FCB-Forum

Fr 06.05.2011
Restaurant ab 21 Uhr - The Swing-Time-Trio
Christian Gutfleisch Trio in memoriam Rolli Dreher

Letzte Woche verstarb unerwartet der bekannte Basler Jazz-Schlagzeuger, Bandleader und „FCB-Joggeli” Rolli Dreher.

Wir haben nicht nur einen immer swingenden Drummer, sondern auch einen Freund verloren, der uns mit seinem Humor und seiner originellen Art, das Leben zu meistern, in Erinnerung bleiben wird. Eigentlich sollte Rolli diesen Gig mit seinem "Swing-Time Trio" spielen, mit dem er Jahrzehnte unterwegs war.
Nun kommt es leider nicht mehr dazu. Das Leben swingt weiter und wir spielen in memoriam diesen Gig im Union für Dich, lieber Rolli.

We'll play it again, Rolli, we'll play Misty for you!

Christian Gutfleisch Trio in memoriam Rolli Dreher
• Christian Gutfleisch: piano
• Thomas Lähns: bass
• Johannes Gutfleisch: drums

http://gallery.fcb.ch/main.php?g2_itemId=348144

R.I.P. Rolli, war immer toll mir dir zu Diskutieren!

Oh, nai!!!
Mit Dir goht im Gundeli e guete Nochber und Fründ & im FCB e SUPERFAN verlore
Rueh in Friede!

E Tambourmajor zem vermisse!

I glaub i ha mit dere Nochricht vom "Joggeli" sim Tod mim Vater e extreme Schock igjagd

R.I.P. vo JC jun. & JC sen.

R.I.P, das kunnt jetzt unerwartet. ich hoff es längt mir ins union am frytig.

Jo mir längts leider nit, ha Tickets für Parsifal, ich nimm denn ein uff ihn in dr Pause (wenn die no Unser Bier im Aagebot händ)

Verstand übrigens nid ganz, worum dä Thread nur im Offtopic isch. Ghört mE in FCB-Teil!

RIP Roli.

Ich bi jetzt ächt gschoggt, dass unsere ehemalig Tambourmajor bi de "Referänzlose" het miesse go.


Roli - Es ischs maximum gsy

RIP Rolli
Aine wo immer und iberaal gueti Luune verbraitet het.
Är isch z Basel aifach e Kultfigur gsi!

Am Frittig 1. Juli findet e Abdanggig im ängschte Fründeskreis statt. Uff die 10i am Morge git's denn im Unser Bier e Apéro zu Ehre und Gedängge an Rolli. Mee und offizielli Infos folge in der Gundeldinger Zittig

Am Frittig 1. Juli wird dr Rolli im ängschte Familie- und Fründeskreis verabschiedet. I suech derzue no 2-3 Tamboure, wo würde am Morge am 8i ko drummle. Wär isch derby? i wär froh, es wurd sich no öbber mälde. Mercie.
Am 10i am Morge git's denn e Apéro im Unser Bier. Mee und offizielli Infos folge in der Gundeldinger Zeitung

Ciao

I suech immer no 2-3 (3 wär super!) Dambuure für dä Frittig, 08.00 zumm uff dr Münschterfähri em Rolli Dreher si letschte Abschied würdig z’gstalte.

Es goot numme ca. 30-45 Minute, de bisch also am 9i wieder uff em Wäg ins Gschäft. Oder kunnsch uff denn auf 10i ins „Unser Bier“ zum Apéro.

Es wurd mi freue, wenn de könntsch ko. Gimmer doch kurz Bscheid.

Mercie

wär ka koo, isch härzligg willkomme...

Ou nei

Machs guet Joggeli und merci für all die unzählige Episödeli womer mit dir erläbt hän.

Das z läse het mi doch grad sehr gschockt
Härzligs Bileid and Truurfamilie.

so, no e letscht Mol dr Artikel uff pusche... morn heissts Abschied nä... würd mi freue, wenn no e paar FCB Fans könnte ufftauche...

är isch eifach e gaile Siech gsi!