Weihnachtsgeschenk-Thread

[Vincent Vega]

Weihnachtsgeschenktips für Vater, Mutter, Freund, Freundin, Onkel, Tante usw. bitte hier reinschreiben!
(Möglichst günstige und leicht erhältliche selbstverständlich! Soll ja von Herzen kommen

[Läggerlifreak]

Honigkerzene sinn dr hyt am beste immene motiv wo zuenene passt

[Soriak]

Gutschein fuer eine Massage

[crazychillbär]

Also für meine Oma hab ich ne Cd mit Marsch und Guggenmusik gemacht
Meinem Onkel hab ich einen Gutschein für das Spiel zwischen Basel und Yb
meiner Schwester noch nichts
Meiner Mutter éine Biografie eines ehemaligen Stern Journalisten
Meinem Vatter Briefmarken

[FCB Forever]

Schänksch am beschte nüt und sparsch s Gäld für anderi glägeheite!

[art-of-football]

Für jede e CD brennt... nei morn gang-y mit dr Schwester go shoppe mol luege was usekunnt, y wird euch denn dryber informiere...

[neffin]

schiess gschenkerei

[estrellita]

genau de thread häts na brucht!
irgend ä idee was mer enere kollegin schänke chönt, wo mer eigentli gar nü so guet kännt?

[housestyle]

Eltere: Praliné
Schwöschter (15): Notizbiechli mit Widmig & Guetschiin für es Deo (söll sälbr eins ussueche )
Brueder gross (13): brennti Mix-HipHop CD & Guetschiin für e Fuessballmatch
Brueder chlii (8): Aahänger - Plüsch Tierli mit Guetschiin zum in Mc Donald z`goh

@ estrellita: Iiladig für ins Kino (2 gueti Sache: 1. E gratis Kino - Bsuech & 2. bisch mitere im Kino und chasch dich nöcher kenne lerne )

[nogomet]

[quote="art-of-football"]Für jede e CD brennt... nei morn gang-y mit dr Schwester go shoppe mol luege was usekunnt, y wird euch denn dryber informiere... ]

schuhe?

[art-of-football]

[quote="nogomet"]schuhe?

]



We'll see

[art-of-football]

So ändlig hämers gschafft in d'Stadt z'go:

Dasch d'Lischte:

- So e Häng-dingsbums fürs Fänster
- 2 Kerzeständer
- FCB- Joohreskaländer (für dä wo FCB fan isch und z'Züri schafft ) (d'Gschäftskollege rege sich schiins immer uf, wenn är das Ding demonstrativ ins Büro hängt)
- E Tischschale für irgendwelchi Siessigkeite

Nüt grosses aber immerhin, dr guet Wille hämer bewiise...

[estrellita]

Was bitteschön isch

- So e Häng-dingsbums fürs Fänster

?
bi übrigens immer na verwzwifled uf de Suechi nacheme Wiehnachtsgschänkli für e Kollegin, mit dere ich öpe es Jahr lang nüm gredt han... Hät irgendöper e kreativi und nü z tüüri idee?

[art-of-football]

[quote="estrellita"]Was bitteschön isch ? ]


Das isch so e Stei wo d' Liechtstrahle in Farbe reflektiert, ebe so-n-e Häng-dings-bums fürs Fänster halt...

[l'antimilan]

fignette für opa.

1 Kiste wein für Schwiegervater!!

1 SI-Abo für Schwiegermutter

1 Gummisusi für ledigen Schwager

1 Kinoabbo für verh. Schwägerin

Playmobil Lego für Kinder.....oder sogar GTA....

Jahreskarte Juve-Spiele für Anwalt...(sehr wichtig..)

[l'antimilan]

Soll ja von Herzen kommen

sorry, habs vergessen zu erwähnen!!