FCB-Forum

Ich weiss, es git scho entsprächendi Threads, allerdings sinn die nid wirklich hilfrich.
Vo mim zuekünftige Schwooger ha ich dr Uftrag gfasst sy Polterobe z'organisere. Ich suech jetzt Idee wo me am Nomittag chönnt ahnegoh. Es söll am Nomittag uf sy Wunsch ahne nonig e Besäufniss gäh, sondern e glatte Usflug wo me zämme öbis unternimmt. Go Kart fahre chunnt nid in Froog, das mache mr sunscht scho viel, ähnlechi Sache liege aber durchuss drinn. Ich mol d'Idee gha go Pocket Bike fahre, will är e Töff-Freak isch, allerdings hani nüt gfunde wo me so Bikes cha Miete. S'ganze findet im Juni statt und dörf au e bitz wyter wäg sy, Bus hän mr.

S'Nachtässe isch scho organisert, allerdings sött dört no chli Unterhaltig ahne. Was chönnt me mache?

Dr Obe wärde mr allwäg wie so hüfig an so Ahläss in divärse Fudischüppe verbringe...

Merci für Euri Idee!

Huskyranch Muotatal

alpamare

jo hmmm....

mir hänn mol e kolleg vo mir ufeme fahrbare, sälberbaschtlete pranger dur d'stadt kutschiert und em vrschiedeni "ufgobe" uftreit... schn'no witzig gsi.

glaiderdusch miteme landstriicher, im donati im supermanstring e tisch go reserviere usw.

fudischuppe würdi nit empfähle -> gschiider sälber e schtrippere organisiere - vil die grösser gaudi

ganz klar, do chas nur ei lösig gäh: ab ins Puff!!!

könig hat geschrieben:alpamare

hani mr au scho überlegt, aber das isch allwäg amene samschtig nomittag total überfüllt....

Gevatter Rhein hat geschrieben:Huskyranch Muotatal

im summer! nenei, dört gangi nögscht winter mit dr fründin ahne!

ab go paintball spiele

dasto hat geschrieben: ab go paintball spiele

dasch mol e gueti idee.

Mit em Trottinett vo dr Wasserfalle oobenaabefreese.

könig hat geschrieben:dasch mol e gueti idee.

bi zwar scho lang nüm gsi, aber es isch sau lustig

dasto hat geschrieben: bi zwar scho lang nüm gsi, aber es isch sau lustig

bi ebe no nie gsi.

könig hat geschrieben:bi ebe no nie gsi.

unbedingt mol go! lohnt sich..

dasto hat geschrieben: ab go paintball spiele

das wär no öbis! hesch grad e tip wo me das cha go mache?

Digge hat geschrieben:das wär no öbis! hesch grad e tip wo me das cha go mache?

http://www.paintballfarm.ch/farm.html

es trämli für ca 3-4 stund miette mit es paar bierfässli etc und durch d stadt düse

http://paintball-farm.ch/gallerie/gall_yb/gal.html

dasto hat geschrieben: ab go paintball spiele

http://www.syntapaint.ch/


-> In dr Region...

Ignoriert doch meinen pazifistischen ÖV-Outdoor Tipp, ihr Gewalttäter.

FC BASEL 1893 hat geschrieben:http://paintball-farm.ch/gallerie/gall_yb/gal.html

das sind ausnahmen... kenne viele die schon waren, und es hat nie so ausgehen..

baslerin hat geschrieben:http://www.paintballfarm.ch/farm.html

das gseht guet uss!!!

IP-Lotto hat geschrieben:Ignoriert doch meinen pazifistischen ÖV-Outdoor Tipp, ihr Gewalttäter.

jo dini idee isch jo scho luschtig, aber e hochzyt an krüke und mit bei am gips isch nid so das wahre....

Scott hat geschrieben:es trämli für ca 3-4 stund miette mit es paar bierfässli etc und durch d stadt düse

mir wärde allwäg das transportmittel bevorzuge: http://www.polsterbus.ch

- Welness
- Bungee Jumping
- Brauerei go aluege
- Skydive
- Rundflug
- Kletterpark

Razer hat geschrieben:- Welness sinn mr fraue?
- Bungee Jumping wird bitz tüür...
- Brauerei go aluege wär e alternative
- Skydive leider viel z'tüür
- Rundflug no viel z'tüürer
- Kletterpark nööö...

aber merci trotzdäm für dini hilf!

Razer hat geschrieben:- Welness
- Bungee Jumping
- Brauerei go aluege
- Skydive
- Rundflug
- Kletterpark

ich bi emol mit minere Gugge ä Brauerei im Emmetal go aluege, dört het mä denn sogar s Bier selber chöne Braue und mit heim näh

Digge hat geschrieben:aber e hochzyt an krüke und mit bei am gips isch nid so das wahre....

Ich erinnere mich an eine Hochzeit:
- Bräutigam mit 3 gebrochenen Rippen und entsprechender Körperhaltung
- Sohn der Braut mit Arm im Gips
- Tochter der Braut mit Krücken
- Braut unversehrt aber immer wieder brummelnd: "Muss das sein? Die denken doch, dass ich euch alle verhauen musste, damit ihr mitkommt."

Trottifahren war niemand und die Hochzeit war erfolgreich.

Digge hat geschrieben:aber merci trotzdäm für dini hilf!

Git no meh...

- Goldwaschen (http://www.rafters.ch/gold-rush/)
- Schienenvelofahren (http://www.sense-saane.ch/)
- Mystery Park
- Swiss Miniatur
- Verkehrshaus
- Bergwerk aluege (http://www.bergwerk-gonzen.ch/)
- Hundeschlittle (http://www.lucky-nugget.ch/)
etc etc

Puppemuseum

baslerin hat geschrieben:ich bi emol mit minere Gugge ä Brauerei im Emmetal go aluege, dört het mä denn sogar s Bier selber chöne Braue und mit heim näh

das wär jo sicher lässig, aber will mi vater sälber bier braut, hän mir das scho paarmol gmacht. wär also nüt speziells...