FCB-Forum

No de Ferie voll Idylle,
dyen mi do grad d'Headlines kille,
fertig Alpe-Panorama,
do herrscht s iblig Transfer-Drama.
's Summer- Karma vo'r Stadt Basel,
isch e miehsam's I-Net- Gfasel,
do e-n- Änte, deert e Grychtli,
guet verpaggt in wirri Gschichtli.
D'Sumerpause, dye isch kaini,
nidd emoll e klitzeglaini,
denn in däre "ruige" Zytt,
gytt's do z' Basel fascht nur Strytt.
Ain do jetzt, ganz ungeniert,
mit de Kölner kokettiert,
isch ganz schnäll au mit 'ne ainig,
wärte Muri, das wird stainig,
denn so schnäll wye bim verhandle,
duesch nimm ib're Platz als wandle,
Hättsch bim schutte sovyyl Kondition,
grieggtisch jo au do mehr Lohn.
Biss di duure, denn wird gscheeh,
was dr winschisch als wye meh,
e Vertrag grad bis zer Ränte,
und das, mi lyebe Muri, isch kai Änte!


Nämmlig!

1A, Bravo!!!

digg gsi Zubi

[quote="teutone"]digg gsi Zubi ]


Danggscheen Massimo

adsge for president!

Ai mol me e diggs Lob! Schad verstoht dr Muri kai Baseldütsch

E Wälle für dr adsge!



Wie immer sensationell!!!

*BEBBI*4ever!!! hat geschrieben:E Wälle für dr adsge!



Wie immer sensationell!!!

däm kanni mi nur aaschliesse!!

gepflegt wie immer

schöner reim, aber es ist wie mit einer schönen frau:
man hat sie nicht für sich allein.

[quote="tilly"]schöner reim, aber es ist wie mit einer schönen frau:
man hat sie nicht für sich allein. ]



Aber so-ne Värs koscht nur Zytt und Konzentration, was me vonere scheene Frau nidd unbedingt ka behaupte.....

adsge hat geschrieben:Aber so-ne Värs koscht nur Zytt und Konzentration, was me vonere scheene Frau nidd unbedingt ka behaupte.....

genau, diä choschtet no Närve, Stutz und viel Hoor bzw lost diä wo meh hett grau wärde

usser abr sie isch nid diä eige Partnerin denn ischs wiä ä Liverpool-Match

adsge hat geschrieben:No de Ferie voll Idylle,
dyen mi do grad d'Headlines kille,
fertig Alpe-Panorama,
do herrscht s iblig Transfer-Drama.
's Summer- Karma vo'r Stadt Basel,
isch e miehsam's I-Net- Gfasel,
do e-n- Änte, deert e Grychtli,
guet verpaggt in wirri Gschichtli.
D'Sumerpause, dye isch kaini,
nidd emoll e klitzeglaini,
denn in däre "ruige" Zytt,
gytt's do z' Basel fascht nur Strytt.
Ain do jetzt, ganz ungeniert,
mit de Kölner kokettiert,
isch ganz schnäll au mit 'ne ainig,
wärte Muri, das wird stainig,
denn so schnäll wye bim verhandle,
duesch nimm ib're Platz als wandle,
Hättsch bim schutte sovyyl Kondition,
grieggtisch jo au do mehr Lohn.
Biss di duure, denn wird gscheeh,
was dr winschisch als wye meh,
e Vertrag grad bis zer Ränte,
und das, mi lyebe Muri, isch kai Änte!


Nämmlig!

laider isch es wirgligg soo
wie du's ys hesch beschriibe doo
statt fuessball, goal und emotioon
zellt laider wieder nur dr loon
doch isch me mee verletzt als gsund
und s lauft nur uff em golfplatz rund
denn sott me nimme d gaischter spalte
sondern aifach d schnuure halte
me zaigt, anstatt me dumme latz
zerscht gschiider laischtig uff em platz
stimmt dr yysatz denn fir jeede
ka me wieder afo reede
doch muri, kasch in d schue ys bloose
wenn d nit wottsch uff e adsge loose!

und dir adsge mecht i doo no saage
i verstand dis lutte klaage
s isch alles andere als glatt
wenn d haime kunnsch in unseri stadt
uss dine ferie, gsund und froo
und denne wirsch begriesst esoo
vo eländem transfergeschneere
wo niemerts wirgligg me will gheere
dasch doch aifach nur no gsteert
drum mach ich s jetz umgekeert
i fahr fir guet zää dääg uff rom
wyt wäg vo muri und kölner dom
zwar dien scho fascht trääne fliesse
dr saisonstart verpasse z miesse
bi denn geg' ziiri wieder derbyy
dehaim in basel an mym rhy
i hoff dr saisonstart duet glinge
und d mk voller fraid wird singe
und ass dir dert säggs pinggt mitnämme
scheeni ferie, sali zämme

adsge hat geschrieben:Aber so-ne Värs koscht nur Zytt und Konzentration, was me vonere scheene Frau nidd unbedingt ka behaupte.....

äähm,

mit der schönen frau hab ich unsern club (einschliesslich Muri) gemeint!

tilly hat geschrieben:äähm,

mit der schönen frau hab ich unsern club (einschliesslich Muri) gemeint!

Mi Antwort trifft au deerte zue! Dr FCB verlanggt aim no vyyl mehr ab als e scheeni Frau!

@ schoofseggl,
gute idee mit rom.
viel spass und abwechslung!

tilly hat geschrieben:@ schoofseggl,
gute idee mit rom.
viel spass und abwechslung!

merci
dir au e scheeni zyt!

Au vo minere Wenigkaitt:


Scheeni Ferie in dr ewige Stadt! Kumm gsund und voller Värsdrang haim!

adsge hat geschrieben:Au vo minere Wenigkaitt:


Scheeni Ferie in dr ewige Stadt! Kumm gsund und voller Värsdrang haim!

danggerscheen, wird i mache
duesch unterdesse doo mit em tilly zämme d stellig halte, gäll

Manschmaal isses wie e Wundr,
wie griggd mr alls im Leebm unndr:
scheene Fraun, eFFCeeBee,
Kolleegn und Famiiliee,
zwischndursch dann noch paar Bier,
Gedischde schreim im Forum hier.

Sammsdaach aamd neundzeenuhrdraissisch
geeng Schaffhausn, ja da froids misch.
Klöbbfer, Bier, Ziigareddn-Duffd,
das iss ääschde Joggeli-Luffd,
die isch haabe lang vrmissd,
vrgessn ooch dr Drannsfeer-Missd!

tilly hat geschrieben:Manschmaal isses wie e Wundr,
wie griggd mr alls im Leebm unndr:
scheene Fraun, eFFCeeBee,
Kolleegn und Famiiliee,
zwischndursch dann noch paar Bier,
Gedischde schreim im Forum hier.

Sammsdaach aamd neundzeenuhrdraissisch
geeng Schaffhausn, ja da froids misch.
Klöbbfer, Bier, Ziigareddn-Duffd,
das iss ääschde Joggeli-Luffd,
die isch haabe lang vrmissd,
vrgessn ooch dr Drannsfeer-Missd!

dasch e ächte värs zem gniesse
duet aim dr oobe grad versiesse!
wintsch dir e guete saisonstart
uff neii, scheeni värsli wart-
und frai i mi scho wie veruggt
wenn si denn hesch ins forum druggt
uff die nei saison voll poesie
yber dr club am gnei vom rhy

Domingo hat geschrieben:genau, diä choschtet no Närve, Stutz und viel Hoor bzw lost diä wo meh hett grau wärde

usser abr sie isch nid diä eige Partnerin denn ischs wiä ä Liverpool-Match

a night to remember iss e guudes alibi!
(scheisse, dassisch das nisch raimd!)

@ tilly und adsge

so, mi ferierais isch scho verby
bi nimm in rom, bi zrugg am rhy
dr ruggbligg wo däm trip, däm wyte
zaigt mir jetze doch zwai syte
d stadt isch scho scheen und het mer gfalle
(s isch nit nur bärn oder sanggt galle!)
e feriewoonig mega gross
nur laider diräggt an're strooss
nur pfuuse het me fascht nit kenne
uff däm, wo die matratze nenne!
s wätter haiss, s het gar nie pisst
doch han i's forum halt vermisst!
dr ergic, wo si goal duet schiesse
per sms verfolge z miesse
het mir dert au fascht s härz verisse
sogar dr thun match (soo verschisse!!!)
s ainzig fuessball'risch dert fir mi
isch benfica-chelsea gsi
im irish pub, grad um en egge
mit me pint, wo fein duet schmegge
wieder dehaim, do bin i froh
morn wied'r mol uff d schütze z goo
zem mir die ferie bitz z versiesse
und s testspiel gege freiburg gniesse
am samstig uff dr gliggswälle serfe
und ändlig zrugg in tämpel z derfe!