hey ich meld mi auno
also wie me cha lääse isch jo im heiko vogel fred widr mol e andere trainer gforderet und wie me im stadion hett chönne hööre, hett me die eigeni mannschaft uspfiffe. Ich bi zwar au gsi, ha mi au mol e churze moment gärgeret und ha mr überleggt was me an somene sunntig alles töllers cha mache als das ballgeschiebe aluege... abr ich denk das grifft alles z churz.
Z erscht mol pfifft me nit. Nit gege die eigene. Ich weiss nit, abr ich ha dr iidruck ghaa dass d pfiff vor allem uss em B und em C choo sin (chas nit beurteile, bi selber im C). 30`000 wo sich Experte nenne und denn pfiffe wenns "nit attraktiv" isch. Ich ha mi au gärgeret, dass me gfühlti 80% ballbsitz hett und nüt druss macht, aber ich gsehs so:
Das alles wo mir hütt gseh hän isch e Sicherheitsspiel gsi. Me hett vor dr Natipause nüt meh welle abrenne loo und hett dorum uff jede Fall welle s Null hinde bhalte. D Päss hett me dorum so gmacht, dass möglichst kei chance für Züri cha entstoo, verständlich wenn me doch gege cluj dumm zwei gool so kriegt hett!
Denn chunnt drzue, dass e salah gfehlt hett, wo mit sinere gschwindgkeit e sone abwehrriegel cha umgoh, bzw. durchbreche.
Ich denk, dass dr Vogel bewusst so hett lo spiele wie wenn das e Training wär! Ich glaub Basel isch am trainiere, damit öppis grosses cha entschtoo! Ich glaub, dass s Kurzpassspiel in Zuekunft vermehrt söll à la Barcelona zum iisatz koo und dorum hütt so e Art Üebig... froglich isch, ob das wird funktioniere! D Hoffnig isch eher, dass dr Gegner iischloft und me dr Ball denn (ohni öpper z wecke) cha ins gool trage.
Ich denk do isch öppis im Ufbau, wo denn wenns klappt alli wo jetz reklamiere widr begeischteret sin!
:):)
