FCB-Forum

es het vor kurzem öber e aktuells FCB-trikot ohni werbig gsuecht.
bim nochforsche in minere alte link-sammlig bi ich druff gstosse.
do bikunsch es und es koschtet nur 45 euro

das isch voll edel, gseht irgendwie geiler us so.

Dave bisch mi Held! Genau so hanis au gsuecht

Dave hat geschrieben:es het vor kurzem öber e aktuells FCB-trikot ohni werbig gsuecht.
bim nochforsche in minere alte link-sammlig bi ich druff gstosse.
do bikunsch es und es koschtet nur 45 euro

E Hammer Tipp! Messi vielmol, muessi grad bschtelle, obwohl ych gar nid dra intressiert gsi bi eis z'kaufe, aber das Teil isch voll tragbar!

mache mir e Sammelbstellig? Ab 150 Euros isch es vrsandkostefrei und es hän scho e paar gschraue, dass sie so eins wän. Also, wär isch alles drbi?

wo isch de staern ufem shirt ?
da isch sicher gfaked ?

BadBlueBoy hat geschrieben:wo isch de staern ufem shirt ?
da isch sicher gfaked ?

Du seisch....

Ich bi dä gsi, wo sone Trikot gsuecht het. Jetzt hanis gfunde, dangg dim Tipp. Statt emene Hammer-Transfer hesch uns e Hammer-Tipp gä.

Messi viilmool. Ich bschtell so ains.

Sammelbeschtellig? Ich wär derbi.

ALSO, ich würd au so e trikot näh, grössi für mi nadierlig XXL

wer nimmt die sach in d'hand?

pro Sammelbschtellig => 1 x XL für mi

Dave hat geschrieben:ALSO, ich würd au so e trikot näh, grössi für mi nadierlig XXL

wer nimmt die sach in d'hand?

D'Froog blibt, ob's Trikot e Schtärn druff het oder nit. Falls nai, denn wurdi zerscht e Typ im Schtadion, wo sone blutts Libli MIT Schtärn drait, frooge, vo won ärs het, und erscht denn und bi Ussbruch vo halluzionöser Verzwiflig ains ohne Schtärn ("den halt!") bschtelle: Lieber ohni Wärbig und halt au ohni Schtärn, als "mit allem".

Worum kunnt mir bi "mit allem" dr Murat in Sinn?

oldbalu hat geschrieben:pro Sammelbschtellig => 1 x XL für mi

sin numme "Grössen: S + L + XXL" erhältlig ...


apropos dress ... ab hytt sin im fanshop die neye lybli dusse ...

Uff der gliiche Homepeitsch gits no ains mit schlichter Novartis Wärbig, derfür MIT Schtärn. War au no e Kompromiss.....

http://www.teamsport-schlaefer.de/index ... uct=118812

[quote="bulldogu2122"]apropos dress ... ab hytt sin im fanshop die neye lybli dusse ... ]
Blöde Frage (hab nix mitbekommen): Was ist anders als in der Vorsaison?

BluePower hat geschrieben:Uff der gliiche Homepeitsch gits no ains mit schlichter Novartis Wärbig, derfür MIT Schtärn. War au no e Kompromiss.....

http://www.teamsport-schlaefer.de/index ... uct=118812

Aber genau eso kriegsch es jo im Fanshop...

Spirit of St. Jakob hat geschrieben:Aber genau eso kriegsch es jo im Fanshop...

Nai, Saich: Im Fänshop hets no das VW Zaiche druff. Bikunnsch nit ewäg.

Also, ich ha d'Löössig:

Ich ha bi däre Firma aglütte:

Es git nur entäder mit NOVARTIS und mit Schtärn oder ohni NOVARTIS und denn au ohni dr Schtärn. Will: Die Firma muess bi Nike die Libli scho ai Johr vorhär beschtelle. Im 2003 hän si wärbeloosi Libli bschtellt und im Frielig 2004 die denn au gliferet biko, also no ohni Schtärn. Die Libli laufe agäblig zimmli schlächt, so dass sie jetzt nit nur e Rabatt uff däne ohni Wärbig gän, sondern au kaini wärbeloosi Libli me bi Nike bschtelle, also kaini wärbeloosi MIT Schtärn wärde biko.

Dr Typ isch super nätt gsi (Delifon 0049-7633 94 88 14).

I bschtell jetzt ains ohni Schtärn und ohne Wärbig. Isch eggstrem zytloos.

Übrigens: Grössi "L" sig gnueg gross ("De Laible sin ganz guut gschniddee."), het är gsait.

Messi Dave, nomolle.

BluePower hat geschrieben:Nai, Saich: Im Fänshop hets no das VW Zaiche druff. Bikunnsch nit ewäg.

Das woni letschti Saison kauft ha, het kei VW-Logo druf, nur Novartis. Uf em schwarze Lybli gsehts no Edel us, ohni Brust-Wärbig findis fascht echli langwilig. Allerdings sag i das nume, solangs so ne schön diskreti Wärbig wie bi uns isch. Irgend sone "Gate24"-Kläber oder ä überdimensionierte "Siemens"-Ufrduck muess i denn scho nid druf ha.

Die Firma hat übrigens auch geile Retro-Shirts im Angebot. Empfehlenswert, hat damals bei mir gut geklappt.

ich pfeiff auf den stern! In 10 Jahren haben wir eh nen zweiten

dä stärn isch sowieso hässlig und voll billig gmacht!!!

maradoo hat geschrieben:dä stärn isch sowieso hässlig und voll billig gmacht!!!

I sags nomolle: I bschtell jetzt ains ohni Schtärn und ohne Wärbig. Isch eggstrem zytloos.

wäri au deby, nur wötti e M, miessti jetzt do e S neh oder isch das widerum z klei? fragen über fragen, also so wie mitm tschinggeshirt hutäng laufi nid ume

gset viel schöner us ohni werbig find ich eifach numme edel

BadBlueBoy hat geschrieben:wo isch de staern ufem shirt ?
da isch sicher gfaked ?

Chasch es beflocke lo (will garnid wüsse was do gmacht wird)

Text:
Wir beflocken Ihnen jedes Trikot nach Ihren Wünschen mit Spielernamen oder Eigennamen und Ziffern.

Aber so eins ohni die beckackti Wärbig isch scho edel.

Bellamy hat geschrieben:gset viel schöner us ohni werbig find ich eifach numme edel

I finds öbbis vom Edelschte wos als Fänartikel git:

Blutt, kommerz- und zytloos und aifach FCB pur.

Bellamy hat geschrieben:gset viel schöner us ohni werbig find ich eifach numme edel

absolut genial, gits scho en sammelbstellig? würd mi sunscht mit em ne L aschliesse.

Y nimm a, uf dr Rucksytte hetts au dä gääli Balcke (Schulterhöchi) obe, oder??
Schad, aber y wurd trotzdäm au eins bschtelle!

1 x L

So, do chöme doch no e paar zämme wo so eins wän. Ich ha jetzt emol e Zämmestellig gmacht wär binere Sammelbstellig drbi wär. D Froog isch eifach wäg em Bstelle: Ich ha sälber kei Kreditkarte und die hätte gärn dass mä drmit zahlt. Oder sie schicke im vorruss e Rächnig, dass chönt ich denn scho mache wenn ich vo allne vorhär s Gäld hätti. E arme Studänt wien ich cha nid für alli vorstrecke.

Do emol no alli zämme:
Alhoil L
BluePower Grössi?
Dave XXL
OldBalu Grössi?
Örjan Berg L
Specht L
Schranz? Grössi?

Ich würd au eins näh, grössi L.