leroidebale hat geschrieben:Ich denke es ist der beste Gegner den wir bekommen konnten.
Weil:
-Das Stadion sollte Ausverkauft sein.
-Die Spieler topmotiviert und genau wissend was auf sie zukommt.
-Englische Teams liegen dem F.C. Basel
-Sevilla läge dem FCB nicht. Wir haben keine guten Erinnerungen an die ballsicheren Spanier...
-Gegen Schalke wäre es besser im möglichen Finale zu spielen...
-Ost-Europäer sind nicht lukrativ
-Bei Sofia, Zenit, und die Bukarester hätte man viel weniger gewusst was auf einem zukommt.
-Ich glaube kaum, dass der FCB in Ost-Europa ein gutes Resultat geholt hätte. Kriegsstimmung, Alt-UdSSR-Stadien etc.
-Ich glaube die Ost-Europäer sind massiv motiviert und würden fast töten für ein Weiterkommen.
-Schaut mal was die für Teams herausgehauen haben...Udinese, Stuttgart, HSV, OM u.a.
-Basel wäre gegen die Ost-Europäer eher Favorit gewesen als umgekehrt. Dem FCB, so denke Ich, liegt aber eher das Gegenteil.
Darum ist Middlesborough das beste Los. Das Finale bleibt das Ziel.
Und noch was. Heutzutage sprechen ein paar gelangweilte Fans Kritik an Gross aus.
Hätte man, als Cecca und co. das Tor aus dem alten Joggeli trug, den Fans erzählt, dass der FCB, in sieben Jahren, einen Zuschauerschnitt von ca. 23'000 hat, in der CL für Furore gesorgt hat, Juve, Moskau, Celtic und La Coruna geschlagen hat, Liverpool rausgeworfen hat, bald seit dem, 4 mal Meister geworden ist, den UEFA-Cup Achtelfinal 2005 und jetzt kurz vor dem grössten Vereinserfolg steht mit der Möglichkeit in den Halbfinal des UEFA-Cups einzuziehen, dazu, dass der FCB über 50 Meisterschafts-Heimspiele nacheinander ohne Niederlage bestreiten würde, ihr hättet denjenigen für verrückt erklärt.
Unsere Anforderungen sind massiv gestiegen, aber wir sollten doch auch Stolz sein können und nicht jedes mal den Meistertitel, Cupsieg, CL-Achtelfinal-Einzug, dazu sollte es bitteschön noch äusserst attraktiv erreicht worden sein, einfordern, sonst wackelt der Stuhl des Trainers.
Natürlich spielen gewisse Spieler unter den Erwartungen, aber das wird es immer geben. Wir können uns auch freuen, dass gewisse Spieler so eingeschlagen haben und auch über den Erwartungen spielen. Es wird nie alles Perfekt sein.
Darum denke Ich, das Unternehmen Gross-FCB ist ein erfolgreicher und verdient viel mehr Hochachtung, als das im Moment der Fall ist.
@ leroidebale
Bi nid oft dir gegenüber wohlgesinnt, was dini
Biiträg aabelangt,
aber dasmol triffsch sehr vieles genaueschtens uf de Punkt
!
Dini iischätzig betreffend de mögliche Gegner und em jetzt aktuelle
Gegener isch sehr guet glunge.
Ich will nur zu einere Sach my two cents drzue fyege:
Aagnoh, de mehmols im Forum formulierte Draum setti in erfyllig goh,
und de FCB setti ans Endi vorstoose, will ich mögl. Chance folgendermasse
formuliere ..
- Wie bereits bekannt, würdi dr FCB s'Heimteam sii, was rein vo dr Psyche
her schwer gwichtet ka werde ..
- Derzue könnti e Final-Kombinazzion mitmne Ostblock-Team gar nid
eso schlecht sii, denn die Stimmig wo in de Ostblock-Stadie herscht,
wird (man erinnere sich an die Fan-Touristen in Lissabon letztes Jahr,
sowie an die Euro 04 in Portugal) mit relativ grosser Wohrschinlichkeit
nid kenne eins zu eins ins Philips-Stadium ybertrait werde.
- Dass e Unterschätze gege e mögli. Ostblock-Gegner nid wird iitreffe,
siitens vom FCB isch sehr wohrschinlig, denn nid nume de Chrigel het
s'letsch jährige UEFA-Cup Final gseh ..
Jetzt zrugg zu de Smoggies: die sind uns scho jetzt e bitz am unterschätze,
und das brucht dr FCB, genau wie gege z.B. d'AS Monaco, wo ybrigens
vor em Vergliich mit em FCB noni definitiv im Supf glege isch, sondern
erscht durch die UEFA-Cup match in de Sumpf grutscht isch (au vo de
Medie eso aagseh .. denn vorem FCB game, het z.B. L'Equipe no vomene
befreiende Treffe gege de FCB gredet).
Derzue isch usser em Pogatetz, wo dr FCB eher besser kennti kenne
(aber isch er ufem aktuelle Stand, oder no ufem CL-Saison Stand, denn
jetzt herscht e anders, erfolgrichs System .. ?), no de Trainer Steve McClaren,
wo eher e
mir unbekannti Person isch, wo aber de CG anschinend
sehr guet kennt .. kennti ebefall e akribische Trainer sii, wo nyt em
Zuefall yberloht.
Und denn kemme d'Spieler vo Middlesbrough .. de "Surinamer"
Jimmy Floyd Hasselbaink isch und blibt e stämmiger Knipser in
Brecher manier. Es sell mir niemer koh, er wäri e Uuslauf-Modell, de
Typ isch happig, aber sich uf ihn z'konzentriere (D.Majstorovic) wäri
fatal, denn vom Aiyegbeni Yakubu wird viel, sehr viel guets gschribe.
Isch e 1.80er Klotz mit anschinend dauerhaftem Bombeartigem Schuss,
isch fyr £7.5 Mio vo Portsmouth kauft worde, nachdem er in 67 PL-Spiel
ganzi 29 Töpf gschosse het, das isch e Traumhafti Quote, fascht jedes
zweits Spiel e Kannone !
Und wer sell de in Schach halte? Maa-Maa vom Smiljanic? Eher nid ..
.. doch eher vom Maestro? Ich würd meine, aber denn de Smiljanic
uf de Hasselbaink .. aber au de als Permanente Maadecker?
Denn hän mir es Problem .. d'Inneverteidigung konzentriert sich uf die
zwei, aber de Rescht wo um d'IV spielt (ZonkZanni, Berner [spielt wirkligg
immer besser], plus 6er de Babbe) muess sau guet ufpasse, denn
wenn IV-uf
zwei Stürmer aagsetzt wird, starte pletzlich anderi
Spieler duure .. so hanis damals im Club glehrt becho.
Wär wär die evtl. dritti oder vierti ufstrebendi Kraft? Mendieta, eher nid in
d'Tiefi ... eher Assistgeber im Smoggies-System?
Derzue, wie spiele d'Smoggies, wenn si unter Druck stöhn? Hän sie
die jewilige guete Resultät us dr Bedrängnis use gschafft oder wo sie nid
vo de Medie usw. unter Druck gsetzt worde sin, denn ich behaupt emol,
dass d'Smoggies jetzt als Favorit werde kolportiert, im Gegesatz zem
AS Roma und VFB-Matsch .. (gege GC ischs jo au fascht in d'Hose)
Zu aller letscht, setti de FCB die (grossi) Hyrde Middlesbrough schaffe,
myen mr nid vergesse, e Bukarest-Brocke würdi warte, und zwar erscht
mitmne Uuswärtsspiel .. e eher ungwohnit Situazzion fyre FCB.
Die hän beidi, wer au immer sich qualifiziert e geuti EuroCup-Saison hinter
sich .. s'einzige wo sie kennti e bitz beschlage isch de Faggt, dass sie
sich werde gegesittig e gnadelose Kampf [vor allem au im Mentale Bereich]
liefere, wer denn nun die Mannschaft wird sii, wo d'StadtFahne darf wiiter
in Europa spaziere trage .. die Sieger Mannschaft, kennti sich dra uufriibe,
ich hoffs zumindescht, well suscht (muess zwar zuegeh, hami noni eso
mit ihne usenandr gsetzt .. spötischtens nach de nägschte 2 Spiel weissi meh)
wirds au dert sehr happig fyre FCB, wo denn worschinlig in dr Favorite-Rolle
gstellt wyrdi werde [gramatikalisch e schaiss Dytsch werde-werde *schämmdiMonarch*].
Drumm, erscht mol Wiiterkommen gege d'Smoggies erkämpfe .. und denn
starg hoffe, dass es guet usgoht, denn de harti Broke wär's Halbfinal !!
Final hani scho beschriebe .. will aber no folgendes aafyege: wenn mr wirkligg
sotte Schalke 04 beko, was mehrmols gwynscht worde isch, wär's zwar e
traumhafti Paarig, womr evtl. sogar d'Locali Fans uf unserer Siite hätte, aber
d'Knappe wäre in mine Auge vo dr Abzoggtheit und vo dr Kaderbreiti de Siegfavorit,
denn nonemol vom FCB yberrummple loh, das wird ihne leider nid iifalle ..
.. aber ich red mir jetzt zue. "hey Monarch, s'Spiel goht mind. yber 90 Min.!!"
Auf gehts FCB erobere Europa. Und denn werde wieder mehr em CG-Erfolg tribut zolle,
analog zu dine treffende CG-Ussage, Herr Königskollege, leroidebale
!
De blaublyetige Basler_Monarch und sini two cents.
