FCB-Forum

Yepp jetzt ischs sowit, au mi verschlohts uf d'Stoss...

Da ich nägst Wuche Theorieprüefig ha, mach ich mi langsam aber sicher mol uf d'suechi nacheme Fahrlehrer/in.

Ha miesse feststelle, dass es die fangs wie Sand am Meer git, jetzt isch mi Frog an euch, chöne Dir mir öbber empfähle?

Mini Vorstellige, also Vorussetzige wo die Person/Fahrschuel sött erfülle sinn folgendi:

-dr Fahrlerer/in muess gueti Närve ha und miteme Energiebündel z'schlag cho

- ich fänds no gediege, wenn mer dr Abholtermin sälber cha wähle, also mol vom Gschäft us cha go, oder au vo dehei us...

- natürlich nid all zu tüür (aber dasch jo glaub hüt zu tags nüm machbar...)

Wär lieb wenn Dir mir chli Tips chönet gäh, au uf was ich achte muess bi dr Wahl vome Fahrlerer/inn etc.

Ganz liebi griessli

lina

Aebin, Muttenz - Verlangsch dr Martin als Fahrlehrer

Nid billig, aber definitiv e geili Zyyt gsi, und nachher chasch richtig fahre

sie ist super und hat mörderisch viel geduld:

Schweihauser

beerli fahrschuel im gundeli. de bescht in town!

Eckfahne hat geschrieben:Schweihauser

Schweihauser oder Schweighauser und wo isch dä dehei?

Sammle gärn Empfählige und mach mi den bitz schlau uf de Homepages usw

Fahrschuel (Marc) Fernando isch super!
Dä het gueti närve und isch au no FCB Fan.
Isch immer schön wärend em Fahre no biz über Fuessball ablabere.
Dä kani nur empfähle.

Bym Hampe - the one and only!



http://www.beerli.ch

Dr Beerli isch guet. Bi däm bi ich au gsi.
Dr Jehle http://www.jehle.ch isch glaubs günstig. Ha dr Töff bi ihm gmacht. Au ganz e easy siech...

da gabs im alten und neuen Testament schon mehrere Threads, bin zu faul zum Suchen, such doch bitte selber unter Fahrschule oder Fahrlehrer

Rankhof hat geschrieben:da gabs im alten und neuen Testament schon mehrere Threads, bin zu faul zum Suchen, such doch bitte selber unter Fahrschule oder Fahrlehrer

Ich dank viel mol füre Tipp, wirdi sicher no go "stöbere".

Au allne andere e riese MERCI

Ha es paar Sache agluegt, ha mi aber nonig chöne entscheide. Aebin wär Favorit gsi, aber är bietet am Samstig keini Fahrstunde ah und das isch e minus punkt, will ich gärn am Sa-morge Stunde gnoh hät.

Naja wirds mer nomol durche Kopf go loh, falls öbber no tips het, bini sehr dankbar

falls dä no fahrschuel git ...
dr roschi vo ettige ...

startisch und beendisch d stund wo du willsch und isch damals ein vo de billigschte gsi ...

lina hat geschrieben:Ha es paar Sache agluegt, ha mi aber nonig chöne entscheide. Aebin wär Favorit gsi, aber är bietet am Samstig keini Fahrstunde ah und das isch e minus punkt, will ich gärn am Sa-morge Stunde gnoh hät.

Naja wirds mer nomol durche Kopf go loh, falls öbber no tips het, bini sehr dankbar

gosch zum beerli = spassfaktor 100. übrigens au fcb-fan

Ich empfiel au dr Beerli. Isch e agnähme Typ und verliert nie d Närve. Au immer mol e Spruch uf Lager. Het zu minere Zyt zu de günschtigschte Fahrleher ghört (CHF 85.--) für e Fahrstund.

Kasch au locker abmache wo er Di söll hole. Bi mir ischer ame ins Gschäft ko,Heim und sogar in de Stadt wenn i scho öbis abgmacht gha ha. Dr nexscht Fahrschieler fahrt die je nach dem grad wieder dört ane wo ane muesch (wenns nit grad z wit ewäg isch). Umgäbig Basel kei Problem. Bi mir isch s witeschte Bottminge gsi.

http://www.beerli.ch

Würde wie schon oben erwähnt auch die Fahrschule Aebin in Muttenz empfehlen, Thomas als Lehrer verlangen.

empfehle chani der marcel glattfelder vo arlesheim. bi dem chasch am samschdig fahre, er holt di überal ab und bringt di überal ane. muesch au nid anderi schieler umefahre und macht au mol länger wend froge hesch.

eifach nid zum schweizer z prattele

http://www.fahrschule-elite.ch/

Top!
Kenne viele, die ebenfalls dort gelernt haben und sehr zufrieden waren/sind
Stunde hat bei ihm noch 60 Min.
70 sFr. falls Schüler, sonst 75 sFr.

[quote="Kurtinator"]beerli fahrschuel im gundeli. de bescht in town! ]

dr beerli längt jungi fraue aa - also überlegsch drs am beschte nommol!

also ich cha do dr robi dürenberger beschtens empfähle!
het e riesegeduld, isch immer guet druff und strahlt e grossi rueh uss. abhole etc. kei problem, fahrstunde au am samschtig.
prys isch glaub 85 oder 90. är chunnt sogar mit minere fründin klar, und das will öbis heisse!

Russe hat geschrieben:dr beerli längt jungi fraue aa - also überlegsch drs am beschte nommol!

Und au jungi Russe..
Hm manz in Birsfelde bini gsi.. alles gude laune gsi!

Digge hat geschrieben:also ich cha do dr robi dürenberger beschtens empfähle!
het e riesegeduld, isch immer guet druff und strahlt e grossi rueh uss. abhole etc. kei problem, fahrstunde au am samschtig.
prys isch glaub 85 oder 90. är chunnt sogar mit minere fründin klar, und das will öbis heisse!

jep bi au bim robi gsii und has super kah bi ihm, ebbe wie du seisch, die ruhe in sich selbst! nur zum empfähle.....

Russe hat geschrieben:dr beerli längt jungi fraue aa - also überlegsch drs am beschte nommol!

öhm wie bitte??? - naja ne das brüchti den nid, aber dä Beerli schint jo sehr beliebt z'si.

Hät Aebin gnoh gha, will dört mi Brueder dazumal scho gsi isch, aber ebe lut HP bietet dä nur Fahrstunde vo Mo-Fr ah und das isch nid so passend für mi. Wird dämfall die Vorschläg vo Euch nomol durego und mi dene für 2 oderso entscheide und mi dört mol mälde und mol chli abchecke was die besser Variante für mi isch.

Ich dank euch ganz viel mol!

Euri lina

Pascilicious hat geschrieben:Und au jungi Russe..
Hm manz in Birsfelde bini gsi.. alles gude laune gsi!

aight. bim heinz oder bi dr babsi?


dr heinz isch voll gemütlich, kasch im SLK fahre und khörsch no so jäääsi sprüch wie "wer haltet der schaltet" .

gäll bb85

dr checker uff em platz basel: schmidi!!!!

http://www.schmidiger.com

also ich ha anno dazumal au am samschtig chönne unterricht neh,
und sooo lang isch das nid her...

lütisch am beschte am martin direkt ah!

diffidati hat geschrieben:aight. bim heinz oder bi dr babsi?


dr heinz isch voll gemütlich, kasch im SLK fahre und khörsch no so jäääsi sprüch wie "wer haltet der schaltet" .

gäll bb85

HAHAHAA! Jo bi beidne, aber meischtens bim Heinz.
JAAAAA "wer haltet, der Schaltet"..haha.. dä Spruch hani öfters ghört.. gröhl.
SLK jäwohl.. ha binere Mercedes Garage d Lehr gmacht und die hänt mit ihne zämegschafft.. ha nix müesse zahle für d Stunde..erscht wo d Prüefig fertig gsi isch, hani e Gsamträchnig becho und d hälfti hets Gschäft zahlt!

diffidati hat geschrieben:aight. bim heinz oder bi dr babsi?


dr heinz isch voll gemütlich, kasch im SLK fahre und khörsch no so jäääsi sprüch wie "wer haltet der schaltet" .

gäll bb85

hehe

so isches...

...und jetzt het är no so e neus programm uf em laptop mit brämswäg und so...viel spass wenn är mit däm losleggt....

und ebbe:

wer haltet-schaltet