FCB-Forum

Santiglaus, Du liebe Maa
Bring mer doch e Abwehrmaa
Und zwor ain fir hinde rächts
Wäär verglemmi gar nyt schlächts
Denn um unsre Reto Zanni
Kuurvt wie amme s Wenzel Hanni
Slalomsstangegwäädlet isch
Dr Gäägnersturm was hesch was gisch.

Au hinde linggs kennt's aine bruuche
Dermit's dr Scotty nimm duet schluuche
Statt sy "mifdield" kenne gniesse
Nur Defensives laischte z miesse
Wie wär's denn dr Atouba z hoole?
Dr Stammblatz hänn si däm jo gstohle
Bim krisegschyttlet HSV
(2. Liga bald, helau!).

Unser Mittelfäld het Mieh
S fählt ain wo d Fääde als kaa zieh
Drum Nigginäggi, heb doch Ghöhr
Und schängg ys schnäll e Reschissöhr
S muess jo nit grad e Deco syy
(dä hätt zwar d Faarbe scho derbyy...)
Aifach ain mit "letschtem Pass"
Denn mache mer Zi!rü wieder nass.

Und denn isch halt au im Stuurm
E biirebitzeli dr Wuurm
Wenn dr Petric 'mol nit dopft
Isch dr Kaschte wie verstopft
Dr Cristiano isch e Flop
Dr César nur bim Doggter "top"
Dr Stereo e Wundergugge
Duet ab und zue ain yynedrugge
Dr Eduardo kaa zwor wiehle
Doch sy Quote isch zem Briehle
Und zue all däm Ybel aane
Deerft dr Petric s Usland blaane
Spiilt er guet hänn mir dr Drägg
Und dr Zähner isch ewägg
Santiglaus, ych wuurd drum maine
Mir bruuche au no voorne aine!

Merci!

geile siech, va dr afang


und denn mechti doch no afiege
mit däne wynsch uns nid z begniege
drumm sett mol byym gigi frooge
viellicht folgt denn dr grossi booge
hesch soviel gäld drumm schloni vor
es wär fyr di doch gar kei gfoor
nid nur millieenli sondern s zigfache
i dued dr au e grätti bache
drum santigigi erhör mich doch
mir pfiffe us em letschte loch
so acht- niinschtellig wär nid schlächt
wird ändlig diim vrmeege grächt

kai rafael sondern makaay
zum gerrard sag i au nid nai
denn kenntsch dr rooney au grad no hole
wo allne wird dr arsch vrsohle
wo sich nid richtig inehänge
und unsri gegner nid bedränge
und als trainer no dr otthmar
mit 5 millione machsch dä au klar
doch ebbis kennt i mir scho dängge
d schischi losst sich wohl richlich beschängge
als gegeleischtig gits das isch wohl klar
e frischfleischklausle und zwar in bar
drum bliibt ai position wohl fix
e neye gooli das wird wohl nix

sackstark

n1¨!

absolut geil!!!

Santiklaus du liebe Maa
Wottsch du nid dr Petric ha?
Zum ihn klopfe und verhaue
Und mit Ihm uf Züri abhaue!

rotoloso hat geschrieben:Santiklaus du liebe Maa
Wottsch du nid dr Petric ha?
Zum ihn klopfe und verhaue
Und mit Ihm uf Züri abhaue!

het jo miesse cho..

rotoloso hat geschrieben:Santiklaus du liebe Maa
Wottsch du nid dr Petric ha?
Zum ihn klopfe und verhaue
Und mit Ihm uf Züri abhaue!

hett miesse ko und erst no schlecht

santiglaus du liebe maa
gäll a däm grycht isch nyyt dra
dr petric wird bi uns vrwyyle
denn ohni ihn wärs jo zem hyyle
an fascht dr hälfti gool drby
wie wiirds denn ohni wohl si
drum bitte näggi heer mi blogg
loss uns dr fladen denn wär het bogg
am ändi uff platz siebe z falle
und hääm und schpoot durch s land dien schalle

Santinigginäggi hinterem Gool do schdägg i
gib uns grossklaus und dr buumä
denn chum i hindefürä


Santichlaus du grosse Maa
nimm di emool dr Schischi aa
au dr Chrigel chunt no dra
denn zündemer grad e fackle aa

Hesch denn im Sack no Plads
Dr Cristiano isch gar kei Schads
Hesch d`Ruete grad zur Hand
Dr Ruedi pfuschd, s`isch e Schand

Gib denn Nuss und Birä
das dr Mladen d Gool cha fyrä
dr Esel chasch grad doo loh schdoh
är würd kai Gegner duure loh

jeds muess i höre, mit em dichtä
sunschd dien die Obere mi no richtä
ohni Kollegä und ihres Gschrei im Ohr
schdechti vor em verschlossenä Schdadiontor

Dr Fanti dä kha guet dichte
Aber ebbis hetr vrgässe z'brichte
Dr Santiglaus mit Bart wiss wiä Schee
Sell e ganz e grosse Sagg mitneh
Dr Sagg isch tarnt als FCB-Jagge
Denn duet är dr Drehner Gross ypagge

i glaub, i däm forum gitts no ainigi värskinschtler, wo sich bis jetzt aifach nid getraut hän

Petric du liebe maa dörfi di Trikot ha, denn gib dr nuss und birre ,denn schiess dr sie and birre ..

faederli hat geschrieben:hett miesse ko und erst no schlecht

sintiklaus du liebe mah

gross raus

santiklaus du liebe maa
de kasch grad die ganz mannschaft ha

Santi Niggi Näggi
Hinter em Oofe stegg y
Gimmer Nüss und Dattle
Denn derfsch mi Schwöschter sattle

rotoloso hat geschrieben:Santiklaus du liebe Maa
Wottsch du nid dr Petric ha?
Zum ihn klopfe und verhaue
Und mit Ihm uf Züri abhaue!

rotoloso hat geschrieben:Santiklaus du liebe Maa
Wottsch du nid dr Petric ha?
Zum ihn klopfe und verhaue
Und mit Ihm uf Züri abhaue!

Die Intelligenz verfolgt dich, aber du bist schneller

rotoloso hat geschrieben:Santiklaus du liebe Maa
Wottsch du nid dr Petric ha?
Zum ihn klopfe und verhaue
Und mit Ihm uf Züri abhaue!

rotoloso, du bisch dr hit

tja ihr liebe, dumm isch's gloffe
ha grad dr niggi näggi droffe
är losst allne e gruess ussrichte
und danggt dääne wo do dien dichte

är het all eyri wintsch vernoo
isch uss em schwarzwald uusekoo
dr ganz sagg voll zem wintsch erfille
ass fascht voor fraid kenntsch duuredrille

hätt ys das alles welle schängge
doch s het nit klappt, me ka sich s dängge
bis zem stadion isch är koo
doch dert jaggt me ihn grad dervoo

bs united, wo nimm rächt tiggt
het en wieder haime gschiggt
me het dr esel (das kenntsch no verstoo)
und au dr sagg nit iinegloo

so isch die chance halt vergää
är duet s gschängg zrugg in schwarzwald nää
drum - kunnt dr näggschti siig ins wangge
kasch di bim steward go bedangge

Kojak hat geschrieben:

Der Beweis: Santa lebt (noch)!

Grossklaus, dä jungi Maa
het glaub im Santiglaus, e Brueder gha
Dorum weisch, schtooht är in Eusem Libli
Näbes Grossä Chrigel, am Schbilfäldrand drbi

Jetz lueg, s`Oeris ihri Schischi
s`dunkd mi faschd, si schlichi
Vo hinde lüchdeds blau und rot
das Fudi vo der Frau Verwaltigsroot

Diä Nacht hüt
goht nümm lang
mit Frieligschnoschbä, s isch e wohri Prachd
Drum schüch di nit
Schmudsli chum und gang
lauf los, mit vollem Sack und schwarzer Tracht

Santi Niggi Näggi Unter m Solarium stäggi Alli sage ich käm nid überall druss Aber dä Buckley isch doch e Gnuss?

Santi Niggi Näggi Unter m Solarium stäggi Alli sage ich käm nid überall druss Aber dä Buckley isch doch e Gnuss?