FCB-Forum

Kaine het me an ys glaubt
Wo zää Pinggt Ruggstand mir hän gha
E mängi JK isch verstaubt
Gschrumpft isch unsre zwelfi Maa

S sin nimm immer drissigdausig
Wie friener no, ins Stadion koo
Und in dr Kuurve, das isch lausig
Isch mäng ain gsässe, anstatt z stoo

Scho wieder bisch belächlet woorde
u201EWas, du duesch no rotblau draage?u201C
Wo isch si nur, die stolzi Hoorde?
Me heert nur schimpfe, meggu2019re, klaage

u201EAn Match ko? Ich? Sag bisch veruggt?u201C
Wie oft han i dä Satz doch gheert
Und jeedes Mool han i läär gschluggt
Bin ich oder die andu2019re gsteert?!?

Wo nur no weenig Hoffnig blybt
Schiint sich s Blatt jetz pletzlig z wände
Eb ächt s Schiggsaal d Gschicht so schrybt
Ass si im Guete no duet Ände?

D Maischterschaft isch wieder offe
Ziiri isch arg unter Drugg
Ändlig darf me wieder hoffe
Und scho streeme d Masse zrugg

Alli wän e Byyljee haa
Dien im Stadion sich erheebe
Wenn dr starggi zwelfti Maa
D Stadionmuure losst erbeebe

Abgrächnet wird erscht am Schluss
Bis denn haisst s flissig witter kämpfe
Denn jeede waiss u2013 ai falsche Schuss
Ka d Stimmig sofort wieder dämpfe

No isch dr Titel noonig doo
Me waiss nit, kunnt si u2013 d Maischternacht
Doch d Euphorie isch wieder koo
D Fuessballhauptstadt isch verwacht!

Sehr schön! Spricht mr us dr Seel! geil macht!

saumässig!!

weltklass!

well done

zerscht die gueti nochricht gläse
vom vrtrag für dr glai stocker
jetzt no dy värs - denn gar kai jääse -
muess sage s haut my grad vom hocker!

so kas wirklig wyter goo
wie du seisch: die euphorie
isch jetzt ändlig wyder do
fcb so stark wie nie?

das vyllicht nid, doch y hoff
stark gnueg fyr dr meisterjubel
und wär weiss, s wär starke stoff
hole mr äm änd no s double!

Super Reim
Sprich mir us em Härze, do chömme jo ein fascht Träne...

hammer geil!

Die Künstler haben wieder zugeschlagen. Sackstark!

hurra hurra die basler sind jetzt da!!

Bravo Ihr beiden!

Hut ab...
Bravo!

's isch wohr, dr FCB wird drait
wie dr Seggel richtig sait
dr Ris isch wach, sprängt syni Fessle
jetze wirds gewaltig kessle!

's isch toll, dass ändlig d'Euphorie
ewäggschwemmt, was emool isch gsi
Strytt und Registrierigsfruscht
hänn ys gnoh die Fuessball Luscht!

Drum steehn jetz alli zämme yy!
Vorstand, Mannschaft, d'Fans wänn gly
ZÄMME dr Maischtertitel hole
de Stricher bees dr Arsch versoohle!

Kai SFV, kai andri Macht
ka däm Gigant, wo do verwacht
ärnschthaft jetz dr Wääg verwehre
zue wohlverdiente Double-Ehre!

Ains nur Brieder, looset richtig
ains, das dunggt mi wirgglig wichtig:
Lehn Eych nie meh so entzwaie,
sondern dien Eych ZÄMME fraije.

Eb Kutte, Ultra, Bahndamm sinn
mir fir dr FCB e Gwinn
Nur wett y trotzdäm mir erlaube
au an dr Vorstand, d'Mannschaft z'glaube
statt vor lutter z'kritisiere
dr Glaube a my Klub z'verliere!

Y glaub (genauer waiss y's nid)
as es e Maischterfyyrli git
vyyl wichtiger, das isch mi Mainig
Fans und Klub sinn wider ainig
Denn nur wär zieht am glyche Strang
spiilt IMMER um dr erschti Rang!

WE SHALL NEVER SURRENDER!!!

s augewasser druggt... scheen!

Ganz geil gschryybe. Komplimänt.

Mätzli hat geschrieben:Denn nur wär zieht am glyche Strang
spiilt IMMER um dr erschti Rang![/B][/size]

scheen gsait

Schooffseggel hat geschrieben:Kaine het me an ys glaubt
Wo zää Pinggt Ruggstand mir hän gha
E mängi JK isch verstaubt
Gschrumpft isch unsre zwelfi Maa

S sin nimm immer drissigdausig
Wie friener no, ins Stadion koo
Und in dr Kuurve, das isch lausig
Isch mäng ain gsässe, anstatt z stoo

Scho wieder bisch belächlet woorde
u201EWas, du duesch no rotblau draage?u201C
Wo isch si nur, die stolzi Hoorde?
Me heert nur schimpfe, meggu2019re, klaage

u201EAn Match ko? Ich? Sag bisch veruggt?u201C
Wie oft han i dä Satz doch gheert
Und jeedes Mool han i läär gschluggt
Bin ich oder die andu2019re gsteert?!?

Wo nur no weenig Hoffnig blybt
Schiint sich s Blatt jetz pletzlig z wände
Eb ächt s Schiggsaal d Gschicht so schrybt
Ass si im Guete no duet Ände?

D Maischterschaft isch wieder offe
Ziiri isch arg unter Drugg
Ändlig darf me wieder hoffe
Und scho streeme d Masse zrugg

Alli wän e Byyljee haa
Dien im Stadion sich erheebe
Wenn dr starggi zwelfti Maa
D Stadionmuure losst erbeebe

Abgrächnet wird erscht am Schluss
Bis denn haisst s flissig witter kämpfe
Denn jeede waiss u2013 ai falsche Schuss
Ka d Stimmig sofort wieder dämpfe

No isch dr Titel noonig doo
Me waiss nit, kunnt si u2013 d Maischternacht
Doch d Euphorie isch wieder koo
D Fuessballhauptstadt isch verwacht!

FC BASEL YOU'LL NEVER WALK ALONE

do söll no eine saage Poesie sigi vonere vrgangene Wält..Hätt mi Gmiet nit besser könne zum Usdrugg bringe, Chapeau für d'Värsli!

*schnüff* Hiehnerhuut *schnüff*

Saggstark mini Herre *verbeug*

HAMMER

hüehnerhut pur, Dangge

Unsri Värslibrenzler sin wie immer sagg stargg!
Kompliment!

das versiesst doch sone friitig de 13ti, merci!

phatt respect

Grandios Schoofseggel und Mätzli.

PER ASPERA AD ASTRA!

dasch e geili sach

hammer gmacht jungs

Schritt fyr Schritt de Titel neecher,
s Härz schlooht jede Daag bitz heecher,
s juggt, vibriert, rumort im Ranze,
ha verwitscht mi scho bim danze,
und ha ganz in Draim versungge,
au scho uss em Maischterkiibel drungge,
summ im Byro d MK Charts,
uff das alli Wält erfahrt's,
das i frisch verlyebbt bi in dye Farbe,
wo jetzt nimmi sin am darbe,
wo sich analog däm vo Minchhuuse,
(dä mit dr Gschicht dr bitz abschtruuse),
sälber hett am Schopf so uusegrisse,
und uff alli andre gschisse,
alli wo hänn uns in corpore,
wo steehn trey zem FCB,
ussglacht will me doch hett dänggt,
das diesmol denn dr Vorsprung länggt.
Doch wytt gfeehlt, mir sin kompaggt,
wärde Maischter dangg dr UFFHOOLJAGGD!

@adsge

Und grad nonemol *schnüff* BRAVO!

macht freud die Gedicht!!

göttlich