FCB-Forum

suech es muettertagsgschänk für mini frau, wo ich mit mim chlaine (3 Johr) baschtle cha.

bi froh für jedi idee

Jamiroquai hat geschrieben:suech es muettertagsgschänk für mini frau, wo ich mit mim chlaine (3 Johr) baschtle cha.

bi froh für jedi idee

Muetterdaag isch für die eigeni Muetter und nid für dini Alt!

Jamiroquai hat geschrieben:suech es muettertagsgschänk für mini frau, wo ich mit mim chlaine (3 Johr) baschtle cha.

bi froh für jedi idee

e gipsabdrugg vo de händli oder de fiessli, denn sälber amole und uffhänge.

Diggi_Eier hat geschrieben:Muetterdaag isch für die eigeni Muetter und nid für dini Alt!

hmmm, vilicht brucht de glai doch no e ganz e bitsli hilf wenner e gschänggli für si mueter möcht mache...

@jamiroquai

sunneblueme us papier baschtle und bemole lo. in dr mitti irgend e föteli oder was au immer unds denne so zämeschustere dases ine bluemetopf kasch inestegge mit ächte bliemli rundume.

Basic hat geschrieben:hmmm, vilicht brucht de glai doch no e ganz e bitsli hilf wenner e gschänggli für si mueter möcht mache...

danke basic.... es git dochno forümler wo e bitz studiere, bevor sie in d'taschte haue

- e collage mit föteli vo allne
- e sälbergmachte kaländer
- emol e ganze daag lieb si

i waiss doch au nid

Jamiroquai hat geschrieben:danke basic.... es git dochno forümler wo e bitz studiere, bevor sie in d'taschte haue

Messi!

AJZ hat geschrieben:e gipsabdrugg vo de händli oder de fiessli, denn sälber amole und uffhänge.

letscht johr scho gmacht

[quote="Skier"]- emol e ganze daag lieb si ]

das isch doch mol e idee.......

Kläiderbügel uss Holz, sälber aamoole (griegsch im Baschtellade oder im Coop Baucenter, Baschtelabdäilig, dötte kasch Dir au no anderi Idee hole). Armketteli uss Gummibändeli und Krälleli, Kerzegläsli (für Rechaudkerzli) aamoole, Holzschachteli aamole und/oder bekläbe und Praliné yynefülle, e Föteli vo Euch zwäi in e Fotirähmli uss Halbkarton (Baschtelabdäilig), dr Junior kas aamole und/oder bekläbe. Vyl Spass bim Baschtle

[quote="Diggi_Eier"]Messi! ]

Wieso bedanggsch du di im Name vom Basic??

Zemdil hat geschrieben:Wieso bedanggsch du di im Name vom Basic??

Wel ich für Ironie kaini Smiley's bruuch....

ah jä - in sache mueterdaag grad e frog.

söllmer sinere fründin wo schwanger ysch au öbbis ufe mueterdaag schängge oder ysch das e furzidee

Basic hat geschrieben:ah jä - in sache mueterdaag grad e frog.

söllmer sinere fründin wo schwanger ysch au öbbis ufe mueterdaag schängge oder ysch das e furzidee

Sie isch jo nonig Muetter, es sei denn, sie wirft hüt.

Frog sie doch aifach.

Holsch ei paar vo dene adicolor-schueh und lohsch se vom chind bemole.

Diggi_Eier hat geschrieben:Sie isch jo nonig Muetter, es sei denn, sie wirft hüt.

Frog sie doch aifach.

jo s'god eher dorum öb das fraue ächtsch erwarte könnte oder nit.

ha kai luscht am sunntig nochere durchzechte meischterfiirnacht e grimmige bligg z'kassiere willi kai gschänggli ha

Basic hat geschrieben:jo s'god eher dorum öb das fraue ächtsch erwarte könnte oder nit.

ha kai luscht am sunntig nochere durchzechte meischterfiirnacht e grimmige bligg z'kassiere willi kai gschänggli ha

Also ich dängg eher nai... aber y ka nüd garantiere.

Wenn de so Schiss hesch, denn mach doch e Kärtli zem Nicht-Muttertag, oder Bald-Muttertag.

Was ich würd mache mit däm 3 Jöörige Goof, wäri, dass en würd am 8i am Morge wecke, ihn mit Ärdnussbutter würd yschmiere und en denn zer Frau in's Bett go Schmuse schigge. Denn mergsch, dass sie stolzi Muetter isch....

Mendez hat geschrieben:adicolor-schueh .

Das ursprüngliche adicolor Konzept wurde 1983 anlässlich der internationalen Sportartikelmesse Ispo in München vorgestellt. Damals bot adidas weiße Schuhmodelle zusammen mit speziell entwickelten, schnell trocknenden und wasserfesten Stiften an. Mit diesem innovativen Konzept konnte man sein ganz persönliches Paar Turnschuhe gestalten. Um die unbegrenzten stilistischen Möglichkeiten von adicolor zu unterstreichen, bietet die neu aufgelegte Kollektion in 2006 eine ganze Reihe zusätzlicher interessanter Hilfsmittel u2013 von Filzstiften bis hin zu Sprühdosen u2013 für die individuelle Gestaltung an. Die adicolor Produkte werden ab dem 4. März 2006 über einen Zeitraum von drei Monaten in den Handel eingeführt. Die einzelnen Modelle sind dabei über verschiedene Vertriebskanäle und in mehreren Preiskategorien erhältlich.

http://www.adidas.com/de/adicolor

Basic hat geschrieben:ah jä - in sache mueterdaag grad e frog.

söllmer sinere fründin wo schwanger ysch au öbbis ufe mueterdaag schängge oder ysch das e furzidee

Also ich finds e härzigi Idee.

Und sunscht kasch Ihre jo e Bluemestruus schängge für d'Zuekunft, falls dr Muetterdaag emol vergissisch....

und, jemand schon neue ideen ????

weiss jemand wo man am sonntag morgen einen "muttertags-burezmorge" machen kann ?

Jamiroquai hat geschrieben:und, jemand schon neue ideen ????

weiss jemand wo man am sonntag morgen einen "muttertags-burezmorge" machen kann ?

Am Beschte gohsch uff e Buurehof!

Frog emoll Bellach, dä kennt e paar *g*

Jamiroquai hat geschrieben:und, jemand schon neue ideen ????

weiss jemand wo man am sonntag morgen einen "muttertags-burezmorge" machen kann ?

kasch das zmorge jo uff e samschdig vorlege...denn wär nämlig uff em barfi basler beggezmorge ab de nyyni