D Wulgge siibe

Schooffseggel · Beitrag von **Schooffseggel** » 05.11.2008, 12:02

Scho bim Namme u201EBarçelonau201C
Dien aim d Äugli glänzig wäärde
Denn Barça git zer Zyt dr Doon aa
Dasch s heggscht uff dääre Fuessballäärde

Drum fraisch di wie e glaine Gnopf
Syt Wuche scho uff das Speggdaakel
Hesch nyt me anders sunscht im Kopf
(Au trotz em null-fimf-Haimdebaakel)

Und denne ändlig kunnt dr Daag
Dr gross, fir unsre FCB
Dr Puls wird schnäller, Schlaag fir Schlaag
Sag Fuessballhäärz, was wottsch no mee?

Voller Voorfraid stiggsch in Flieger
Randvoll mit Lyt in blau und root
S het Turbulänze, Maagebieger
Doch merggsch es kuum, well s Häärz soo schloot

Kuum glandet, gseesch an jeedem Egge
FCB-Fans doo und deert
Iberall dien Basler stegge
Es wimmlet nur, s isch unerheert

Au im Camp Nou, Basler en masse
Dausigi sin hitte koo
Zem bi däm Match vou2019r Keenigsklass
Lutstargg hinter dr Mannschaft z stoo

D Stimmig goot duur Maargg und Bai
D Mannschaft wird noch voorne driibe
Kenntsch maine, MIR sin deert dehai
Und Barça sig s Away-Team bliibe

Zmittst im Blogg duen i jetz stoo
Wyt oobe, hoch im dritte Rang
Sing, was zem Hals mag uusekoo
Und wird e Dail vom Basler Gsang

Wo denn dä Ball im Netz yyschloot
Glyycht d Kuurve ere Eggsplosioon
Ekstaase pur in blau und root
Me fyylt sich uff em Fuessballthroon

Jä fir das Gfyyl git s kaini Woort
Das ka me sälber nur erlääbe
So eppis git s au nur im Sport
S losst di uff Wulgge siibe schwääbe

Rüggfluug - kai Sekunde Pfuus
Ab ins Byyroo u2013 s isch verbyy
Gsee kuum me zue de Auge uus
Und bi soooo stolz, e Basler z syy

(uss lutter euphorie iber die rais, dä match und die grandiosi stimmig, han i fir aimool mi poesie-boykott usser acht gloo)

Mayor · Beitrag von **Mayor** » 05.11.2008, 12:04

Danke...

GgK!

tanner · Beitrag von **tanner** » 05.11.2008, 12:07

super
das du no chasch dichte, i chammi chuum uff d'arbet konzentriere
muess jetzt denn hai go schloofe

São Paulino · Beitrag von **São Paulino** » 05.11.2008, 12:11

Tolle Sache!!
Rundet den Erfolg von gestern optimal ab.

PS: Bin nicht up-to-date - wieso Poesie-Boykott?

Kimfalee · Beitrag von **Kimfalee** » 05.11.2008, 12:27

Draumhaft..

Messi ;-)

Latteknaller · Beitrag von **Latteknaller** » 05.11.2008, 12:27

stärgger als dr fcb in barcelona! messi schoofseggel

z basel a mym ryy · Beitrag von **z basel a mym ryy** » 05.11.2008, 12:44

merci viel mal... deine verse sind einfach der hammer

super sach

Cuore Matto · Beitrag von **Cuore Matto** » 06.11.2008, 03:46

Bitte ändere Deinen User-Namen!

Ein Poet darf nicht Schooffseggel heissen...

darken · Beitrag von **darken** » 06.11.2008, 09:30

Wältklass

Cedi · Beitrag von **Cedi** » 06.11.2008, 10:34

fasch besser as im Huggel sini Schnitzelbängg

Mundharmonika · Beitrag von **Mundharmonika** » 06.11.2008, 23:35

zudem schliesse ich mir cuore mattos meinung an:

Cuore Matto hat geschrieben:Bitte ändere Deinen User-Namen!

Ein Poet darf nicht Schooffseggel heissen...

Schooffseggel · Beitrag von **Schooffseggel** » 08.11.2008, 12:34

denn halt nit!

i ha dänggt, i versuech s no emol und ka mit mym väärs viellicht e baar lyt e fraid mache, aber offebar gseet das d forumsschuggerey anderscht

schad, aber jä nu.
s isch eyres forum, admin und bulldog, und wenn dir mini väärs nit wänn, denn isch das eyres rächt.

nobilissa · Beitrag von **nobilissa** » 08.11.2008, 13:03

Es wäre ausserordentlich schade, wenn auch noch das letzte bisschen Poesie, Humor und Basler Spirit aus dem Forum verschwinden würde.

z basel a mym ryy · Beitrag von **z basel a mym ryy** » 08.11.2008, 13:12

verdammt nochmal...
deine verse haben wirklich was besseres verdient.
ich von meiner seite lese sie jedes mal sehr sehr gerne.
der tag ist mit so einem schönen versli schon mal halb gerettet...

verstehe das nicht. hier drin steht viel mehr mist geschrieben,der gelöscht werden könnte. aber lasst doch diese versli!

toaster · Beitrag von **toaster** » 08.11.2008, 13:16

Super värs! Ha se vermisst und erscht jetzt gseh, dass du dä jo am 5te s erscht mol postet hesch. Hanen denn aber überseh. Chapeau!!

stacheldraht · Beitrag von **stacheldraht** » 08.11.2008, 14:35

untersti das die hammervärs immer glöscht wärde!

suechet euch e anderi beschäftigung @ admins.. pff

seth · Beitrag von **seth** » 08.11.2008, 16:10

toaster hat geschrieben:Super värs! Ha se vermisst und erscht jetzt gseh, dass du dä jo am 5te s erscht mol postet hesch. Hanen denn aber überseh. Chapeau!!

dito!

ganz grosses messi an di, schoofseggel, dini värs beriere mi jedes mol wider

y ha nit mitkriegt was bzgl. löscherei passiert isch, aber froged euch doch emol, wieso so vill vo de guete schryber im forum färnblyybe...

Basileabueb94 · Beitrag von **Basileabueb94** » 08.11.2008, 21:02

seth hat geschrieben:dito!

ganz grosses messi an di, schoofseggel, dini värs beriere mi jedes mol wider

y ha nit mitkriegt was bzgl. löscherei passiert isch, aber froged euch doch emol, wieso so vill vo de guete schryber im forum färnblyybe...

word

Strizzi · Beitrag von **Strizzi** » 08.11.2008, 21:38

z basel a mym ryy hat geschrieben: verdammt nochmal...
deine verse haben wirklich was besseres verdient.
ich von meiner seite lese sie jedes mal sehr sehr gerne.
der tag ist mit so einem schönen versli schon mal halb gerettet...

verstehe das nicht. hier drin steht viel mehr mist geschrieben,der gelöscht werden könnte. aber lasst doch diese versli!

Kann mich hier nur anschliessen.

Die Verse des Schooffseggel sind etwas vom Besten, dass man in diesem Forum lesen kann. So viele Emotionen und Leidenschaft für "Rot und Blau"!!
Dazu excellent geschrieben und aus tiefster Seele.

DANKE

Schooffseggel · Beitrag von **Schooffseggel** » 08.11.2008, 22:58

danggerscheen vyylmool fir die uffstellende ruggmäldige

i mecht an dääre stell allerdings no festhalte, ass d admins nie e väärs vo mir glescht hän.

was allerdings immer glescht wird, sin die ganze ruggmäldige, kommentäär und reaggzioone vo de andere forumuser uff mini väärs.
und als väärslibrinzler bin aifach uff ruggmäldige aagwiise - egal eb positiv oder negativ. do das offebar nit gwintscht wird, kan i mini väärs halt au nimm do iine stelle.

tilly · Beitrag von **tilly** » 08.11.2008, 23:27

Gerettet!

Delgado · Beitrag von **Delgado** » 08.11.2008, 23:50

Schooffseggel hat geschrieben:danggerscheen vyylmool fir die uffstellende ruggmäldige

i mecht an dääre stell allerdings no festhalte, ass d admins nie e väärs vo mir glescht hän.

was allerdings immer glescht wird, sin die ganze ruggmäldige, kommentäär und reaggzioone vo de andere forumuser uff mini väärs.
und als väärslibrinzler bin aifach uff ruggmäldige aagwiise - egal eb positiv oder negativ. do das offebar nit gwintscht wird, kan i mini väärs halt au nimm do iine stelle.

Also Schooffseggel, dini Värs sind immer s absolut geilschte.

Wenn ich dich wär, würd ich mol and Veröffentlichung vo dine Värs dänke, so als "Der etwas andere Saisonrückblick".

toaster · Beitrag von **toaster** » 08.11.2008, 23:55

Delgado hat geschrieben:Also Schooffseggel, dini Värs sind immer s absolut geilschte.

Wenn ich dich wär, würd ich mol and Veröffentlichung vo dine Värs dänke, so als "Der etwas andere Saisonrückblick".

Glaub has scho mol gseit: Mit e paar tolle Fotene (schwarzwiss würd no geil übere ko) wärs e Verkaufsschlager (CMS hilft villicht

)

Mundharmonika · Beitrag von **Mundharmonika** » 09.11.2008, 01:50

Schooffseggel hat geschrieben:was allerdings immer glescht wird, sin die ganze ruggmäldige, kommentäär und reaggzioone vo de andere forumuser uff mini väärs.
und als väärslibrinzler bin aifach uff ruggmäldige aagwiise - egal eb positiv oder negativ. do das offebar nit gwintscht wird, kan i mini väärs halt au nimm do iine stelle.

d'admins bruuche halt offebar au ihri art vo beschtätigung, indäm sie ab und zue zeige, dass sie d'macht händ, z'lösche was sie wänd.

aber me tuet halt eher beleidigunge gäge ehemalige fcb-spieler toleriere oder e dutzend bilder vo hooligans mit bluetige chöpf oder x bilder mit pyro und derfür e danggscheen an di oder i mim fall e danggscheen in form vo emene bild lösche...

i verschtand, dass du nümm willsch dini värs do inne publiziere. merci nonemol für all dini poetische iilaage. isch öppis vom beschte gsi do inne im forum.