FCB-Forum

Noch Halbzytt ains, do ha mi gfroggt,
will das Score mi so hett gschoggt,
isch's das gsi, wänn ihr nidd fighte,
um uns allne Fraid z beraitte.

Doch noch dr Pause, s isch so gail,
versuecht im Agriff me denn sy hail,
s sin zwor immer no dye elf glyche,
wo jetzt fighte, nimme schlyche.

Drizäh Minutte fyr vier Depf,
me hett Neegel gmacht mit Kepf,
"Gring ache u de Seckle",
fertig isch es mit sich versteggle.

Merci Jungs in Rot und Blau,
s hett mi gfrait wye d Sau,
eyer Fyyr isch nidd erlosche,
mäng ain hett sich bitzli dosche.

Ihr händ my Weekend grettet,
händ mini Seele bettet,
uff me Küssi Rot und Blau,
dank dere Galaschau!

Merci

Atzge, uff e Punggt hesch's brocht
Zer Pause hänn mer alli kocht
Vor Ärger yber unsri Truppe
Wo duet als Deppe sich entpuppe

Doch mee no het mi sälber meege
Was botte hänn die Fan-Kolleege
Im Sektor C am Bahndamm ääne
Derzue erlaub ych mir z erwähne:

Verdelli, ych kaa's nit begryffe
Wie kaa me so respäggtloos pfyffe
Besser fänd ych's naimeduure
Hogget aifach nur uff d Schnuure
Git's vyyl Fruscht und kaini Gool
Mergget Eych fir s näggschte Mool:
Isch d Laischtig au no soo fataal
E Pfyffkonzärt isch s falsch Signaal!

Au no derb han-ych hitt gfunde,
deerte im St.Jakob unde,
in däm C stooht me nur uff,
wenn ain stirbt, das macht muff!

Nit so sträng, mi liebe Frind
S Nit-Uffstoo het syni Grind:
D Sitzverängig duet si hemme
Si blyybe nämlig amme glemme...

fanti, adsge:

Hobbes hat geschrieben:fanti, adsge:

Battle rulez...! ! !

Dye deert äne, willsch mi schogge,
dyen uff z'änge Sitzli hogge,
doch wenn d so loosisch, s'isch nidd cool,
mainsch dye hogge uff em Muul!

D Bulle gheersch als s Lied aastimme:
"Hools Kat. C, das sinn die Schlimme!"
Im Stadion isch fir mi Kat. C:
E Bahndamm-Modefan persee.

Linggs e Pizza, rächt's e Bier,
dye bruuchte Händ grad dere vier,
um no z klatsche wye im D,
das sin armi, wye d kasch gseh,
noch em ässe, z'erscht e Zigi,
dye denn jo dye beschti sigi,
noch dr Zigi, folgt denn s Handy,
um no z phone mit dr Sandy,
wye de seehsch, dye hänn e Stress,
Bahndamm C, what a mess!

So geil!!!
Chömmet, wiiter mache...

Madlox hat geschrieben:So geil!!!
Chömmet...

Chömmet? Bist du ein Zürcher?

he? wieso söttr ä zürcher si?

Dr Madlox findet, jo das wär's
Allibott e neie Väärs
Mach'mer wyter drum im Täggscht
Do isch jetze drum dr näggscht:

Jo kai Gschrei und kai Geklatsch
So gniess ych e Basel-Match
Numme wenn mir alli pfyffe
Grieg ych amme 'bitz e Styffe
Wo hogg ych ächt, es isch dr Hit
A und B und D isch's nit...

LCD99 hat geschrieben:he? wieso söttr ä zürcher si?

Wahrscheinlich bist du noch grün hinter den Ohren, nicht?

Fanti hat geschrieben: Jo kai Gschrei und kai Geklatsch
So gniess ych e Basel-Match
Numme wenn mir alli pfyffe
Grieg ych amme 'bitz e Styffe
Wo hogg ych ächt, es isch dr Hit
A und B und D isch's nit...

ah so.. hani nit gwüsst

chömmet seit me au im baselland...

amfall..

ich diskutier jetzt do nit witr wills definitv unnötig isch

schöneee

LCD99 hat geschrieben:ah so.. hani nit gwüsst

chömmet seit me au im baselland...

amfall..

ich diskutier jetzt do nit witr wills definitv unnötig isch

schöneee

Guete Nacht! Ist es noch weit bis "Hingefüüre"?

dr fcb hett gwunnä...

S'isch ermiedend, macht kai Spass,
s'isch scho fascht wie uff dr Gass,
im ne Thread wo Värs regyere,
muess ain sofort Stress uffyehre,
wäg Dialäggt wo är nidd kennt,
är e and're Zircher nennt,
Grga Pitic, loss dr saage,
es isch schwer di do z' ertrage,
ohni di isch luscht'ger gsi,
du machsch d'Värsluscht mir grad hi.


und wech

E Ufsteller am morge früeh (mol vo de nid-Värs-Kommentär abgseh)

Danke ihr zwei

geil absolut geil, merci Fanti und Atzge

LCD99 hat geschrieben:ah so.. hani nit gwüsst

chömmet seit me au im baselland...

amfall..

ich diskutier jetzt do nit witr wills definitv unnötig isch

schöneee

Genau! So isches...

isch dr hammer