Location Kreta

Bruce_R · Beitrag von **Bruce_R** » 19.04.2005, 19:20

Wie tickt die Griechische Ferieninsel Kreta so im Sommer??

In sachen Party usw. Hat jemand sonst nützliche Infos zur Insel?

Thanx!

AJF · Beitrag von **AJF** » 19.04.2005, 19:35

kreta isch guet wenn mit dym schnäggli wotch go.......wenn mit paar jungs wotch party mache gits nur oldschool mallorca....hehehehheheeh

mallo 05 psychoboys,upwood and AJF das wird zu jääs

art-of-football · Beitrag von **art-of-football** » 19.04.2005, 20:08

Zypere
.....

mm_fcb · Beitrag von **mm_fcb** » 19.04.2005, 23:36

chersonissos isch für so sache no ganz ok, und öppe 2-3x günstiger als zypere... isch abr me barbetrieb a dr promenade, disco-/clubszene isch kleighalte. publikum zimli gmischt, meischtens schwobe/holländer/franzose/brite aber au einige schwiizer. andri ort uf kreta sin glaub nid so z empfähle für party.

Versumpfte · Beitrag von **Versumpfte** » 20.04.2005, 08:07

Jo genau....ych wurd au uf Chersonissos goh! Dert isch es no so zimmlig verweest! Uf jedefall hets dert wo ych gange bi yberall Ire kha und mit dene het me sone zimmlig guets Fescht könne dure geh! Usserdäm bikunnsch in dr ainte Bar 2 Grossi halbliter Bier für nur 7 u20AC! Praggtisch in allne Bars bikunnsch 2 Geträngg für eine!

Aber mir hets nachere Wuche ehrlig gsait usghänggt....e Wuche länggt voll und ganz! Eifach e Wuche mit 999 Promille im Bluet!

São Paulino · Beitrag von **São Paulino** » 20.04.2005, 10:56

Einmal und nie wieder. Ist zwar historisch interessant und auch landschaftlich nicht unschön, aber ich fand's alles in allem ziemlich langweilig. Zudem hat mich der ständige Wind am Strand genervt. (Könnte Pech gewesen sein, aber hat einfach bei mir schlechte Erinnerungen hinterlassen)

p.s. Ich war in der Nähe von Heraklion.

Versumpfte · Beitrag von **Versumpfte** » 20.04.2005, 10:59

São Paulino hat geschrieben:Einmal und nie wieder. Ist zwar historisch interessant und auch landschaftlich nicht unschön, aber ich fand's alles in allem ziemlich langweilig. Zudem hat mich der ständige Wind am Strand genervt. (Könnte Pech gewesen sein, aber hat einfach bei mir schlechte Erinnerungen hinterlassen)

p.s. Ich war in der Nähe von Heraklion.

Dasch möglig dass dr Wind vo de Flugzyygtriebwärgg kho isch!

Nai, ych bi bis jetzt zweimol gsi...eimol in Chersonissos und aimol bi Georgioupolis in dr neechi...dasch immer beschtens gsi dert! Ha's gnosse! Und e guete Sumpf het's allewyyl geh!

Also ych wyrds nonemol versueche! Kultur isch sehr interessant aber ych muess sage ha ych minim langwilig gfunde...e sone platz in de bärge go aluege wo alles kaputtigi Stai ummeligge und nid e mol rauche darfsch well sie angscht hän s'wurd wäg dr troggehait afo brenne!

Bruce_R · Beitrag von **Bruce_R** » 20.04.2005, 11:10

bin eh in Chersonissos.

Kultur usw. interessiert mich nicht

4-Stern All-inklusive Hotel und ich bin zufrieden!

war u.a auch schon in ayia napa, jetzt muss mal griechenland abgecheckt werden!

Rinoceronte · Beitrag von **Rinoceronte** » 20.04.2005, 11:19

Ich selbst war noch nie da, aber mein Grossvater erzählt immer wieder gerne von dieser Insel...

Die Tanzabende seien super und auch das Abspringen mit dem Fallschirm sei nicht so übel gewesen wie alle behaupten.

baslerstab · Beitrag von **baslerstab** » 20.04.2005, 11:38

chernissisos rockt (anno '99)! (disco-)barpromenade am strand plus noch einige grössere läden an der strasse oben. zum baden jedoch nicht geeignet. -->roller mieten, dann bist du in 10 minuten an einem wunderschönen sandstrand (malia).

Female-Supporter · Beitrag von **Female-Supporter** » 20.04.2005, 11:57

Woni mit ere Kollegin vor 4 Johr Kreta buecht ha, hämer uns eigentlig uf relaxendi gmietligi Ferie ygstellt. Mir sin denn z'Chersonissos glandet und hän schlussändlig die extremschte Partyferei ever erläbt (und bi doch au scho z'Gran Canaria und in Ibiza gsy). D'Strandpromenade oder d'Sytegässli zu dere Promenade biete gueti Bars und kläineri Clubs wo's wirklig abgange isch (noch ere Wuche hän sälbscht mir uf dr Bar tanzt....).

Es het zu derä Zyt sehr viel Skandinavier, Holländer und Engländer gha (womit s'Mass an Alk-Konsum scho immens hoch gsetzt wird

). Dr absoluti "In" Club zu dere Zyt het "Status" gheisse und isch au diräkt an dr Strandpromenade gsy.

Intruder · Beitrag von **Intruder** » 20.04.2005, 11:59

São Paulino hat geschrieben: Zudem hat mich der ständige Wind am Strand genervt. (Könnte Pech gewesen sein, aber hat einfach bei mir schlechte Erinnerungen hinterlassen)

p.s. Ich war in der Nähe von Heraklion.

Kein Pech ist auf dieser scheiss Insel Dauerzustand...

Chersonissos hat noch cool Bars und einen haufen English People

baslerstab · Beitrag von **baslerstab** » 20.04.2005, 12:02

Female-Supporter hat geschrieben:Dr absoluti "In" Club zu dere Zyt het "Status" gheisse und isch au diräkt an dr Strandpromenade gsy.

isch das die einzig discobar, wo uff dr rächte sitte gsi isch, wo de hinde übere balkon diräggt ins meer hesch könne jumpe (was notürlich erscht ab 3 promille erlaubt gsi isch...)?

Female-Supporter · Beitrag von **Female-Supporter** » 20.04.2005, 12:19

baslerstab hat geschrieben:isch das die einzig discobar, wo uff dr rächte sitte gsi isch, wo de hinde übere balkon diräggt ins meer hesch könne jumpe (was notürlich erscht ab 3 promille erlaubt gsi isch...)?

Oeb's die einzigi gsy isch weissi nit (mir hän die gfunde und nüt meh anders wellä

). Aber das mit em Jump diräkt in's Meer isch scho möglig.... könnti die si

!!

Versumpfte · Beitrag von **Versumpfte** » 20.04.2005, 12:25

Female-Supporter hat geschrieben:Oeb's die einzigi gsy isch weissi nit (mir hän die gfunde und nüt meh anders wellä ). Aber das mit em Jump diräkt in's Meer isch scho möglig.... könnti die si !!

Waisch du wie die Bar haisst?...sch'die wo wenn me die Promenade am Meer entlang lauft...das klaine Hügeli uffelauft rächt am ände...uf dr lingge sitte...sone irish pub!?

Female-Supporter · Beitrag von **Female-Supporter** » 20.04.2005, 12:28

Versumpfte hat geschrieben:Waisch du wie die Bar haisst?...sch'die wo wenn me die Promenade am Meer entlang lauft...das klaine Hügeli uffelauft rächt am ände...uf dr lingge sitte...sone irish pub!?

sorry, aber bis ganz hindere hani's die ganze 2 Wuche nie gschafft

!! Irish Pub? Wenni das gwüsst hätti.... tönt guet!

Apophis · Beitrag von **Apophis** » 20.04.2005, 12:36

Wennt in Chersonissos bisch, musch UNBEDINGT int BioBio-Bar go. Ha die Bar no zimmli geil gfunde. Ansunschte hets dört sauviel läde zum shoppe. Und mit champions-league und uefa-cup dönn si ihri lüt int beize locke. es stot immer e tafele vor dr bar, was si hüt füre fussballmatch luege

dasch no witzig.

Female-Supporter · Beitrag von **Female-Supporter** » 20.04.2005, 12:41

baslerstab hat geschrieben:isch das die einzig discobar, wo uff dr rächte sitte gsi isch, wo de hinde übere balkon diräggt ins meer hesch könne jumpe (was notürlich erscht ab 3 promille erlaubt gsi isch...)?

http://www.status-club.gr

Ha grad no dr Link vo derä Bar gfunde (bim Google sin irgendwie nume Holländischi Syte uftaucht

). Es schaffe sogar no die gliche Lüt dört wie vor 4 Johr

!!

Versumpfte · Beitrag von **Versumpfte** » 20.04.2005, 12:52

Female-Supporter hat geschrieben:sorry, aber bis ganz hindere hani's die ganze 2 Wuche nie gschafft !! Irish Pub? Wenni das gwüsst hätti.... tönt guet!

Jo dasch definitiv verweest gsi...hets immer für 7 Euro 2 Grossi geh..dasch geil gsi! Denn hets no s'TNT geh...s'U2 Bar....s'Excalibur...soviel waiss me ebbe nymme...

LiveForever · Beitrag von **LiveForever** » 20.04.2005, 13:09

git nur mykonos

mm_fcb · Beitrag von **mm_fcb** » 20.04.2005, 13:19

LiveForever hat geschrieben:git nur mykonos

ehnder für schwuli...

LiveForever · Beitrag von **LiveForever** » 20.04.2005, 13:25

mm_fcb hat geschrieben:ehnder für schwuli...

ebe

neinei, mir hän bim interraile e tip vonere australierin beko dases dört partymässig sehr abgoht, denn hämmr fähri buecht und erscht dört usegfunde dases doch no chli sone rägebogeinsle isch...

aber denn hämmr d vorteil vo däm kenneglehrt (sprich: es het mega vil heterofraue und wenig konkurrenz

) und partymässig würk öppis vom geilschte und insle wunderschön.

Fanti · Beitrag von **Fanti** » 20.04.2005, 13:35

Malia isch no rächt guet (ca. 35km im Oschte vo Heraklion, isch also ewäng wyter ewägg vom Fluugblatz als Chersonissos). Deert hesch aigetlig alli Opzioone offe: im neiere Dail rait sich Clöb an Clöb zem Abfyyre bis d Sunne wieder uffgoot, und im alte Dail vo Malia findsch gmietligi Baizli wo in Rueh kaasch fein ässe. Isch zwoor au touri-mässig mit Spyyskaarte in drei bis vier Sprooche, aber s isch wie gsait gmietliger als dr heggtisch nei Oortsdail vo Malia.

Dr scheeni Sandstrand vo Malia isch ca. 2,5km lang und (fascht) durchgehend. An Touris het s alles: Familie, Seniore, Teens, Twens, Päärli, Singles. Nazioone: Schwyzer, Holländer, Schwoobe, Skandinavier und vor allem Brite! Es isch herrlig zoobe in e Stroosekaffi z hogge und dr "jeunesse" zuezluege wie si in Usgang gehn, vor allem d Ängländerinne wäärde iirem Ruef sich eenter gschmaggloos aazleege voll gerächt!

Wil's in Malia mee Ängländer als Schwoobe het und eerschteri in dr Reegel weniger Stutz hänn isch schyynts "s Lääbe" in Malia (sprich Food & Drinks) e weeneli gynschtiger als im eenter "schwoobe-versyychte" Chersonissos; sälber kaa ych das nit beurdaile, bi bis jetz numme z Malia gsii.

Und no e Kreta-Tipp: d Wanderig duur d Samaria-Schlucht (uff dr Süd-Syte vo dr Insle) isch dr Hammer! Me staartet uff ca. 1'200m und kunnt noch eppe 15km wandere am Meer uuse. An dr ängschte Stell isch die Schlucht numme drei Meter brait, und linggs und rächts hesch rund 200m hoochi Felswänd - e (zemindescht in Europa) ainzigaartigs Naturschauspiil!

Yamas!!

Fanti · Beitrag von **Fanti** » 20.04.2005, 13:39

No eppis: ych bi letscht Joor am eeschte Juli noch Malia in d Feerie - richtig, das isch dr Daag gsii vom Halbfinal GRE - TCH! Mir hänn dä Match in eme Baizli gluegt...ych waiss nimme wie ych an sällem eerschte Feerie-Oobe in s Näscht koo bi.

Und denn nadierlig am Sunntig druff dr Final - what a party...

baslerstab · Beitrag von **baslerstab** » 20.04.2005, 13:40

Fanti hat geschrieben:im neiere Dail rait sich Clöb an Clöb zem Abfyyre bis d Sunne wieder uffgoot!

........sektion asb lässt grüssen! ob sich ein jungspunt ab den "clöbs" erfreuen würde, würde ich stark anzweifeln!

Female-Supporter hat geschrieben:sorry, aber bis ganz hindere hani's die ganze 2 Wuche nie gschafft

do hesch aber eine vrpasst!!!! in dr zweitletschte bar uff dr lingge sitte het an dr bar.....oooppps - sorry.....female..!?!!
tsämme....

Fanti · Beitrag von **Fanti** » 20.04.2005, 13:54

[quote="baslerstab"]........sektion asb lässt grüssen! ob sich ein jungspunt ab den "clöbs" erfreuen würde, würde ich stark anzweifeln!
QUOTE]
Au myni Weenigkait wuurd vom Alter häär brobleemloos zer Seggzioon ASB basse...

Doorum ha ych die "Clöbs" au linggs liige losse und ha mer amme lieber in eme Irish Pub e baar Ales yyverlaibt - vor allem während d Familie am Läädele gsii isch. Slainthe!

Grga Mali · Beitrag von **Grga Mali** » 20.04.2005, 15:34

baslerstab hat geschrieben:chernissisos rockt (anno '99)! (disco-)barpromenade am strand plus noch einige grössere läden an der strasse oben. zum baden jedoch nicht geeignet. -->roller mieten, dann bist du in 10 minuten an einem wunderschönen sandstrand (malia).

Zum Bade isch Star Beach in Chersonissos beschte wo gits. Schön blaus Wasser, Poolbar etc...

http://www.starbeach.gr

Bild

zubine · Beitrag von **zubine** » 20.04.2005, 16:06

d'people in greece sind au huere easy! i be jetzt scho rächt oft dete gsi, es het mir jedefalls jedes mol gfalle! alli fründlich, schöni beaches, und vorallem guets ässe! i gang uf jede fall so oft wie möglich nach griecheland! esch gliich ob feschtland oder insle...

baslerstab · Beitrag von **baslerstab** » 20.04.2005, 16:15

Grga Mali hat geschrieben:Zum Bade isch Star Beach in Chersonissos beschte wo gits. Schön blaus Wasser, Poolbar etc...

chersoni wo?
liess emmol richtig, vo wellem ort ich gschriebe ha...........

(trotz signatur)

Grga Mali · Beitrag von **Grga Mali** » 20.04.2005, 16:19

baslerstab hat geschrieben:chersoni wo?
liess emmol richtig, vo wellem ort ich gschriebe ha........... (trotz signatur)

I ha no grätslet öb das dini Legasthenie isch oder doch e andere Ort....