I ha letscht wuche im Mister Minit im Stücki e Schlüssel nochmache loh... Leider het die erschti Version nid passt, also bini zrugg gange & ha reklamiert. Denn het dä Verkäufer (Wo im übrigen kei Dütsch ka, sondern nur Franzeesch
) gfunde är miessi dr schlüssel ischigge (Also nid s Original) und es wäri doch nid so schnäll gmacht. 2-3 Tag würdis go und es koschtet nomol 20 Eier meh... Na guet hani dänkt, i bruch dä schlüssel halt... Jetzt isch es eso, dass mir dä Vogel noni aglütte het und dä schlüssel demetsprächend worschins noni parat isch... I ha versuecht über d Homepage vom Stücki uf dere Nummere wo bim Mister Minit hinterlegt ist aazlütte, allerdings kunnt dört nur e Voicemail ohni aasag.. Im Telefonbuech findi zuedäm au kei Nummere vonere Zentrale oder ähnligem woni könnt alüte und vor allem au reklamiere, dass dä Vogel kei Dütsch ka imene Basler Iikaufszentrum... Ka mr do irgendöbber witerhälfe?
Danke & Gruess
