FCB-Forum

Dipflischysser
Au z Basel kennt me jetzt Tai Chi
dasch Entschpannig und inneri Harmonie
langsam bewege, inn sich goo
und uff em rotblaue Lyybli muess Zanni stoo

Giftnuudle
Delgado, Zubi, Bärner alli geen
Kuzmanovich au dää, su2019isch nimme scheen
su2019näggscht super Aagebot sells au scho gää
Migros Grien 80 mecht dr Platzwart iibernää

Eduardo dr Dritti, uss dr Spyylfäldmitti, isch äär dr Dritti vo linggs
und äär düüst und düüst und düüst und düüst im Sauseschritt
das griegt aber niemer mit, au dr Geegner nit
und äär düüst und düüst und düüst und düüst im Sauseschritt
aber s dailt em niemer mit, worum s die Balle gitt
und dr Gooli, Gooli, Gooli Gooli, sait au dää hool i
doch isch s dr glyychi Jooli wie dr alti Gooli
und vo dr Oeri, Oeri, Oeri, hoer i, jo jo das schwör i
dr Gross isch so famoos, dää griege mer nie me loos
ooh,oohoohjee, FCB, duet das wee

In dr Stadt han i d'Gigi droffe - dasch aini vo de nättischte Fraue
I ha se glecheret mit Frooge und mir hän e Cüpli iineghaue.
"Frau Oeri", han i g'motzt, "worum tien si immer schlächti Spieler näh"?
und ha witerbohrt und witerbohrt - und denn het's e Ärdbebe gä.


Mir vermisse dr Schorsch vom Haafebeggi zwai,
dä hoggt jetzt ganz elai bi sinere Frau dehai.
Mir fordere: "Schorsch, kumm zrugg - mir wän di wieder gseh,
kauf Du doch d'Spieler i - fir e FCB"!


Schnapsbagge

Wenn amme d Briedere Yakin miesste noch em Rääge
in ihrer Liigeschaft der Huusgang sälber fääge,
wurd jo d Frau Hofer und d Frau Lutz und der Herr Zwahle
fir das Vergniege gärn e bitz meh Mieti zahle.

--> http://www.singvogel.ch http://www.singvogel.ch <---

Eine Formation mit Costanzo-Queen Coverversion...

Herrlig

nidganzbache hat geschrieben:Eine Formation mit Costanzo-Queen Coverversion...

Herrlig

vo de grobschlächtige!
isch de hammer

Costänzo Queen vo de Grobschlächtige
Gsunge zer Melodyy «Dancing Queen» vo ABBA

Stroofe 1
Sunntig zoobe und d Fiess sinn schwäär
S Joggeli das isch halber läär
Dr Eduardo isch hässig
findet s irgendwie gspässig
är griegt die Balle nie

Lueg dä Spiiler dert, isch dä doot?
Nay, dasch dr Chippi, wo umme stoot
Dr Delron Böckley duet penne
und alli Gegner renne
uff unsre Gooli zue
dä gumpt in aller Rue:

Refrain:
wien e Costänzo Queen
d Händsche drait dä wool nur zem Schyyn
Costänzo Queen
Stoot im Gool wie dr Mr. Bean
oh-jeeeeeh
Uff emool, gseesch das Buubi, wäärsch wider froo um e Zu-ubi
uh-uh-uh
Bruucht sy ächtscht Supradyyn
unsri Costänzo Queen?

Stroofe 2
Mittel Linie und wyter goots
Jede rieft, aber kain verstoots
Änglisch, Brasiliaanisch
Franzeesisch und Japaanisch
Und unsre Rakitic
schuttet uff Schwyzer Dytsch:

Refrain:
Aifach am Gool verbyy
Gstolperet, muess das wirgglig syy?
Gool verbyy
Kunnt dää Gloon uss em Zirkus Knie?
oh-jeeeeeh
S Beschte wäär, so d Brognoose: dr Karli stygt wider in d Hoose
uh-uh-uh
S bruucht jetzt Gool, sunscht fäält glyy
S Gäld uss dr Pharmazyy

Stroofe 3
D Gigi Eeri hett geschter Znacht
E ghaimen Yykaufszeedel gmacht:
Kunnt ächtscht dr Ceccaroni
Wo kämpft und goppeloni
fir d Bebbi im Pflutter stoot?
Und das fir e Butterbroot

Refrain:
Wie wenns e Mannschaft wäär
Nit e Sprungbrätt zem Millionäär
Mannschaft wäär
Nit nur gail uff dr näggscht Transfäär
oh-jeeeeeh
S rennt sich schwäär, muesch scho gsee, mit soomene brallgfillte Bortmonee
uh-uh-uh
Unsri Bitt an d Funktionäär:
Es muess e Mannschaft häär
JETZT MUESS E MANNSCHAFT HÄÄR!

Neben dem FCB mit Präsidentin Gigi Oeri und Trainer Christian Gross sind andere Sportler Objekte der Verslidichter.


Schnabelwetzer

Zerscht d Hingis, jetzt dr Federer, mir mienn ys gwis nit schämme,
Wie dä sich mit sym Bälleli vo Siig zue Siig duet slämme.
Und wenn denn s Tennis umme isch, git s brueflig halt e Wandel,
denn wird är non e ryche Ma im Suppeschissle-Handel.


Schwoobekäfer

Mir mache Wärbig, sensationell,
fir es Produkt, s'heisst Actimel.
d'Abwehrgräft wäärde gsteergt, verspricht dr Kachelmaa,
drum dängge mir, das Gsöff sot au dr FCB haa.


Alperöösli

Wo aber d'Ärde denn widerhoolt vibriert,
hett d'Gigi Oeri im Christian Gross telefoniert.
«Es wackelt ganz Basel, blyyb Du nur cool,
des isch nit nuur Dyyn Trainerstuhl».

Von Urs Hobi schön zusammengefasst heute in der BaZ. Mir gefällt dieser hier:

Spitzbueb:

Im Momänt gitts zem FCB nid
vill zsaage,
die baar, wo no doo sinn, dien
sich guet vertraage.
Und wasme sunscht no
brichte gha:
Sy sinn no in dr Nazi A.


Wenns die Schnitzelbännge nicht gäbe, würde sich gar niemand mehr getrauen (ausser den Forums), die Funktionäre zu kritisieren. Die Medien zeigten sich in Sachen FCB - das wird einem erst bei der Fasnacht bewusst - von einer unkritischen Seite.

Cuore Matto hat geschrieben:In dr Stadt han i d'Gigi droffe - dasch aini vo de nättischte Fraue
I ha se glecheret mit Frooge und mir hän e Cüpli iineghaue.
"Frau Oeri", han i g'motzt, "worum tien si immer schlächti Spieler näh"?
und ha witerbohrt und witerbohrt - und denn het's e Ärdbebe gä.


Mir vermisse dr Schorsch vom Haafebeggi zwai,
dä hoggt jetzt ganz elai bi sinere Frau dehai.
Mir fordere: "Schorsch, kumm zrugg - mir wän di wieder gseh,
kauf Du doch d'Spieler i - fir e FCB"!


Schnapsbagge

Schnapsbagge i lieb Di. Bester Bangg dieses noch jungen Jahrgangs.
*schmeissmichwech*

delkrederes hat geschrieben:Wenn amme d Briedere Yakin miesste noch em Rääge
in ihrer Liigeschaft der Huusgang sälber fääge,
wurd jo d Frau Hofer und d Frau Lutz und der Herr Zwahle
fir das Vergniege gärn e bitz meh Mieti zahle.

--> http://www.singvogel.ch http://www.singvogel.ch <---

Bingo.

Alti Richtig

Ganz z´vorderscht z´nenne wär die Schnörri,
die blondi Rampeliecht-Blagoeri:
Als Domina bim FCB
hesch si im Maie nie meh gseh.
Derfir riechsch ziemlig ungestüm
vo wytem scho ihr neyscht Parfüm.
Au wett si gärn e story ha
bym Film in Glanz und Gloria.
Madonna-like zem Alibi
schiesst sii no Gäld in Mali y
und spändet ettligi Millione,
wie aifach isch s doch s Gwisse z´schoone.

Und no e paar ...

Biezer:

Su2019Ziiri heeri, su2019haigi su2019Oeri dä Böög gschtoole,
Taktisch sygu2019s genial, dä Typ uff Basel zu2019hoole.
Nai, nit firu2019s Puppehuus, dä setzt si anderscht ii,
Im FCB wurd dä dr absoluti Knaller sii.

0:50 hersch, verliert dr FCB,
I kaau2019s nit glaube und es duet mir schampar wee.
Halt nai! Vor 50 Lyt do wurd dr GC 1:0 fiere,
su2019isch halt dr Auderset wo do duet kommentiere.


Du2019Kulturstolperi:

Bis letscht Johr han ich immer wider eine dörfe bringe
E Värsli yber unsere Goali Zubi derfe singe
Do muess ich sage, das isch wohr, das darf ich Euch do brichte
Bim Costanzo duet weder dä Värs no d`FCB Windle dichte


Dr alti Knagger (Edelis-Opa):

Uff em Joggeli wäär amme s'Bescht
me miech dämm "Pöbeldings"
as me nen glyy erkenne duet
e Gryzz uff d'Stirne linggs
No hätt me nämmlig rächts no Platz
d'IQ-Zaal lo erschyyne
und scho hättsch denne dr Bewiis
dää Dubel deerf nit yyne
Dämm sy Schlaaggraft seyg e Hit
numme s'Hirny miech nie mit


Dr Vogel Walther (vo dr Waid):

was y ch der ganzi Daag denn eso miech
froggt my dr Scheff u2013 y syg e fuule Siech
y haig zu2019viil Lohn und au zu2019viil Ferie
derzue kai Aahnig vor Materie
settschu2019s nit so äng gseh hau2019nem gsait u2013 das muesch mer gönne
denn lueg emool bym FCB u2013 dert muess jo ai kain schutte könne


Rätschbääse:

Dr Carignano ziets syt Jooren an den Adduktore
dr Ergic hett sy seelisch Glyychgwicht friener scho verloore
dr Nakata bricht s Naasebai, u2026 dr Smiljanic hett Beschwäärde
kai Wunder, ass doo Joor fir Joor, u2026. d Granggekasse dyyrer wäärde

(Und do no e Favorite vo myr ;-)

D Frau Kampusch schliefft noo Jooren uus em schregglig änge Bau
d Psycholooge finde, si syg eloquänt und schlau
mir dängge: soon e Zwangshaft wuurd em Blocher au nit schaade
und wäär waiss: wenn er zrugg kunnt, wuurd au äär e Kopfduech draage

nidganzbache hat geschrieben:Eine Formation mit Costanzo-Queen Coverversion...

Herrlig

Die isch vom Bangg "spitzige ryssblei"

Hammer Bangg, eine vo de beschte das Johr!!

bildsteerig

Argumänt git's doo derfiir e Huffe:
Am e Fuessballmatch sotsch nit deerfe suffe.
I kaa doo aigentlig nuur derzue saage:
Kenne sii der FCB niechtern verdraage?

scoddy hat geschrieben:Die isch vom Bangg "spitzige ryssblei"

Hammer Bangg, eine vo de beschte das Johr!!

vom ryyssblei ist dieser hier:

Dr' Costanzo fuschtet, e' gwaltige Schuss,
zem Majstorovic, es isch e G'nuss.
Dä git e' Traumbaas rächts zem Zanni,
dr' Zanni schreit , dasch guet dä fangi
und schyesst e' ganz präzyyse, wytte,
zem Chippi uff die linggi Sytte.
Fir die waansinns geddligi Flangge,
duet är sich mit em-e' Subberbaas bedangge.
Jetzt griegt d'Balle noonemool dr' Zanni,
e' Gäägner meint, mir schdinggts jetz gangi.
Joo sogar dr' Papa Malick Ba,
hett die rächte Schuddschueh aa.
Und git-en wiider rächt's zem Zanni,
dä schloot e Flangge, ganz e' langi,
zem Sterj...jetzt han-ych dää Namme vergässe,
dye Flangge, joo Dye Flangge isch gsässe.
Dribblet sich um siibe Gäägner umme,
wäär doo nit gumbbt isch ganz e Dumme.
Eine schreyt, "gib-en iibere dää hanni",
ych glaub es isch ganz vorne dr' Zanni.
Joo denn hett d' Balle dr' Petric troffe,
dä isch suuber uss em Offseit gloffe.
Druggt sofort ab - jetzt muesses krache,
doo bin ych uss em Näscht keit und verwache.

Dr Doppelmeter:

D'FCB-Oeri - das jo wysse alli -
F**** FCB-Spieler,
mit und ohni Balli!
Doch syt kurzem losst sich kaine me erwaiche
Nid emol dr Gross - und dasch denn gar kai guets Zaiche!
Si wott, dass ihre näggschte Schtächer
ihri P**** trinkt -
usseme Oeko-Bächer!

Horatio hat geschrieben:Dr Doppelmeter:

alli - Balli usf. .... Tja, und das wäre dann ein Beispiel für einen ganz miesen Bangg.

... und der Bänggler sollte bei jedem Auftritt ausgepfiffen werden. (Edith)

Horatio hat geschrieben:Dr Doppelmeter:

D'FCB-Oeri - das jo wysse alli -
F**** FCB-Spieler,
mit und ohni Balli!
Doch syt kurzem losst sich kaine me erwaiche
Nid emol dr Gross - und dasch denn gar kai guets Zaiche!
Si wott, dass ihre näggschte Schtächer
ihri P**** trinkt -
usseme Oeko-Bächer!

den finde nicht einmal ich als berner gut...........bei aller freiheit
die man an an einer fasnacht geniesst, solche bänke gehören auf den müll und sind nicht einmal das papier wert auf dem sie stehen!

Horatio hat geschrieben:Dr Doppelmeter:

D'FCB-Oeri - das jo wysse alli -
F**** FCB-Spieler,
mit und ohni Balli!
Doch syt kurzem losst sich kaine me erwaiche
Nid emol dr Gross - und dasch denn gar kai guets Zaiche!
Si wott, dass ihre näggschte Schtächer
ihri P**** trinkt -
usseme Oeko-Bächer!

und das söll jetzt irgendwo glatt sy?
Ohä....

Horatio hat geschrieben:Dr Doppelmeter:

D'FCB-Oeri - das jo wysse alli -
F**** FCB-Spieler,
mit und ohni Balli!
Doch syt kurzem losst sich kaine me erwaiche
Nid emol dr Gross - und dasch denn gar kai guets Zaiche!
Si wott, dass ihre näggschte Schtächer
ihri P**** trinkt -
usseme Oeko-Bächer!

Auf solche Scheiss-Reime kommen nicht einmal die Ostschweizer Primitivo-Fasnächtler. Fake?

freestate hat geschrieben:Auf solche Scheiss-Reime kommen nicht einmal die Ostschweizer Primitivo-Fasnächtler. Fake?

isch glaubs scho e fake...
cha mir nit vorstelle, dass sich öpper mit somene drägg ind öffentlichkeit wogt...

So, auf gehts http://www.fcbforum.ch/showpost.php?p=7 ... stcount=88
Damits keini Bängg me git! Und wenn, denn nur positivi!

Bier hat geschrieben:isch glaubs scho e fake...
cha mir nit vorstelle, dass sich öpper mit somene drägg ind öffentlichkeit wogt...

es git au e huffe ander bängg wo sich getraue uf zträte wo grotte schlächt sinn. jänu s kenne jo nid alli super guet si wie s spitzig riesblei, stroossewischer oder dr singvogel.