Unerwartet
Verfasst: 29.10.2006, 03:00
Pinggtlig uff e Mässbeginn,
gitt's e Basler Punggte-Gwinn,
mit 'me Sieg, geg die Inseggte,
wo und das isch 's abverreggte,
aigentlig uns miesste schloh,
doch es isch ganz anderscht koh.
Muetig hett me vorwärts gspyylt,
hett scho gli e Gool erzyylt,
hett denn nochgleggt, s'isch e Hit,
das es kaini Frooge gitt,
gli scho denn dr zwaitti Dopf,
hett sich g'risse so am Schopf,
und sich glipft us dere Krise,
wo jo schyyns nidd isch erwyyse.
Sig's wie's well, jetzt isch es so,
das ain muess an d' Herbschtmäss koh,
wenn er will e-n-Achti fahre,
im 'ne antiquierte Kaare.
Uns'ri Truppe, die Rotblau,
wo kennt 's Gfyyhl doch so genau,
wie sich's afyyhlt Kraisli z drülle,
derf jetzt, noch em Syg geg Gülle,
au geg d' Hopper's wieder juuble,
und die Hopper's sin jetzt d' Duuble,
denn sy hänn nidd kenne gwinne,
in dr aig'ne Gruebe-n-inne.
Merci FCB!
Au mi Dangg no zuekoloh,
an die Macher vo dr Choreo,
mecht zem Schluss i nidd vergässe,
Eyre Spruch, jä dä isch gsässe!
gitt's e Basler Punggte-Gwinn,
mit 'me Sieg, geg die Inseggte,
wo und das isch 's abverreggte,
aigentlig uns miesste schloh,
doch es isch ganz anderscht koh.
Muetig hett me vorwärts gspyylt,
hett scho gli e Gool erzyylt,
hett denn nochgleggt, s'isch e Hit,
das es kaini Frooge gitt,
gli scho denn dr zwaitti Dopf,
hett sich g'risse so am Schopf,
und sich glipft us dere Krise,
wo jo schyyns nidd isch erwyyse.
Sig's wie's well, jetzt isch es so,
das ain muess an d' Herbschtmäss koh,
wenn er will e-n-Achti fahre,
im 'ne antiquierte Kaare.
Uns'ri Truppe, die Rotblau,
wo kennt 's Gfyyhl doch so genau,
wie sich's afyyhlt Kraisli z drülle,
derf jetzt, noch em Syg geg Gülle,
au geg d' Hopper's wieder juuble,
und die Hopper's sin jetzt d' Duuble,
denn sy hänn nidd kenne gwinne,
in dr aig'ne Gruebe-n-inne.
Merci FCB!
Au mi Dangg no zuekoloh,
an die Macher vo dr Choreo,
mecht zem Schluss i nidd vergässe,
Eyre Spruch, jä dä isch gsässe!
