FCB-Forum

Sodeli Ihr linke und Griene ( ):

Wär hett mr e Idee für e Velotürli do in de Region wo total öbbe 2-3 Stund goht?

E schöni, Verkehrsarmi Route wär vo Vorteil (und natürlig au nüd aasträngends!)

Messi schomol...

viel spass!

Mayor hat geschrieben:Sodeli Ihr linke und Griene ( ):

Wär hett mr e Idee für e Velotürli do in de Region wo total öbbe 2-3 Stund goht?

E schöni, Verkehrsarmi Route wär vo Vorteil (und natürlig au nüd aasträngends!)

Messi schomol...

Bi weder links no grien aber allewyl schön isch es ins Elsass e fährtli go z mache. z. B. uf Ferret oder au nach Pruntrut übers Elsass

Hörbuch: Nettelis Velotour - Geschrieben von Ruth Güdel-Tschannen.
Erhältlich in der Buchhandlung Jäggi für CHF 15.50
Spass uffs Velo ( ).
Vom Bruederholz via Predigerhof,hindeabe uff Rinach und denn via Bottmige wieder zrugg ufs Bruederholz.Isch allerdings zum teil reht steil.
oder no besser s Leimetal hindere. Oberwil - Biel-Benke - Bättwil etc.goht alles mehr oder weniger gradus,muesch also nid z viel höhemeter hinter di bringe

Dem alten Rhein entlang....

nid asträngend und schön: Elsass
e bizz asträngender und schön: Südbaden, Region Schopfheim / Rheinfelden/D
viel schöner, aber einiges asträngender: Oberbaselbiet
nid asträngend und wüescht: Unterbaselbiet

Du findsch d Schwizerhalle, Brattele etc. wiescht?

Sänz hat geschrieben:Du findsch d Schwizerhalle, Brattele etc. wiescht?

bezüglich Verkehr und Siedligsdichte isch unterhalb vo dr Hülfte nüd zwelle. Es git (praktisch) kei aständigi Veloroute, wo de für es paar km in dr Natur bisch und/oder uff verkehrsarme Wäg (wo kei Umwäg sin und wo au nid ständig kei Vortritt hesch)

De chasch in d Hügel, dört isch besser - aber halt au asträngender.

Und jo, ich find dr Späckgürtel rund um Basel wiescht. Usnahme: Basel Zentrum, Dorfkern vo Muttenz, Prattele, Allschwil, Arlese - aber ebbe jewils nur dr Dorfkärn (z.T. wenigi Hüser). Dr Räscht isch e gruusige Siedligsbrei, v.a. Rynach, Münchestai, Binnige, Bottmige, Oberwil sin do gueti Bispil.
Zum Velofahre schön ischs erscht wieder im Usland, oder denn aber im Oberbaselbiet, Dorneck, Thierstein, Laufetal und s Gebiet um Biel-Bänke.

Rankhof hat geschrieben:bezüglich Verkehr und Siedligsdichte isch unterhalb vo dr Hülfte nüd zwelle. Es git (praktisch) kei aständigi Veloroute, wo de für es paar km in dr Natur bisch und/oder uff verkehrsarme Wäg (wo kei Umwäg sin und wo au nid ständig kei Vortritt hesch)

De chasch in d Hügel, dört isch besser - aber halt au asträngender.

Und jo, ich find dr Späckgürtel rund um Basel wiescht. Usnahme: Basel Zentrum, Dorfkern vo Muttenz, Prattele, Allschwil, Arlese - aber ebbe jewils nur dr Dorfkärn (z.T. wenigi Hüser). Dr Räscht isch e gruusige Siedligsbrei, v.a. Rynach, Münchestai, Binnige, Bottmige, Oberwil sin do gueti Bispil.
Zum Velofahre schön ischs erscht wieder im Usland, oder denn aber im Oberbaselbiet, Dorneck, Thierstein, Laufetal und s Gebiet um Biel-Bänke.

Klar finds dänk au wiescht. Rynach isch d Härti. I schaff in dämm Kaff nix Dorfkern absolut steril das Teil do isch Muttenz scho viel schöner

kasch uff efringen- kirchen in baselblick! schöni usssicht und guete food!

Baselblick

Messi für die verschiedene Idee! Am alte Rhy entlang ha-n-y au scho dänkt.

Y wird das ganzi emol usswärte und denne entscheide...

basel - Laufen - Röschenz - Lucelle - Pruntrut - St. Ursanne - Le Bemont (Etang de la Gruyere..)- Les Bois - Lac des Taillers...

es hett fascht überall gueti Gartebeize, super Landschaft, früschi Luft und Bahnhöf...


und wenn de scho dört bisch, ziesch grad abe richtig Gänf...

Autobahn!!!!