- dr capo het glaub nid sy traumdaag gha, im stil vo: "ou, ich weiss scho wieder nid, wasi söll singe?" isch überhaupt kei vorwurf, het schliesslich no gnueg anderi ume, wo ihn mit idee unterstütze chönne (und sotte).
- das huere-gerangel-umegeschupfe isch no nie mi fall gsi. stört mi aber im normalfall nid, solangs bi ei- oder zweimol blybe, nach dr 5. bierduschi hanis denn nüm esoooo luschtig gfunde...
- d'lieder hän absolut zum sch... tönt, jä hallo, vollsuff hii oder här, sin jo wirgglich nur die simpelschte sache gsunge worde, und die schaff ich eigentlich in jedem zuestand.
- s'u-bahn-lied hani vor joore nid chönne ha, find das absolut drnäbe, die lüt hän für mi eifach alli e zwärge-stumpfsinn-hirni. grosses lob an capo fürs duurekheie in däm momänt!
- jedes lied, wo aagstimmt worde isch, hets - im beschte fall - uff 2-3 durchgäng brocht - jä hallo, wär simmer denn??? und das nid bi dene, wo suscht im c hogge, sondern ebe im sogenannte "harte chärn"...
- dr schluss - absolut lächerlich. dr fcb gwünnt 5-2 und d'fans schaffes grad emol knapp, 5x in d'händ chlatsche und denn drvolaufe. findi truurig, friehner hätte d'fans no e viertelstund wytergsunge, nachdäm d'mannschaft scho lang unter dr duschi gstande isch.
- 1a: s'spontane fuessball-mätchli uff dr ussebahn. und notürlich d'pyro, wo ich halt immer no öpis vom schönschte amene match find...
so, jetzt bin ich gspannt, was ihr zu dere sach meined...
