FCB-Forum

Mi intressiert wo ihr gsässe sind im alte Joggeli und wo ihr jetzt sitzed?
I ha verschiedeni Zeite kha am mim erste Matsch bi ich mitem Vater mit uf Gellertseite öppe ganz in der nöchi wo der Alban immer ufs Gitter kletteret isch?
Spöter bi ich in der MK gsi die isch aber in de 80er Johr und no ganz anderst organisiert gsi. Im 81 isch der FCB in Ziri Meister worde i glaub nümm viel möge sich an die Zeit erinnere mitem Markus Tanner, Otto Demarmels, Arthur von Wartburg,Goali Hans Küng usw.. Das isch no die Zeit gsi wo der D.Schaub am Eingang gstande isch und gmeint het, Sali bisch au do, so quasi i weiss dass Du do bisch machsch aber kei seich
I ha au mini Bahndammzeite kha isch super gsi immer die gliche Leut sind a jedem Matsch zämme gsesse, und händ sich zämme ufgregt und gfreut. Die alti Frau wo mit de Bier und Bretzel umeglofe isch vermiss i gits di no?
Im neue St.Jakobpark sitz ich uf der Hauptribüne es isch nümm so persönlig und herzlich wie frühner, me grüsst sich nit emol me?

Jo das sind Zeite gsi mi wehmut denk i dra wenn i mit jetzt verglich

In meinen Anfangsfanzeiten stand ich im alten Joggeli oft im Bahndamm. Nun MK D4R8.

Zerscht unter em Totomat, schpoeter denn MK und die letschte paar Joor im alte Joggeli MK-Siite Bahndamm Hoechi Schtroofruum.

Bodesurri hat geschrieben: Die alti Frau wo mit de Bier und Bretzel umeglofe isch vermiss i gits di no?
Im neue St.Jakobpark sitz ich uf der Hauptribüne es isch nümm so persönlig und herzlich wie frühner, me grüsst sich nit emol me?

Jo das sind Zeite gsi mi wehmut denk i dra wenn i mit jetzt verglich

Sorry, den sitzisch du am falsche Ort! Im D (obe, aber unde sicher au) kennt me sich immer wie meh, me griesst gärn und e Brätzel- und Bierverkäufer gits au. Ha gar nid gwüsst dass es im A eso bider zuegoht.

Die ersten Male (so um 1996) als man mich mitnahm war ich immer auf dem Bahndamm, im neuen Joggeli natürlich in der MK.

Bodesurri hat geschrieben:Im neue St.Jakobpark sitz ich uf der Hauptribüne es isch nümm so persönlig und herzlich wie frühner, me grüsst sich nit emol me?

Also im A5 grüesst me sich jedes moll, seit sich automatisch Du und hett dr Plausch! Numme vo aktivem Support isch halt kei Red aber das muess me dört jo au nid erwarte, das isch au uff dr alte Tribüni so gsii.

]Bitte beachte![/URL]

Von anfang an stand ich in der MK.
War einmal auf der Trübine...beim Spiel FCB-Servette (das unglaubliche Spiel, als Basel 0:3 hinten lag- und dann Strack für Basel 3(?) x traf).

alts joggeli ab und zue bim totomat
schütze oft haupttribüni (grastis) old boys allez!
neus joggeli immer MK

[quote="brewz_bana"]
schütze oft haupttribüni (grastis) old boys allez! ]

Schuetze bini au fascht immer gratis uff der Haupttribuene ghoegglet (Novartis allez! i mim Fall )

Hab hier mal meine "Aufenthaltskarte" vom alten
Joggeli. Jeder Punkt entspricht einem Spiel.

An der Karte des neuen Joggelis bastle ich noch

ps: war für 3 spiele balljunge

ps2: ja, ich hab ein sehr, sehr gutes gedächnis

;-)

Celtic Basel hat geschrieben:Schuetze bini au fascht immer gratis uff der Haupttribuene ghoegglet (Novartis allez! i mim Fall )

Und wo jetzt, villicht sogar inkl. "Novartis allez"?

[quote="04051994"]Hab hier mal meine "Aufenthaltskarte" vom alten
Joggeli. Jeder Punkt entspricht einem Spiel.

An der Karte des neuen Joggelis bastle ich noch

ps: war für 3 spiele balljunge

]

Geil!

Wenn ych die glichi Grafik würd mache, den gäb's meischtens nur blaui Pünkt oder grieni, wägem Bier und em Kiffe vo anno dazumal!

[quote="04051994"]Hab hier mal meine "Aufenthaltskarte" vom alten
Joggeli. Jeder Punkt entspricht einem Spiel.

An der Karte des neuen Joggelis bastle ich noch

ps: war für 3 spiele balljunge

ps2: ja, ich hab ein sehr, sehr gutes gedächnis

]
Ab und zu isches vorcho das si bi gwüsse Mätsch bim Banhdamm obe zu gmacht händ weiss aber nuemmi wieso?
Aussicht vo ganz obe vom Bahndamm isch genial gsi, i cha das jetzt nach langer Zeit sage i weiss e Weg wie Du Gratis hesch chönne der Matsch verfolge

el presidente hat geschrieben:Und wo jetzt, villicht sogar inkl. "Novartis allez"?

Fratton end, William Hill allez!

Mi Saisonabi im Joggeli D7 oobe, hani mim Bappe vermacht.

@04051994

wow ,du warst sogar auf dem dach! respekt

Mis erschte Spiel im alte Joggeli, isch uf dr Haupttribune gsi! Wägem Migros-Gratisitritt denzumol . Derno bin ig scho ir MK gstande. Im neue Joggeli bin ig die erschti Saison im D6 Balkon gsässe. U jetze stand ig wieder ir MK D4 Reihe 8!

Die Punkte würden ungefähr meiner Laufzeit in 90min zeigen.

Hobbes hat geschrieben:@04051994

wow ,du warst sogar auf dem dach! respekt

Wie gesagt, ich war Balljunge. An dem Tag musste ich
Marco Walkers Ball holen ;-)

[quote="04051994"]Wie gesagt, ich war Balljunge. An dem Tag musste ich
Marco Walkers Ball holen ]
He dä Ball isch weit übers Dach unaufindbar

Bodesurri hat geschrieben:He dä Ball isch weit übers Dach unaufindbar

Hab ja nicht gesagt, ich hätte ihn gefunden...

04051994 hat geschrieben:Hab ja nicht gesagt, ich hätte ihn gefunden...

aber irgend e Goof wird ihn am andere Tag sicher gfunde ha
Söll der sage wo viel Bäll findsch, hinde bi de St.Jakob Anlage bim Gebüsch bim Restaurant/Basketballplätz

gerüchteweise wurde er im im joggeli-schwimmbad gefunden

ich bi im alte joggeli z'letscht bim totomat GSCHTANDE (positioniert gsi)....
rasch bim bier und so. ;-)
und vorhäär amigs in dr kurve aber me het jo damals au no bewegigsfreyheit gnosse *gg*

[quote="04051994"]Wie gesagt, ich war Balljunge. An dem Tag musste ich
Marco Walkers Ball holen ]

Pech, war das einzige mal das ich einen Ball auf das Tribünendach habe fliegen sehen! Im neuen Joggeli hat auch noch keiner geschafft....währ doch was für Benni

Bodesurri hat geschrieben:He dä Ball isch weit übers Dach unaufindbar

Unuffindbar? Also däm woner agäblich in d Windschutzschiibe donneret sigi, dä empfindet das nid eso... (Wie immer ohni Pistole oder so )

1969 bis 1976 immer in der mk gsesse und kein match usgloh !

jetzt im b !

schnauz hat geschrieben:1969 bis 1976 immer in der mk gsesse und kein match usgloh !

jetzt im b !

werum e lucke nach 1976?

Joggeli "alt": Bahndamm-"Balkon"
Joggeli "neu": D-Balkon

Wer findet den Thread mit den Bildern des alten Joggelis?

Joggeli "alt": Bahndamm-"Balkon"
Joggeli "neu": D-Balkon

Wer findet den Thread mit den alten Joggeli-Bildern?

Bodesurri hat geschrieben:werum e lucke nach 1976?

ab und an gibts wichtigeres als fussball.

die zeit vergeht die liebe bleibt !