FCB-Forum

Aloha alli zämme!

Kurzi Frog: I ha hüt e kurzfrischtigs, nid in dr Dienstvorazeig akündigts, Uffgebott vom Zivilschutz griegt. Für in 4 Wuche, nume ei Tag. Es handlet sich drbi um e grössere Jubiläumsaloss in dere Gmeind woni Dienst leischt. I ha vorhär kei Info gha, dasi ufbotte wird.

Jetzt isch aber dr Punggt dä: I bi denn in de Ferie. Flüg buecht, Hotel buecht, Hütte buecht, Chare buecht. I find das e verdammti Zuemuetig ohni di kleinschti Akündigung so kurzfrischtig e Uffgebott uszspräche. I meinti eigentlich au, Marschbefähl sige 6 Wuche im Vorus z versände, i has aber im Internet nid gfunde.

Zwei Froge: 1. Erfahreni Zivis: Wie stöhn mini Chance, dasi vo däm befreit wird? I ha drum s Gfühl, sone Feschtaloss isch drum no beliebt zum dr Wehrpflichtsersatz e kli abezdrugge, ergo: die finde glaub scho Ersatz.

2. Was blieht mr, weni nid gang? I ha bi normale ZSO-Kürs scho erläbt, dassme sich schriftlich fürs Versüüme het miesse entschuldige und guet isch. Aber wie wärs offiziell?

Danke für Rotschleeg!

Chunnt chli aa, in welere Gmeind dass de wohnsch. Normalerwiis längt e Brief mit eme Gsuech um Dispensation und guet isch. Evtl. nid unbedingt schriibe wäge "absoluti Frächheit" usw. das chunnt sicher nid so guet aa. Eifach sachlich d'Situation schildere. Ich ha no nie e Dienst versäumt, weiss aber, dass etlichi amme nid ufftauche. Dä mit Gäldstroof chönne sie zwar usspräche, es bliibt aber bim erste Mol sicher binere Ermahnig (so isch's in BS jedefalls immer gsi)

absolut kei problem (BL), hän mi au ufbotte für ändi juli aber ha ferie etc scho lang buecht gha. schrieb dene eifach zrugg, evtl. no e kopie vom flug oder so und guet isch...

Messi Herrschafte, das macht mer Muet. In däm Fall nimi das morn in Agriff. Natüerlich ganz heeflig