FCB-Forum

Salli zämme
In 2 wuche foht d Uni aa, und für mi au no chli meh als das. I hami nämlich voreme yoor entschide, dasi gärn an dr ETH würdi studiere, und das gits halt leider zBasel nid, sondern nur in Züri. Es isch immer sowit wäg gsi, aber plötzlich gohts nur no 2 wuche, und es schmärzt mi schone chli, dasi jetzt nach 20 yoor Basel plötzlich in Züri söti wohne. I häng halt scho an Basel. Aber guet, i has damals eso entschide, ha e WG ohni Zürcher beteiligung gfunde, und Wuchenänd und Semeschterferie gits jo au no wome hei cha.
Drum hani do mol welle froge, öb sich no anderi Basler in dr vrbottene Stadt ufhalte (oder eifach wäg vo Basel) und wie si so drmit zrächt chömme. E paar ufstellendi wort würde mr jetzt guet due ^^
Es macht mi im momänt halt scho chli fertig

griessli
ebi

Good luck. Es git zimlich vil Basler in Zueri wo am studiere sin. Uf StudiVZ.net gits ansunschte no Gruppene wo de chasch Kontakt knuepfe zum echli Heimweh bekaempfe..:
- Exil-Basler mit ewiger Liebi zur Heimet
- Basler in Zürich

Kasch jo auf uf Wintherthur ans Tech go. Isch zwar immer no Kt. zh, aber Winthi isch ok und immer no besser als d Stadt zirü sälber.

Ha ybrigens 20 Joor in zh miesse lääbe, jetzt binis ändlig nach Basel zyglet!

es soll auch schon Leute geben, die die ETH in Lausanne machen

leider sind auch die Job-Bedingt in der verbotenen Stadt gelandet

also kumm jetz, 55 minute mitem zug...
do gits denn usserhalb vo dr kleine schwiiz no ganz anderi dischtanze und heimweh...

Alles gueti an dr ETH .

Es isch schlimm in Zueri aber du chasch di e ganzi wuche uff 2 dääg am Weekend freue druf das de wider uff Basel chasch. DIe Site wo dr ced gseit het isch zempfähle. Aber wirsches überstoh in Zueri.

Es git schlimmers z.B Arbetsort in Münche do chunsch ned mol al Weekend hei uff Basel.

ETH isch e gueti Schuel. Viel Glück us Münche...

hehe, mega lieb vo euch, das git mr grad wider e chli meh muet. Und merci für dr StudiVZ link, muesi mr grad emol aaluege. Es isch immer besser weme weiss, dass anderi in dr genau gliiche Situation sin.
Und ihr händ scho rächt, 55minute vo Züri uf Basel isch eigentlich e luxusproblem =)

ETH lausanne isch nie in frog cho, wills no witer wäg gsi wär und ich ganz einfach am mim französisch gschitteret wär.

Und me merkt eigentlich erscht eso richtig, was eim d heimet bedütet, wemme si muess verloh. Drum chas jo vellicht au emol e gueti Erfahrig sii.

Also, merci nommol, und hejo, s FCB forum sött me jo au z Ziiri chönne ufriefe . Das willi nämlich nid misse

liebi griessli
ebi

http://www.downtowners.ch/about.php

ps.: jo sit es paar jöhrli a de eth, me cha guet und lang under de wuche schaffe wenn me weiss dass me übers we ins gelobte basel cha ferie mache. wie härter me schafft desto schnäller gohts zum we, gc und fcz fans hets au fascht keini, wenn sone idiot uffkrüzt, denn eifach eimol delgaooooo, und die hebe d'schnuure....

geforce hat geschrieben:Es isch schlimm in Zueri aber du chasch di e ganzi wuche uff 2 dääg am Weekend freue druf das de wider uff Basel chasch.

Würd mi mol druff ihstelle das du am Weekend au schaffe muesch, zumindischt bis du mol 2 VD (oder neu Grundstudium) hinterdir hesch. Isch allne so gange wo ich kennt ha...

Was fohsch denne ah?

Viel Glück au vo mir (ha morn mi allerletschti Priefig dört)

btw: Zürich isch gar nit so übel wenn me sich mol drah gwöhnt het...

los nid uff irgendwelchi angstmacher, so schwierig und stressig isches studium denn au wieder nid... wirsch fascht immer gnueg ziit ha zum dis läbe so läbe wie d willsch.

i fang mit elektrotechnik aa. Aber ihr händ scho rächt, weme so lost, was d lüt vo dr eth verzelle, miesst me gar nid erscht aafo, will mes jo schiinbar eh nid schaffe ka.

Dene zeigis

und merci für dr downtowners link, das isch jo dr hammer. Muesi mi denn mol mälde sobald i aagfange ha

griessli

@screemer: Was studiersch du eso? Und viil glügg wünschi dir morn an dr priefig

finde das zwar eine etwas eigenartige veranstaltung, aber dich dürfte es interessieren: das baslerfest von uni/eth. ist glaub immer anfangs dezember oder so und für heimwehbasler bestimmt...

BSC Eltech, MS MTEC... Also ich weiss was ich verzell! Gang am erste Dag uf d'Fierig vom AMIV, denne lersch mol alles kenne.
Empfil dir Analysis Niveau 2 näh, 1 isch e scheiss Prof , hesch zwar 2h mehr aber es macht eh nit viel us.

Und glaub mirs, es isch es wärt sich durezbisse!

BTW: Donnstig in dr 2te Wuche isch ESF! E MUST für e Neuiträttende!

Isch au e Yberlegig gsih abr scho sit ich glaine Goof by hani gseit:
i studier NID in Ziiri! Und i hat mi dra.

Eimol Basel, immer Basel

screemer hat geschrieben:BSC Eltech, MS MTEC...

wie meinen?
Studierst du auch etech, oder hab ich da jetzt was missverstanden?

[quote="andreas"]Isch au e Yberlegig gsih abr scho sit ich glaine Goof by hani gseit:
i studier NID in Ziiri! Und i hat mi dra.

Eimol Basel, immer Basel ]

Sehr gueti reglig... hanis mir au gseit und me seht wos mi anetribe het...
nach münche...
aber me muess dört ane wome 1. e job 2.e platz hald findet..

[quote="screemer"]BSC Eltech, MS MTEC... Also ich weiss was ich verzell! Gang am erste Dag uf d'Fierig vom AMIV, denne lersch mol alles kenne.
Empfil dir Analysis Niveau 2 näh, 1 isch e scheiss Prof ]
MTEC=Weg des geringsten Widerstandes! Verröter du
Also am Wuchenend muesch nid unbedingt schaffe, es goht au ohni, glaub mirs.

ebichu hat geschrieben: wie meinen?
Studierst du auch etech, oder hab ich da jetzt was missverstanden?

http://www.mtec.ethz.ch

jep, Forumsuser Master wohnt in winti und studiert auch (noch ) an der eth..

Edith sagt, dasses auch eine MK Gruppe im StudiVZ gibt.

Und Judith meint, dass sie einen User gesehen hat, welcher FCB Fan aber BTSV hasser ist..hmm--

[quote="Alge"]also kumm jetz, 55 minute mitem zug... ]Recht hast du schon (in Tokio ist ein Arbeitsweg von 2 h völlig normal) aber 55 Min. sind's schon nicht, kenne einige Pendler und die brauchen alle mind. 1.5 h pro Weg ....

[quote="The Dome"]MTEC=Weg des geringsten Widerstandes! Verröter du
Also am Wuchenend muesch nid unbedingt schaffe, es goht au ohni, glaub mirs. ]

Nachem ITET verdientermasse!

Aber wenn nomol würd wähle würd ich Läbensmittel näh, weisch sicher au worum

Zürich ist 'ne geile Stadt

Taratonga hat geschrieben:Zürich ist 'ne geile Stadt

also wäre ich kein Berner, möchte ich ein waschechter Zürcher sein

Ych muess syt 3 Joor pändle. Isch voll $aizzendrek, mach Di uf s Schlimmschte gfasst. My Byylaid hesch uf jede Fall.

Taratonga hat geschrieben:also wäre ich kein Berner, möchte ich ein waschechter Zürcher sein

hesch irgend e fuzz dött oder was? ich ha jetz au zimli lang in bärn gwohnt und kenn kein, wone zi!rücher will syy..

Wenn i kei Basler könnt si, denn am ehnschte eh tommie

Suffbrueder hat geschrieben:hesch irgend e fuzz dött oder was? ...

nei, äuä... finde Zürich wirklich eine geile Stadt, die Einwohner mal abgesehen...

Taratonga hat geschrieben:also wäre ich kein Berner, möchte ich ein waschechter Zürcher sein

Taratonga hat geschrieben:nei, äuä... finde Zürich wirklich eine geile Stadt, die Einwohner mal abgesehen...

Ist das nicht irgendwie ein Gegensatz, lieber Taratonga?

Du findest die Zürcher doof, möchtest aber einer sein, falls Du kein Berner wärst? Mein Tipp: bleib besser Berner! Dort ist nämlich nicht nur die Stadt geil!

Hervé hat geschrieben:Ist das nicht irgendwie ein Gegensatz, lieber Taratonga?

Du findest die Zürcher doof, möchtest aber einer sein, falls Du kein Berner wärst? Mein Tipp: bleib besser Berner! Dort ist nämlich nicht nur die Stadt geil!

war doch nur ein Spruch am verkaterten Morgen. Mir brummt der Schädel und ausserdem ich würde lieber ins Wasser gehen als Zürcher zu sein...

Taratonga hat geschrieben:war doch nur ein Spruch am verkaterten Morgen. Mir brummt der Schädel und ausserdem ich würde lieber ins Wasser gehen als Zürcher zu sein...

Na, dann bin ich beruhigt...