FCB-Forum

Hitt in Thun, dr Rahme stimmt,
in mir inn e Hoffnig glimmt,
hitt sell's ändlig do mol länge,
das me dye do ka bedränge.

Doch wytt gfeehlt muess ych gli mergge,
unsr'i heeggschtens dye no stergge,
in dr Abwehr, s duet aim grausle,
dyen dye Thuner uns zersausle.

Immer z spoot in de Duell,
d Nummer ains isch nidd reell,
bringgt kai Bai deert uff dä Platz,
isch nur Gegestand vo'r Hatz!

Ihr traged nidd mit stolz das Shirt,
das mi doch am maischte stört,
schigg frisiert und lessig trabend,
warted ihr uff "Feierabend"!

Rotblau traage haisst in Ehre,
sich fyr unsri Farbe wehre,
jede wo uns will go disse,
miend ihr in dr Luft verrisse!

Kämpfe, renne, schiesse, flangge,
schwitze, hechle, duuretangge,
uff em Platz als Team presänt,
nidd als Ainzelkomponänt!



Damminamaaaal!

Bravo, besser kann man's nicht sagen.

Diggi Sach, Chapeau!

Genau so isches Chapeau Atzge.

Danke und Amen!!

Mi Aagebot, als di Vrleeger dätig z wärde schtooht denn im Fall immer no.

Schigg die Väärsli emolle däne in de kurze Hoose und in dr Deppichetasche, gopferglemmi

GeorgeBest hat geschrieben:Mi Aagebot, als di Vrleeger dätig z wärde schtooht denn im Fall immer no.

Schigg die Väärsli emolle däne in de kurze Hoose und in dr Deppichetasche, gopferglemmi

Die vrschteen doch kai Baaseldyytsch....

adsge hat geschrieben: Rotblau traage haisst in Ehre,
sich fyr unsri Farbe wehre,
jede wo uns will go disse,
miend ihr in dr Luft verrisse!

Das hat Kultpotential!