FCB-Forum

Ich wurde ihn diesem Monat schon 3 Mal in vers. ÖV's und an vers. Orten kontrolliert.

Letztes Jahr war das sol selten, dass es mir dieses Jahr so aufgefallen ist.

Was habt ihr für Erfahrungen mit den Tram-Schuggern???

Ha letscht Weekend s erschte mol sit langem wieder emol miesse mis Billet zeige. E Kollegin isch am Mentig nach Mitternacht no drigloffe...

das gfühl hani au... 4-mol bis jetze, eimol bini jo dri gloffe aber ha denne jo glück gha...

drfür isch bi dr SBB geschtr Basel-Oerlikon und zrugg kei einzige Kondukteur cho

Ych bi dies Johr no in kai Kontrolle koh und letscht Johr nur 3x...(woby ych SEHR hüffig BVB fahr, d.h. unter dr Wuche 2-3 Mol e Schtreggi vo Zone1). Falls es so sett blyybe lösi glaub näggscht Johr kai Johresabi mehr, Pryysvrglyych:

Johresabi TNW: CHF 640.--
3x drylaufe: CHF 300.--

mi muetter het mer grad hüt verzellt gha, dass si das joor scho 3 mol kontrolliert worde isch. arbeitstherapie für kontrolletis oder bruuche si neus rollmaterial?

Dr 10er bekunnt neus rollmaterial und in oberwil wird bald emol sdepot vergrösseret...

I find, die trage langsam aber sicher digg uf bi dr BVB. Zerscht die fräche Pryyse und denn koschtet s Verwütschwärde au no 100 Frangge. Und wenn de s U-Abo dehäi ligge losch, koschtez nüm 5 sondern schyyns 20 Frangge.

Haltestelle hat geschrieben:I find, die trage langsam aber sicher digg uf bi dr BVB. Zerscht die fräche Pryyse und denn koschtet s Verwütschwärde au no 100 Frangge.

rächt so. wär bschiss söll bläche

Und wenn de s U-Abo dehäi ligge losch, koschtez nüm 5 sondern schyyns 20 Frangge.

blödsinn, koschtet nach wie vor e 5liber. Usnahm isch wenns es UNPERSÖNLICHS Abo isch, denn koschtets, falls dä wo s Abi druf lutet verwütscht wird, 20 Franke. Schliesslig chönts si dass öpper anders das Abo glichzitig benutzt het

panda hat geschrieben:

blödsinn, koschtet nach wie vor e 5liber. Usnahm isch wenns es UNPERSÖNLICHS Abo isch, denn koschtets, falls dä wo s Abi druf lutet verwütscht wird, 20 Franke. Schliesslig chönts si dass öpper anders das Abo glichzitig benutzt het

so chöönt si

fahr jede daag mit em öffentliche verkehrsmittel, bi das johr aber no kei einzigs mol kontrolliert worde....

wenn dr e gültigs ticket händ mien dr emol abseggle wenn dr kontrolliert wärdet, so schnälls goht und immer hinte luege ob dr kontrolleur au no brav mitsegglet....nachere zitt kenned ihr denn ahalte und em kontrolleur sticket zeige udn euch ab em gsichtsussdrugg erfreue

brewz_bana hat geschrieben:wenn dr e gültigs ticket händ mien dr emol abseggle wenn dr kontrolliert wärdet, so schnälls goht und immer hinte luege ob dr kontrolleur au no brav mitsegglet....nachere zitt kenned ihr denn ahalte und em kontrolleur sticket zeige udn euch ab em gsichtsussdrugg erfreue

sProblem isch numme dassi mitlerwiele in 3 oder 4er grupe kömme und vo beidne site... also isch abseckle nit so guet möglich...

wenn si chöme denn wirdi uf dr hiifahrt uf dr witerfahrt und uf dr rückfahrt kontrolliert!

chickens**t hat geschrieben:sProblem isch numme dassi mitlerwiele in 3 oder 4er grupe kömme und vo beidne site... also isch abseckle nit so guet möglich...

ok denn aifach sticket in dhand näh aber so dass mes nonig seht, denn versueche abhaue und euch bitz wehre und nacheme zitli sticket zeige und sich ab em gsichtsussdrugg freue...villicht no miteme lutte "HAHA" (à la Nelson) untermole

also ich mach das sneggschtmol hehe

Bi mir isch nonie ein cho und i fahr täglich 1 Zone öpe und d Strecki Pratteln - Basel im Zug..
Letscht Johr sinn JEDES mol im 7:54 zug kontrolleur gsi.. wirklich jedes mol!

Im 11er Trämmli sind d'Kontrolleure jewiils sehr aktiv, bi geschtr morge wieder emol kontrolliert worde....aber das Pack erkennt meh jo wirklig scho uf 100 meter....uffälliger ka me sich als "Zivi" ächt nid verhalte....und mi Daag isch denn jewils versaut, wenn die mir wiederemol ihre tolle "Bahnpolizei"-Uswis vor d'Nase heebe (Verröter-Pack, remember Altstetten)....die sölle mi in rueh mi 20 min. läse loh, ha schliesslig e BVB-Johresabo!!!

[quote="fma79"]Im 11er Trämmli sind d'Kontrolleure jewiils sehr aktiv, bi geschtr morge wieder emol kontrolliert worde....aber das Pack erkennt meh jo wirklig scho uf 100 meter....uffälliger ka me sich als "Zivi" ächt nid verhalte....und mi Daag isch denn jewils versaut, wenn die mir wiederemol ihre tolle "Bahnpolizei"-Uswis vor d'Nase heebe (Verröter-Pack, remember Altstetten)....die sölle mi in rueh mi 20 min. läse loh, ha schliesslig e BVB-Johresabo!!! ]

i fahr pro tag übere stund im elfer und bi das joor no nie kontrolliert worde....ei mol hani keis abo glöse füre monet und ha au eimol miese abseckle...nachem usgang....hei isch das asträngend gsi...

panda hat geschrieben:rächt so. wär bschiss söll bläche



blödsinn, koschtet nach wie vor e 5liber. Usnahm isch wenns es UNPERSÖNLICHS Abo isch, denn koschtets, falls dä wo s Abi druf lutet verwütscht wird, 20 Franke. Schliesslig chönts si dass öpper anders das Abo glichzitig benutzt het

Oke, messi für d Ufklärig. Bi mer nit sicher xi, dorum han i "schyyns" gschribe.

Wär bschisst, söll bläche. Seh-n-i au eso, aber 100 Frangge find i äifach z viel, sorry.

@fma79
Tramkontrolleure haben nix mit Bahnpolizeizeugs zu tun

[quote="Gevatter Rhein"]@fma79
Tramkontrolleure haben nix mit Bahnpolizeizeugs zu tun ]

Ach ja? Aber warum haben die alle einen Bahnbullenausweis?
Ischwöre!

eländ hat geschrieben:Ach ja? Aber warum haben die alle einen Bahnbullenausweis?
Ischwöre!

Ist der Oberbegriff. Hat aber nix mit Securitrans zu tun (Die Firma von SBB und Securitas, die Bahnpolizei macht auf den Zügen und in den Bhfen).

Vo mir us könnte si uf jedere Fahrt e Kontrolle mache, vorusgsetzt es entstön durch das keinei Verspötige. I lieb d Kontrolle. Die gän mer s Gfühl, dass es Sinn macht e Bilet z lööse. Zuedäm gniess i jedes mol dr Momänt, wenn i somene Kontroleur (die erkennsch allisamt scho uf hundert meter...) genüsslich ka mi Billet vor dr Schnauz heebe.

I hass nüt me, als wenn i in dr Nöchi vo Luzärn (schaff d Wuche dure dört) in Regio nach Olte ystig, in Olte uf dr S3 umstig, z Basel akumm (rund 15 Stei für s Billet), und kei einzige Schnauz het mi kontrolliert...

Haltestelle hat geschrieben:aber 100 Frangge find i äifach z viel, sorry.

es wird niemer zwunge uf e Spaziergang z verzichte...

SBB fahre ohni Ticket isch immer guet... wenns nit Wäge mit "Selbstkonrolle" sin, no ka dr keine öppis aha, chasch immer sage es heig nümm glängt zums billjee am bhf löse bi scho sit langem nümm kontrolliert worde am morge - die hän glaubs vergässe, dass me usde doppelstöcker nit ka in die normale wäge tschalpe

panda hat geschrieben:es wird niemer zwunge uf e Spaziergang z verzichte...

Word. Es ist aber halt immer so, dass immer die bösen bösen Anderen Schuld sind bei gewissen Leuten. Der Bulle hat mein Auto aufs Halteverbot geschoben, nachdem er mich mit gezogener Karre gezwungen hat, dort zu parkieren. Der Typ am Bahnschalter hat mir gesagt, dass er meine Schwester vergewaltigt, wenn ich ein Ticket kaufe.

Leute wacht endlich auf. Wenn ihr das Risiko einer Schwarzfahrt, eines Falschparkens oder Sonstwas in Kauf nehmt, dann nehmts wenigstens wie ein Mann wenn ihr mal erwischt werdet. Ansonsten macht ihr euch lächerlich. "Heul heul 100.-- ist zuviel, rubäääh". Wenn Dummheit strafbar wäre, müsste man für einige User hier wohl die Todesstrafe wiedereinführen in diesem Land, um das Ausmass angemessen sanktionieren zu können.

Isch mir au ufgfalle! Bi vorletschte Mittwuch im letschte 6er verwuetscht worde, das heisst, ich ha mi Halbtax dehai vergaesse. Sone Seich! Aber s'Zeige koschtet numme 5 Frangge, immerhin.

Nö sind keine Bahnpolizisten.

Ist eine Gruppe der BVB (Kontrolldienst) und besteht mehrheitlich aus ehemaligen polyvalenten Angestellten des Fahrpersonals.

(soweit ich weiss )

100 stutz findi ok. Schwarzfahrer sölle bluete. Freu mi jedes mol wenn sie eine verwütsche

aber geil isch folgendes.
Wenn an dr Hst stohsch und du erkennsch se, und sie wän ins gliche Tram wie du, denn muesch eifach zu dinere Begleitig lut sage "ou nei in DAS Tram stieg ich nit ihh"

dä gsichtsusdrugg isch dr hammer

Aber y glaub das mit em bsitze vomene gültige ticket und den glych abseggle macht sicher no fun!!

wens den nadürlig zviel sinn, den hesch päch kha. Aber sgsicht vo somene kontroller würd mi wirklich no interessiere. oder besser gseit, das wärs wärt!!

Flyergirl hat geschrieben:i fahr pro tag übere stund im elfer und bi das joor no nie kontrolliert worde....ei mol hani keis abo glöse füre monet und ha au eimol miese abseckle...nachem usgang....hei isch das asträngend gsi...

kunnt druf welli strecki du mit em elfer fahrsch...ich fahr immer st.johann-dreispitz....und im st.johann stiige sie sehr oft ii...isch aber au vrständlich bi däm schwarzfahr-potential in däm quartier

panda hat geschrieben:es wird niemer zwunge uf e Spaziergang z verzichte...

Doch hesch au wieder rächt.
Aber dennoch find i 100 Frangge äifach z viel, au wenn ich persönlich immer s U-Abo bi mir ha. 80 Frangge würde jo wohl länge.