani scho gluegt) ]

P.S. An alli "Me-Luegt-Dr-Match-Im-Weichturm-Und-Nid-Am-TV"-Kommentärler:
Mi Velo isch kaputt!

Wenn Velo put, denn Auto!!!!

[Nimmen_ins_Muul]

Nimmsch hald dr ZUG wie vil anderi das au mache?!?!?!

Oder bisch dr zschad ine Zug zstiige?

Suenschd muggsch hald am Bahnhof e Velo:P

[*BEBBI*4ever!!!]

Wenn Velo put, denn Auto!!!!

Und widr emol zitieri mi sälber...

Ha leider weder Kollegin no Kolleg wo mitem Auti uff Ziiri fahrt, usserdäm kai Stutz füre Zug/Billet und zuedäm kai Zyt zum uff Ziiri z go, also muessi mi mit de ZF DRS Bilder begniege

Und zu dir:

Nimmsch hald dr ZUG wie vil anderi das au mache?!?!?!
Oder bisch dr zschad ine Zug zstiige?
Suenschd muggsch hald am Bahnhof e Velo

1. Siehe oben

2. Siehe oben (z schad ine Zug z stiige, das seisch du eim wo e Halbtax het und jede Monet fascht 400 km im Zug zrugglegt?!)


Het sunnscht no öpper sone gloorriiche Tipp? Odr gits au no welchi wo dr Fred-Titel verstande hän?!

[s-k-b]

I würd dr Match am Samschtig gärn inere Beiz luege statt deheime uffem Sofa,
am beschte neume in dr Innerstadt, Steine odr so
Weiss ächt öpper e gueti Beiz?
Zeigt s PiWi dr Match?! (uff dr Homepage stoht nüt, hani scho gluegt) ]

P.S. An alli "Me-Luegt-Dr-Match-Im-Weichturm-Und-Nid-Am-TV"-Kommentärler:
Mi Velo isch kaputt!

Alti Post!! (do kenni au sone arme wo sini Mätch dörte luegt )

[*BEBBI*4ever!!!]

Alti Post!! (do kenni au sone arme wo sini Mätch dörte luegt )

Hehe Leidensgenosse

Geil wär halt e Beiz wo dr TV dusse het bzw. wo me vo dusse uffe TV gseht, würd scho lieber in dr Sunne hogge als dinne

[*BEBBI*4ever!!!]

Jungs, auf gehts, Tipps poste bitte!

Was maineter zum Wulggegratzer aka Hochhuus an dr Heuwoog?!

Die hän doch e TV, odr? Zeige die ächtsch dr Match?!

[Schooffseggel]

[quote="*BEBBI*4everMi Velo isch kaputt! [/size"][/QUOTE]

kasch jo seggle, beweegig isch gsund

[Basilou]

Wenn Velo put, denn Auto!!!!

Wenn Velo put, denn Velo fligge!!

[Nimmen_ins_Muul]

Hattrick Sportbar.....